2Tes. 3:16 - BUKO SIPUNENAN

¹⁶ Samba nia le, Tuhan sipaaban sita, masipanguruatnake ka kam aban simariuriu ka bagat sangamberinia. Si Tuhan le masipaalei kam sangamberimui.

2Tes. 3:16 Iomraidhean Croise

PSALMEN 29:11

Bule ikau si Tuhan puroron ka paamianNia, buleu si Tuhan masipanukani paamianNia kabagat aban.

PSALMEN 46:11

Mengmengake kam samba agai kam, Aku te Taikamanua! Raabeuake le Aku sangamberi bangsa, tuabeuake ka polak!”

PSALMEN 46:7

Sangamberi bangsa mulamau, sangamberi purimataat ipaukjak, Ipaarep le ngangaNia, samba polak leu mugeret.

PSALMEN 72:3

Bule paleleulelu masiake aban ka bangsa, samba patinambutinambu masiake pubulanan!

PSALMEN 72:7

Bule iurau puroipoat kateteret purimataatnia samba masun erut puririmanua, teret taiputoro minca laggo!

Jes. 26:12

Oi Tuhan, Nutarekake le geti aban ka kai, kalulut senengamata galaiakenenmai, Ekeu le masigagalaiake ka kai.

Jes. 45:7

sibailiuake pato samba sibaraake gepgep, sibailiuake purimanuaiat simaeru samba sibaraake purimanuaiat sikatai; Aku te Tuhan sipasigalai sangamberinia nene.

Jes. 54:10

Kalulut kenanen ipaotcak sangamberi leleu samba ipangeungeu sangamberi tinambu, tapoi nuntut bagakKu ta tuotca katubum samba pelelengan abanKu ta ipangengeungeu, tiboiet Tuhan, sipununtuki ekeu baga.

Jes. 66:12

Kalulut kise te tiboiet Tuhan: Bulatnia te, Kugurukake le katubunia puaraugat kele bagat oinan, samba pukayoatda sangamberi bangsa kele bagat oinan sabeu simaeba; mutottot le geti kam, tubeila, samba tuposai ka kupkup.

Jes. 8:10

Galai kam isiat, tapoi sangamberinia ta leu et muririuriu; teuakean kam, tapoi ta tugagalaiake, kalulut Taikamanua masipaalei kai!

Hag. 2:9

UmangKu sibau makope latcat bele pei kele siburu, samba sene te Kuake aban samba puuktungan simasun ka bangsaKu.” Kise te ngangan Tuhan Sipulubeunan.

Zakh. 6:13

Ia te geti masigalai umangKu samba silonangan pubebeunan kele sara rimata, samba parentaakenangan geti rakyatnia. Sara imam masipaaleinia geti samba pugalairangan geti simakere kabagat erut baga.”

4Mos. 6:26

Bule ipununtuki kam baga si Tuhan samba iake aban ka kam.

Mat. 1:23

“Mususuruket te sara siokko, tutuakenangan toga simanteu, kaunangan oninia Immanuel,” tibonannia, “Ipaalei sita Taikamanua.”

Mat. 28:20

Pangantoman kam sia masireddet sangamberi sitoneakenenku ka matamui. Repdep kam, ai le kupaalei kam senen gogoi teret kalepakat polak.”

Luk. 2:14

“Umun ka Taikamanua ka pata, samba aban ka polak, ka sirimanua kilibet bagania.”

Joh. 14:27

Kugalak ka kam aban. Aban sibara kaku kuake ka kam. Ta kele siakera taikapolak akenenku ka kam. Bui imasedde bagamui, bui numaloto kam.

Joh. 16:33

Sangamberinia nene kutiboi ka matamui, bule ibara ka kam abam kalulut puoottotmui ka tubuku. Ka polak nene paoreat le nuoorik kam, tapoi bui imakarat bagamui, akulaban taikapolak.”

ROMA 1:7

Kukoiniake surat nene ka kam sangamberimui sikuddu ka Roma, kilibet bagat Taikamanua, sinogai bailiu sipunenan: Kiliu baga ka kam samba aban sibara ka Taikamanua Ukkuita samba sibara kai Tuhan Jesus Kristus masipaalei kam.

ROMA 15:33

Bule Taikamanua bakkat paabanan masipaalei kam sangamberimui! Amen.

ROMA 16:20

Bule Taikamanua bakkat paabanan maruei ikau si Setan nupaperaki kam nia. Kilau bagat Tuhanta Jesus masipaalei kam.

1Kor. 14:33

Aipoi Taikamanua ta ioba gaugau, aban le. Kele ka sangamberi paamian sipunenan,

2Kor. 13:11

Pasilepania ale sasaraina, kau imaangka bagamui, besiake kam numaeru kam. Silo kam nganturatku. Kau musara paatuat kam, samba paaban. Ia geti Taikamanua bakkat nuntut baga samba paabanan masipaalei kam.

EPESUS 6:23

Aban le ka sangamberi sasaraina, samba nuntut baga sialei tonem baga sibara ka Taikamanua Ukkui samba sibara kai Tuhan Jesus Kristus.

1Tes. 3:11

Bule nia, Taikamanua Ukkuita le, samba Tuhanta Jesus masipolouake ka kai enungan moi ka kam.

1Tes. 5:23

Bule Taikamanua sipaaban sita masipuneni kam simasun samba ibujai kam sangalionia, ketsat, enga samba tubumui bailiu si ta loloiet ka kaoijanan Tuhanta Jesus Kristus.

2Tes. 3:18

Kiliu bagat Tuhanta Jesus Kristus, masipaalei kam sangamberimui!

2Tim. 4:22

Si Tuhan le masipaalei ketsatnu. Kiliu bagania masipaalei kam!

Plm. 1:25

Kiliu bagat Tuhan Jesus Kristus masipaalei ketsatmui!

Ibr. 13:20

Ia geti Taikamanuan paabanan, sipasiririmanuaake minca Tuhanta Jesus, ia te Sipasijajago Sabeu ka sangamberi biribiri kalulut logau pakerekat baga sitaitatata,

Ibr. 7:2

Ka tubunia leu aikau si Abraham saparpulu ngarubeiat ka sangamberi sirauraunia. Katukolobat onin Melkisedek ia te siboiki rimata puroipoat, samba leu rimata Salem, tibonannia rimata paabanan.

Pas. 6:24

Iageti galainangan sara kudduat pasibuluat sedda si Gideon samba oniakenangannia “Si Tuhan Bakkat Puaragat.” Kudduat pasibuluat nenda ai peile ka Ofra, iate laggaira tai Abiezer.

Rut 2:4

Tak amauju oi si Boas barania ka Betlehem samba ikau paroroiat katubudda sipasimomonei. Kuanangan, “Bule si Tuhan masipaalei kam, Alegiddangan si pasimomonei, bule si Tuhan masibujai si tuan.”

1Sam. 17:37

Si Tuhan amasibelaake aku ka singa samba beruang, Nia leu et masibelaake aku geti ka tai Filistin nenda.” Lepa kuanangan si Saul katubunia, “Maeruan, bule si Tuhan masiropake ekeu.”

1Sam. 20:13

Ke aile ibebesiake imateiake ekeu, paagaikungan leu et katubum bule ioi nubela nuarauake tubum. Bule si Tuhan masimateiake aku ke ta kugalaiake nenda. Bule si Tuhan masiropake ekeu kele airopake ukkuiku siboiki!