2Tim. 1:4 - BUKO SIPUNENAN

⁴ Mangelei bagaku masiitco ekeu, kurepdep elum, bule isege angkat bagaku.

2Tim. 1:4 Iomraidhean Croise

PSALMEN 126:5

Sirimanua sipangungurep sialei elu ka mata, masimomonei geti ka gorat baga.

Jes. 61:3

masipanguruatake katubutda pulaingean ute silit abu, tula pakeiet ka punen silit komak pureureugat baga, urai pasiumun silit ron patuat simagulai, bule raoniake sia sirimanua “Loina tarbantin pubulanan”, “Siureman Tuhan” bule itupatoila pulatsananNia.

Jer. 31:13

Kateteret nenda sangamberi tai okko' muangkabaga geti muturu simakere, sangamberi tailainge samba sikebbukat geti mugora' baga le', Kusisili le' geti pureureugatbagatra bailiu angkatbaga, masipusuibi geti sia samba masiangkaakebagatda pasat reureubagatda.

Joh. 16:22

Kisedda leu kam, kineneiget mareureu bagamui; tapoi momoi le aku minca kubalou kam, mangkanangan bagamui, beri sara siooi masiala angkat bagamui ka tubumui.

Joh. 16:24

Teret kise tapei anutiddou kam apa pa ka oningku. Tiddou kam, nusilo kam nia, bule isun angkat bagamui.”

Pugap. 20:19

Ka epet paatuat le samba pagalu elu akugalai galajet Tuhan, samba maigi akuorik pasisiboat kalulut isiatda tai Jahudi masimateiake aku.

Pugap. 20:31

Oto pumata kam, repdep kam, telu ngarura burunia, taipuaari sinago sinoibo pagalu elu kupangantoman kam senemui.

ROMA 1:11

Marepdepman bagaku masiitco kam, bule ioi kuake ka kam panguruat puketsanan masironake kam.

Plp. 1:8

Aipoi Taikamanua le sipasimumuneng kaku kipa pasirerepdepku kam sangamberimui ka katet bagat Kristus Jesus.

Plp. 2:26

Aipoi bulat airepdepman kam sangamberimui samba mareureu bagania, kalulut aarepmui pubebesinia.

1Tes. 2:17

Kai geti sasaraina, kenanen areu kai goiso ka kam – areu ka mata, ka paatuat geti ta areu – bulat amangeleian bagamai samba kubesiake kai masibalou kam minca.

2Tim. 4:21

Besiake nuoi se enan ta babara tetere simaleppet. Salam kekeu sibara kai Ebulus, Pudes, Linus, Klaudia samba sibara ka sangamberi sarainanta.

2Tim. 4:9

Besiake imaola nuoi masibalou aku;

1Joh. 1:4

Lulunia akusuratnake kai sangamberinia nene, bule imasun angkat bagata.

Pamoil. 21:4

Posanangan sangamberi elu ka matada, samba kamateiat taan anai, ele reureu baga, ele geri, ele gejat baga taan anai, aipoi sangamberi siboiki atusabauan.”

Pamoil. 7:17

Ai le poi ijajago sia Togat Biribiri sikuddu ka talagat uddenan purimataat samba ipaulu sia ka bubuakat oinan purimanuaiat. Samba sangamberi elu ka matada ipoposa Taikamanua.”