2Tes. 2:16 - BUKO SIPUNENAN

¹⁶ Bule tubut Tuhanta Jesus Kristus samba Taikamanua Ukkuita, sipununtuki sita baga samba siake ka sita pusuibiat simatom samba pukakaronan simaeru, kalulut kiliu bagania,

2Tes. 2:16 Iomraidhean Croise

PSALMEN 103:17

Tapoi katet bagat Tuhan mariuriu teret buruburu ka sirimanua sikalotoakeNia, samba puroipoatNia ka sapunuteteu,

Jes. 35:10

Toili le geti sangamberi sirimanua siarauakenen Tuhan samba tuguru ka Sion sialei gorat baga, lakkupinangan sia puangkakat baga sitaitatata; sutakenangan sia gorat baga samba angkat baga, tuarenangan geti pureureugat baga samba puhohoihoi.

Jes. 51:11

Oto toili le geti sangamberi sirimanua sibelaakenen Tuhan samba tuguru ka Sion kabagat gorat baga, samba angkat baga sitaimasususu masilakkup sia. Muangka baga le sia samba mugora baga, asapprungan reureu baga samba pangoringan.

Jes. 61:7

Kalulut anusilo aila rua ngaminca rua, paloloiat samba luji sibailiu rubeiatnu, oto nusilo le geti ikepakenennu rua ngaminca rua ka laggainu samba angkat baga simatom ibailiu le geti bakkatnu.

Luk. 16:25

Kuana le si Abraham, ‘Repdep le sirou: ka teteret purimanuaiatnu anusiloan simaeru, kai Latsarus geti sikatai le. Kineneiget tupususuibingan le nia, ekeu geti masiorikngan le.

Joh. 13:1

Kei iaili gogoi Punen Paska, aiagaian Jesus aiailingan teterenia ikaddiuake polak nene iei ka Ukkui. Kipa riuriu ipukateki baga sia bakkatnia sikuddu ka polak, kisedda Ieu ipukateki sia baga teret kalepakatnia.

Joh. 15:13

Ta anai sisaliu beunan katet baga ka sipasikakau enganiapunu tubut sasuruaknia.

Joh. 15:9

Kele nuntut bagat Ukkui ka tubuku, kisedda te nuntut bagaku ka tubumui; kau iottot kam ka nuntut bagaku.

Joh. 16:22

Kisedda leu kam, kineneiget mareureu bagamui; tapoi momoi le aku minca kubalou kam, mangkanangan bagamui, beri sara siooi masiala angkat bagamui ka tubumui.

Joh. 3:16

Kopet katet bagania ka taikapolak Taikamanua, pat akenangan Togania sisasara, bule senen simatonem baga ka tubunia ta ilalango, tapoi mubakkat le ka purimanuaiat sitaitatata.

Joh. 4:14

tapoi silo oinan akenenku, ta maooggou nia buru. Aipoi oinan kaunenku ka sia, bailiu ka bagania bubuakat oinan sipuguguruk sipasikakau ka tubunia purimanuaiat sitaitatata!”

Pugap. 15:11

Tapoi matonem bagata, kalulut katet bagat Tuhan Jesus le iooi tamaarau, kisedda leu sia.”

Pugap. 18:27

Kele aiisiake si Apollos mei ka Akhaya, koiniakerangan surat saalei ka Epesus ka saalei ka Akhaya, bule rasilo nia. Kele aisege sedda, bailiu paroman sabeu ka sia siputotonem baga kalulut katet bagat Taikamanua.

ROMA 1:7

Kukoiniake surat nene ka kam sangamberimui sikuddu ka Roma, kilibet bagat Taikamanua, sinogai bailiu sipunenan: Kiliu baga ka kam samba aban sibara ka Taikamanua Ukkuita samba sibara kai Tuhan Jesus Kristus masipaalei kam.

ROMA 4:16

Ia te lulunia puroipoat sibara ka tonem baga le, ibailiu nia panguruat katet baga, bailiu maron palelengan nenda ka sangamberi punuteteu Abraham, ta sarat ka sia sipususurukat, tapoi ka sia leu siputotonem baga kele tonem bagat Abraham. Aipoi si Abraham ukkuita sangamberita,

ROMA 4:4

Ka sipugagalai, upa siloketnia ta tuaaddeake panguruat, tapoi siripot siloketnia le.

ROMA 5:8

Tapoi Taikamanua aipatoilaan nuntut bagania ka sita, aipoi ka teteret ai pei le sita mujojo, amateian Kristus punu tubuta.

EPESUS 5:2

samba murimanua ka bagat nuntut baga kele punununtukina kam baga Kristus samba bubuluakena tubunia punu tubuta bailiu pusurakat samba buluakenen simasingin ka Taikamanua.

EPESUS 5:25

Kam taimanteu, pununtuki kam baga tainanalepmui, kele punununtukina baga paamiannia Kristus samba bubuluakena tubunia punu tubuda,

Kol. 1:23

Kau le numariuriu kam ka bagat tonem baga, nyung le ta ipaguguilak, samba ba oba kam turitsi ka pukakaronan siarepmui ka Katuareman Simaeru, sikakaraakenen ka sangamberi sipuririmanua ka tei polak, samba sibailiu aku nene, Paulus sipasikeli nia.

Kol. 1:5

kalulut masikaroni sinarekngakenen ka kam ka sorga. Pagalaiat nenda anuarepman kam panandaatnia ka bagat tiboiet pubulanan, ia te Katuareman Simaeru,

1Tes. 1:3

Aipoi sarat kurepdep le kai galajetmui ka bagat tonem baga, pusaggoatmui ka bagat nuntut baga samba om bagamui masikaroni Tuhanta Jesus Kristus ka matat Taikamanua Ukkuita.

1Tes. 3:11

Bule nia, Taikamanua Ukkuita le, samba Tuhanta Jesus masipolouake ka kai enungan moi ka kam.

2Tes. 2:13

Tapoi kai buita mariuriu kusuraki kai Taikamanua kalulut kam, sasaraina kilibet bagat Tuhan, kalulut aipilingan kam Taikamanua barania ka panandaatnia bule nutuarau kam ia te kalulut Ketsat Taikamanua sipuneni kam samba kalulut tonem bagamui ka pubulanan.

Tit. 1:2

samba mubongen ka pukakaronan purimanuaiat sitaitatata, sinibalaakenen Taikamanua si ta boko, enan tapei abara tetere,

Tit. 2:13

ka tetere kineneiget ka bagat ai sita masingengena karonietta simasun puuktungan samba katutoilakat pulatsanan Taikamanua Sipulubeunan samba Sipaarau sita Jesus Kristus,

Ibr. 7:19

aipoi Surukat ta ibabaraake katumuinekat – tapoi kineneiget aiguruakean sita ka pukakaronan simaeru, silegereake sita ka Taikamanua.

1Joh. 3:16

Ka bagat nene te taagai kam nuntut baga: Kristus aibuluakean engania punu tubuta. Sita leu mateu tabuluake enganta punu tubuda sasarainanta.

Pamoil. 1:5

samba sibara ka Jesus Kristus, Sipasimuneng simatopit, siboiki tusuru ka simamatei samba Ute ka sangamberi rimata ka polak nene. Ka tubunia sipununtuki sita baga, samba sibelaake sita ka jota kalulut logaunia –

Pamoil. 22:5

Taan anai soibo sedda, samba taan besiakenen ka sita torot alito samba torot sulu, aipoi Tuhan Taikamanuangan le masitotoroiji sia, samba purimatarangan teret buruburu.

Pamoil. 3:9

Arep! Ai piga pa sia sibara ka paamian Setan, sioniake tubuna Jahudi, oto taa, boko le, bulat kukokoiniake sia raoi murappo ka matam, samba raagai nuntut bagaku ka tubum.