2Tes. 2:8 - BUKO SIPUNENAN

⁸ seddangan te teterenia ipatoila tubunia Sirimanua Sikatai; tapoi imamateiake le nia Tuhan Jesus ka engan ngungunia, samba isubuake nia ka kaoijanannia minca.

2Tes. 2:8 Iomraidhean Croise

2Sam. 23:7

berisara sirimanua sioba masibekbeknia ke ta tupakei loina ele laba' pasibekbeknia. Sangamberi sirimanua nenda masubu le ilabo sia obengan.

Job 4:9

Kele rusa talabari, kisedda te golut Taikamanua imateiake sia pat masuburangan!

PSALMEN 18:15

Sangamberi siloguiNia Ipanaake samba pasabunangan saggak; Pabilanangan bila, bailiu putuituirangan simaola.

Jes. 11:4

Tapoi iukum le sitaioi tubu kabagat katuroipoat, samba masiteuake ukum ka sangamberi sirimanua pinaore ka laggai kabagat puroipoat; ukumnangan geti polak kabagat titiboat kele tutura, samba leu pasamba engan ka ngungunia imateiake le geti sirimanua sikatai.

Jes. 30:28

Boroi engaNia kele bagat oinan sipasiraraggaiake, kerunia teret lolokkat – Moi le Nia masiso'sok sangamberi sirimanua ipakei soso'sok katusubuat samba masikau sara pasimuri katupepeat ka ngungunda tai bangsa.

Dan. 11:36

Rimata laggai ka bare' igalai le geti siobat bagania. Ibuakngake samba iabeuake le tubunia ka senen sabulungan. Kisedda leu et ka Taikamanua sisaliu senengamata sabulungan samba tiboakenangan le geti titiboat sitaimateu tutiboake. Mauktek te nia teret itukapplu golu sabeu nenda; aipoi aponia siteuakenen Taikamanua buita muaili.

Dan. 7:25

Itiboake le geti tiboiet masisaggangi Taikamanua Sipulubeunan samba ipaoreiji le geti paamian Taikamanua. Ibesiake le geti isili tetere, surukat samba enungan puaranan paamian Taikamanua, samba ikupkupmake le geti sia sangarura, rua ngarura samba sitengarura ujunia.

Dan. 7:26

Iageti parururangan sipasiukum, samba alarangan pubebeunannia bule tupakatai samba tusappruake pat tata.

Dan. 8:25

Kalulut agai patuat samba patajuatnia, sangamberi patajuatnia tueeddet; ibuakake le patuatnia, samba taisusuksungen maigi geti sirimanua isubuake. Beringan rimata ka sangamberi rimata leu maro bagania isaggangi. Masusubu le geti nia, tapoi ta' ka geget sirimanua imasusubu.

Hos. 6:5

Iate lulunia Kukokoiniake tai nabiKu addeat masisegeake ka tubumui siteuakenenKu aipoi kam bulat tuukum le samba tumateiake. KiddietKu ka tubumui amakolouan.

Mat. 13:19

Senen sipasiaarep tiboiet pagalaiat Purimataat Sorga, tapoi ta iagai kolou, oi sijo rauraunangan sikaramakenen ka paatuatnia; ia te sibebele ka enungan.

Mat. 13:38

Mone, ia te polak, karamen simaeru, ia te tatogat Purimataat Taikamanua; boroboroi, ia te tatogat sijo.

Mat. 16:27

Momoi le poi Togatsirimanua ka pulatsanan Ukkuinia sambada samalaikania. Sedda siliakenangan ka senen sirimanua siripot sigalaira.

Mat. 16:28

Kukua nia ka matamui: Ai piga pa ka talagamui se, tapei mamatei sia, araitcoan ioi Togatsirimanua ka puririmatania.”

1Kor. 1:28

Sigoiso tiboi tubu samba loloietda taikapolak ipili Taikamanua; bulatnia sitaiaaddeakenen ipili Taikamanua masiputata addeakenen,

2Tes. 2:3

Bui rapataju kam kasei pa, kenanen kipa pa! Aipoi ke pei moi gogoi Tuhan, buita ibara boiki: Maigi sipasikakaddiuake arat samba buita tupatoila boiki Sirimanua Sikatai, togat pulangokat,

1Tim. 6:14

Reddet patonekat nene, sipulelelek samba si ta loloiet, teret ka teteret ipatoila tubunia Tuhanta Jesus Kristus,

2Tim. 1:10

samba kineneiget atutoilaakean kalulut kaooi Sipaarau sita Kristus Jesus, sipasitatataake geget kamateiat samba siottouake purimanuaiat sitaimasusuet kalulut Katuareman Simaeru.

2Tim. 4:1

Ka matat Taikamanua samba Kristus Jesus sipasiuukumake geti sipuririmanua samba simamatei, samba kalulut momoi nia masipatoila Puririmatania, kupatone simaron kekeu:

2Tim. 4:8

Kineneiget, amatarekngan kaku kirit puroipoat akenen Tuhan Sipasiukum simaroipo kaku ka gogoi sialu; ta sarat kaku, tapoi samba leu ka sangamberi sipungeleiji katutoilakatnia.

Tit. 2:13

ka tetere kineneiget ka bagat ai sita masingengena karonietta simasun puuktungan samba katutoilakat pulatsanan Taikamanua Sipulubeunan samba Sipaarau sita Jesus Kristus,

Ibr. 10:27

Sarat ukum sikatai besian le ngenaakenen samba api golut baga sisubuake sipasilalawan.

1Joh. 2:13

Kusuratnake surat ka kam saukkui, anuagaian poi kam nia sibabara ka panandaatnia. Kusuratnake surat ka kam sibau tubu, anukalaakean poi kam Sijo.

1Joh. 3:12

Bui kele si Kain sibara ka Sijo samba simateiake baginia. Samba apa lulu aimateiake nia? Aipoi sangamberi galajetnia sikatai le, galajet baginia geti maroipo.

1Joh. 5:18

Taagai kam, senen sinuntuakenen sibara ka Taikamanua, ta igagalai jo, aijajago poi nia Togat Taikamanua, samba ta ipagegeugeu nia Sijo.

Pamoil. 1:16

Ka kabeinia sikattoet aiuukkaake pitu panyanyat, samba ka ngungunia bela palittei, samba matania matoro kele torot sulu tugge.

Pamoil. 13:5

Samba ka tarimeu nenda tukau ngungu masitiboake buak paatuat samba paasakat; samba tukau ka tubunia gege igalaiake nia epat pulu rua ngalaggo burunia.

Pamoil. 19:15

Samba ka ngungunia bela sara lanjau simalauru, pakeietnia masitete tai bangsa. Paneineinangan sia mututura laba; samba ipetsut anggur ka bagat pasipetsunan anggur golut Taikamanua, Sipulugege.

Pamoil. 2:16

Oto bauake paatuatnu! Ke ta, oikungan leu kekeu simaola masisaggangi sia pasamba palittei ka ngungungku nene.

Pamoil. 20:10

samba Sanitu sipepeake sia turibbaiake ka koat api pagalu belerang, ka kudduat tarimeu samba nabi sipatataju; samba tupaorei sia sinago sinoibo teret buruburu.