2Tim. 1:12 - BUKO SIPUNENAN

¹² Ia te lulunia akuorik sangamberinia nene, tapoi ta mamaila aku; aipoi kuagai nia katonemietku samba matonem bagaku sangamberi sinegeakenennia kaku momoi ipasikeli nia teret ka gogoi sialu.

2Tim. 1:12 Iomraidhean Croise

PSALMEN 25:2

Oi Taikamanuangku, Ekeu le kukatonemi bule bui rapakaila aku tai saggak buian rapugora baga tai saggakku rageigei aku.

PSALMEN 31:5

Belaake le aku ka jarik sigalaira sirimanua kaku, kalulut Ekeu le kudduat pukunenanku.

PSALMEN 56:9

Pangoringanku anusuratakean, elukku nukau le kabagat bulibulim. Ta pa atusuratan sangamberinia kabagat bukom?

PSALMEN 9:10

Tuhan iate kudduat pukuneman ka sirimanua pinaore, kudduat pukunenan kateteret pusaggoat.

Jes. 12:2

Bulatnia, Taikamanua nenda puaragatku, matonem bagaku taan maloloto aku. Aipoi Tuhan Taikamanua nenda ronku samba pasiumunku, aibailiuannia puaragatku.”

Jes. 50:7

Tapoi Tuhan Taikamanua masiropake aku; kalulut nenda ta atupakaila aku. Kalulut kuronake le patuatku kele ron leleu simabulak kalulut kuagai, ta kusisilo geti puailaat.

Jes. 54:4

Bui' numaloto, kalulut ta nusisilo te puaailaat, samba bui' numaila, kalulut ta te nupuagai tubum. Kalulut nukalipogi le geti aila kateteret sibau tubu peile ekeu, samba taan nurerepdep minca puailaat ka pululumangnu.

Nah. 1:7

Maeru le si Tuhan, Ikunemi le paamianNia ka teteret ai sia ka bagat okkip. Ijago le sia sipukunem ka tubuNia.

Mat. 12:21

Ka tubunangan le rapukakaronan tai bangsa.”

Mat. 24:36

“Pagalaiat gogoi samba jamnia geti ta anai siagai nia, beri samalaika ka sorga beri Toga leu, sarat Ukkui le siagai nia.

Mat. 7:22

Ka gogoi sialu maigi te sia sipasikukua ka mataku, ‘Tuhan, Tuhan, ta amungantomanan kai ka onim, samba akuusiake kai sanitu ka onim, samba akugalai kai maigi pukerengan ka onim?’

Luk. 10:12

Kukua nia ka matamui, ka gogoi pasiukuman, ukuman laggai Sodom pei le makalabbei ka laggai nenda.”

Luk. 23:46

Lepa pugereinangan Jesus sabeu nganga, “Ukkui, ka kabeinu le kusegeake ketsatku.” Kele aikua nene sege isegeake engania.

Joh. 17:15

Ta kutiddou bule nuala si ka polak, tapoi bule nupasikeli le sia ka sikayai.

Joh. 6:44

Ta anai beri sara siooi moi kaku ke ta igirit nia Ukkui sikoiniake aku; samba kusuruake nia ka gogoi sialu.

Pugap. 13:46

Tapoi memei maeeme si Paulus samba si Barnabas manibo kuarangan, “Kirenangan buita ka kam le boiki tusegeake tiboiet Taikamanua; tapoi anukaritnake le poi kam samba anuaddeake le kam ta mateu kam masisilo purimanuaiat sitaitatata. Oto ka bangsa bageian le kueei kai.

Pugap. 13:50

Tapoi rapakatai le nganga tai Jahudi ka matada tainanalep siabeu tiboi tubu simasuru ka Taikamanua, samba sautet laggai. Taddaakerangan rakukuru si Paulus samba si Barnabas, kekelerangan sia ka laggaira.

Pugap. 21:13

Alegina le nia si Paulus, “Aponia nupusosou kam kele nene, nureureuake kam bagaku? Aipoi ta sarat tukabe, tapoi samba matei leu ka Jerusalem matarek le aku kalulut onin Tuhan Jesus.”

Pugap. 7:59

Airababaijuk nia, panindounangan Stefanus, kuanangan, “Tuhan Jesus, silo ketsatku!”

Pugap. 9:16

Ai leu kupaitco ka matania kipa igit bairatetnia kalulut oningku.”

ROMA 1:16

Bulat tonem le bagaku ka Katuareman Simaeru, nia le poi ron Taikamanua masiarauake senen simatonem baga, boiki tai Jahudi samba bangsa bagei leu.

ROMA 9:33

kele sitususurat: “Bulatnia kugalakngake ka Sion sara bukku tuluiet samba sara bukku katusoksongan, samba kasei sikatonemi nia, ta tupakakaila.”

1Kor. 1:8

Nia leu masiparoron kam teret kalepakatnia, bailiu kam malina ka gogoi kaoijanan Tuhanta Jesus Kristus.

1Kor. 3:13

matotoila le geti galajetda senenda. Gogoi Tuhan poi masipatotoila, aipoi api le ipatotoila nia samba kipa erunia galajet senen sirimanua, api le isisibo nia.

Plp. 1:20

Aipoi besiakenenku samba karonietku simakope ia te bui bara ailaku beri goiso, tapoi ka eme le, kele ka sanganantania kisedda leu kineneiget tupatoila latsat Kristus ka bagat tubuku, murimanua ele matei.

Plp. 3:10

Kiddiet bagaku ia te masiagai nia samba geget katusuruatnia samba musara ka pangoringannia, bailiu makere aku ka bagat kamateiatnia,

Plp. 3:21

sipasisisili tubuta sikatai nene imakere ka tubunia simalatsat, siripot gegenia siooi masisumake sangamberinia ka tubunia.

Plp. 3:8

Purugiatnan le kuaddeake sangamberinia, kalulut pasiaagai Kristus Jesus Tuhanku pei le malainge ka sangamberinia. Kalulut nia poi galakngakekungan sangamberinia nenda samba kuaddeake nia pora, bule kupuuktungi Kristus,

1Tes. 2:16

kalulut rasaila kai mungantoman ka sipuarat bagei sibailiu puaragatda. Kisedda te rariuriuake masituppai joda teret isun iginia. Tapoi kalepakatnia, kineneiget aiorakngan sia golut Taikamanua.

1Tes. 5:4

Tapoi kam sasaraina, ta anai kam ka bagat gepgep, bui itulut kam gogoi kele ke sipananangkou;

1Tim. 6:20

Ale Timoteus, pasikeli sangamberi sinegeakenen kekeu. Katsiliake titiboat si ta galai simalolit samba pajoggolat pagalaiat kuanenda “puaagai.”

2Tim. 1:14

Pasikeli bibilet simalainge sinegeakenen kekeu, ka paroman Ketsat Sipunenan sikuddu ka bagata.

2Tim. 1:16

Bule ipanguruatnake si Tuhan katet baga ka lalep Onesiporus, aipoi mareirei ikulaake bagaku samba ta ikailaake masibalou aku ka penjara.

2Tim. 1:18

Bule ipangurutanake si Tuhan katet bagania ka tubunia ka gogoi sialu. Kipa igit sigalainia ka tubuku ka Epesus, ekeu pei le iagai nia.

2Tim. 1:8

Oto bui numaila masimuneng pagalaiat Tuhanta, samba bui numaila kalulut aku situukum kalulut nia, tapoi tut le masiorik kalulut Katuareman Simaeru siripot ron Taikamanua.

2Tim. 2:9

Kalulut pasipaarep Katuareman Simaeru nene te akupasiorik, pat tukabe, kele sirimanua sipananae; tapoi tiboiet Taikamanua ta tukakabe.

2Tim. 4:8

Kineneiget, amatarekngan kaku kirit puroipoat akenen Tuhan Sipasiukum simaroipo kaku ka gogoi sialu; ta sarat kaku, tapoi samba leu ka sangamberi sipungeleiji katutoilakatnia.

Tit. 3:8

Karonan te tiboiet nene samba kuoba bule nuronake nia, bule sia simatonem baga ka Taikamanua rapasikeli masigalaiake galajet simaeru. Ia te simaeru samba sibailiu uktuk ka sirimanua.

Ibr. 12:2

Ka bagat masigalaiake nene, kau takinere kam Jesus, sipalulu sita mutonem baga samba sipamuine tonem bagata. Ta aipuletsei aila, iomake masibairat siliktenga, silit angkat baga situtatarek ka Sia. Kineneiget amukuddungan nia kai kattoet uddenan purimataat Taikamanua.

Ibr. 2:18

Kalulut aiorikngan poi ka sia pasisiboat, oto momoian iromake sia siorik pasisiboat.

Ibr. 7:25

Ia te lulunia iooi iarauake sipulelelek sangamberi sirimanua siooi ka Taikamanua kalulut nia. Riuriu le poi ipurimanua ibailiu nia sipasititiddouake sia.

1Ptr. 1:5

Ia te kam pinasikeli ka geget Taikamanua kalulut tonem baga ujumui masingena puaragat simatatarek patoilaket ka gogoi sialu.

1Ptr. 4:16

Tapoi ke masiorik nia kalulut pukikristen, bui imaila; kau le iumunake Taikamanua ka bagat onin Kristus nenda.

1Ptr. 4:19

Oto sia sipasioorik kalulut teu bagat Taikamanua, kau rasegeake ketsatda ka Sipasibabaraake sia simatopit, ka bagat masigalaiake simaeru.

Jud. 1:24

Oto ka tubunia, simagege masipasikeli bui nubele kam samba siambit kam si ta loloiet samba sut gorat baga ka matat pulatsanannia,