2Tim. 1:10 - BUKO SIPUNENAN

¹⁰ samba kineneiget atutoilaakean kalulut kaooi Sipaarau sita Kristus Jesus, sipasitatataake geget kamateiat samba siottouake purimanuaiat sitaimasusuet kalulut Katuareman Simaeru.

2Tim. 1:10 Iomraidhean Croise

Jes. 43:3

Kalulut Aku le Tuhan, Taikamanuam, Sipululatsat, Taikamanuan Israel, Sipaarau ekeu. Misir akubailiuakean silim Etiopia samba Syeba leu sibailiu silim.

Jes. 45:15

Bulatnia, Ekeu Taikamanua silipputake tubu, Taikamanuan Israel, Sipaarau.

Jes. 45:21

Paagaiake samba kua kam paluluatnu, kauan, eddangan rapatibo sambatda: Kasei pa amasipaarep pagalaiat nene barania ka panandaatnia peile, samba amasipaagaiake barania peile ka siburu? Ta pa Aku, Tuhan? Taanai sabagei, taanai Taikamanua ke ta sibara Kaku! Taikamanua simaroipo samba Sipaarau, taanai sabagei ke ta Aku!

Hos. 13:14

Bangsa nene geti ta'kuaarauake sia kageget kamateiat, ale kamateiat, karapakean besinu! Galaiakean galaiakenennu masipasabu nenda! Ta'an kupunununtuki baga minca bangsa nene.

Luk. 11:36

Ke mapato sangalio tubum, beri goiso simagepgep, ta isosoppi imapato sangalionia, kele itoroi ekeu alito.”

Luk. 13:7

Kuanangan ka matat sipuuku monenia, ‘Telu ngarurangan ujunia akuoi masigaba buat sileu nene, tapoi beri sangambua akusese. Taddengan le nia. Apananta isaila polak siboboi.’

Luk. 2:11

Gogoi nene, amututuan matat Sipaarau kam, ia te Kristus, Tuhan, ka laggai David.

Joh. 1:9

Pato nene te bulat pato siooi ka polak masipatoake sangamberi sirimanua.

Joh. 14:6

Kuanangan ka matania Jesus, “Aku te enungan samba pubulanan samba purimanuaiat. Ta anai sisesege ka Ukkui ke ta kalulut aku.

Joh. 20:31

Tapoi sangamberinia nene aitusuratnake, bule imatonem bagamui, Jesus ia te Kristus, Togat Taikamanua, samba bule kalulut tonem baga bara ka kam purimanuiat ka bagat oninia.

Joh. 4:42

Kuarangan ka matat sinanalep, “Taan kalulut tiboietnu aimatonem bagamai, tubumaian aiarep nia samba akuagaian kai sinene te bulat Sipaarau taikapolak.”

Joh. 5:40

Tapoi ta noba kam moi ka tubuku, bule nupurimanua kam.

Pugap. 13:23

Ka punuteteunia te aisuruake Taikamanua Sipaarau tai Israel siripot palelengannia, ia te Jesus.

Pugap. 5:31

Nia le airioake Taikamanua isit kai kattoetnia bailiu Sipaneinei samba Sipaarau, bule ibara ka tai Israel katubaugat paatuat samba katuappekat jo.

ROMA 16:26

tapoi kineneiget atupatoilaan samba siripot parentat Taikamanua sitaitatata, aisegeakean bukoda tai nabi ka sangamberi bangsa, masipalulu sia rareddet mutonem baga.

ROMA 2:7

ia te purimanuaiat sitaitatata ka sia simaom baga masigalai simaeru, masigaba pulatsanan, pubeunanan samba sitaimasusuet.

ROMA 3:31

Ke kisedda bai, tapakakataian le pa Surukat kalulut tonem baga? Bulat ta momoi! Bailoknia, ronakenenta le.

ROMA 6:6

Taagai poi pusirimanuatta siburu atusiliktengaakean pasamba Kristus, bule imalose tubuta simajo, buian tapupaguguletnake minca tubuta ka jo.

1Kor. 15:26

Saggak sikateitei sikalaakenennia ia te kamateiat.

1Kor. 4:5

Ianenda, bui nupasiukum kam ta ka teterenia, ke tapei amoi si Tuhan. Nia le masitotoroiji simalipput ka bagat pugepgeman samba masipatotoila isiat paatuat. Sedda pei te senen sirimanua masisilo katuumunan sibara ka Taikamanua.

2Kor. 5:4

Aipoi ujut ai pei le sita mukukuddu ka sapou nene, muhoihoi le sita, lulut sanenia bairanen. Ta kalulut obata bela ka putubuat polak nene, tapoi obata le masipakei putubuat sorga, bule tubuta simamateiet nenda iguk nia purimanuaiat.

Gal. 5:4

Ke nukaroni kam puroipoat kalulut Surukat, abelangan kam ka Kristus, taan anai kam ka bagat kiliu baga.

EPESUS 1:18

Samba bule ipatoake matat paatuatmui, ioi nuagai kam aponia karoniet ka bagat pasogaiatnia, kipa kayot pulatsanan kaunennia ikepmakenenda sia sipunenan,

EPESUS 1:9

Aipaagaian poi ka sita keleat isiatnia, siripot siteuakenennia kappuluakenennia ka bagat Kristus.

2Tes. 2:8

seddangan te teterenia ipatoila tubunia Sirimanua Sikatai; tapoi imamateiake le nia Tuhan Jesus ka engan ngungunia, samba isubuake nia ka kaoijanannia minca.

2Tim. 1:1

Sibara kai Paulus, apostel Kristus Jesus kalulut teu bagat Taikamanua masipaarep palelengan pagalaiat purimanuaiat ka bagat Kristus Jesus,

2Tim. 1:8

Oto bui numaila masimuneng pagalaiat Tuhanta, samba bui numaila kalulut aku situukum kalulut nia, tapoi tut le masiorik kalulut Katuareman Simaeru siripot ron Taikamanua.

2Tim. 4:1

Ka matat Taikamanua samba Kristus Jesus sipasiuukumake geti sipuririmanua samba simamatei, samba kalulut momoi nia masipatoila Puririmatania, kupatone simaron kekeu:

2Tim. 4:8

Kineneiget, amatarekngan kaku kirit puroipoat akenen Tuhan Sipasiukum simaroipo kaku ka gogoi sialu; ta sarat kaku, tapoi samba leu ka sangamberi sipungeleiji katutoilakatnia.

Tit. 2:11

Aipoi kiliu bagat Taikamanua siarauake sangamberi sirimanua amatoilaan.

Tit. 2:13

ka tetere kineneiget ka bagat ai sita masingengena karonietta simasun puuktungan samba katutoilakat pulatsanan Taikamanua Sipulubeunan samba Sipaarau sita Jesus Kristus,

Tit. 3:4

Tapoi kele aimatoila anggai bagat Taikamanua, Sipaarau sita, samba nuntut bagania ka sirimanua,

Ibr. 10:32

Repdep kam ka tetere situsasabau. Lepa aitutoroiji kam, maigi anuorik kam, kalulut nuomake kam pasaggangan simaron.

2Ptr. 1:1

Sibara kai Simon Petrus, pagugulet samba apostel Jesus Kristus masiailiake sia siputotonem baga kele laingen tonem bagamai kalulut puroipoat Taikamanua samba Jesus Kristus, Sipaarau sita.

2Ptr. 1:11

Kisedda te ipanguruatnake ka kam gege simasun masiguruki Purimataat simatom, ia te Purimataat Tuhan samba Sipaarau sita, Jesus Kristus.

2Ptr. 1:3

Kalulut geget putaikamanuaatnia aipanguruatnakean ka sita sangamberinia sikau sita murimanua simatopit kalulut pasiaagaita nia, sipasisosogai sita ka pulatsanan samba erut bagania.

2Ptr. 2:20

Aipoi ke arakatsiliakean tubuda ka pulolinan polak nene kalulut pasiaagaira si Tuhan samba Sipaarau sita Jesus Kristus, tapoi lepa junung sia minca ka bagania, bailiu makope katai kalepakatnia ka sia, bele pei ka panandaatnia.

2Ptr. 3:18

Kau le nupuurau kam ka bagat kiliu baga samba ka bagat pasiaagai Tuhan samba Sipaarau sita, Jesus Kristus. Ka tubunia le pulatsanan, kineneiget samba teret buruburu.

2Ptr. 3:2

kutubbui kam nurepdep kam tiboietda tai nabi sipunenan siburu samba masiparepdep patonekat Tuhan Sipaarau, sinegeakenenda tai apostelmui ka kam.

1Joh. 1:2

Purimanuaiat nenda amatoilaan, samba akuitcoan kai, kineneiget purimanuaiat nenda amatoilaan, samba akuitcoan kai, kineneiget kumunengake kai samba kupaarep kai ka kam pagalaiat purimanuaiat sitaitatata, siturerere kababara pasamba Ukkui samba atupatoilaan nia ka kai.

1Joh. 4:14

Akuitcoan kai samba kumunengake kai kokoiniakena Ukkui Togania bailiu Sipaarau taikapolak.

Pamoil. 18:1

Pasat nenda itcokungan sara malaika bagei tugorosot barania ka sorga, sibara gege sabeu; bailiu matoro polak kalulut pulatsanannia.

Pamoil. 2:7

Kasei sibara talinga, kau iarepi sikuat Ketsat ka matada sapaamian! Ka simamanang, kukakau ikom buat loina purimanuaiat sikuddu ka Paradaisot Taikamanua.”

Pamoil. 20:14

Lepa kamateiat samba taikabaga ribbai turibbaiake ka koat api. Koat api nene, ia te kamateiat sikarua.

Pamoil. 22:14

Mauktuk te sia sipasibubui leppeira, bailiu bara ka sia gege masibakkati loina purimanuaiat, samba tuguru ka kota masienungi matatbaliunia.

Pamoil. 22:17

Kuanangan Ketsat samba sinanalep talimouakenen, “Konan!” Samba kasei sipasiaarep kau leu ikua, “Konan!” Samba kasei simaoggou, kau ioi; samba kasei sioba nia, kau iala oinan purimanuaiat sitaisasakiet!