2Tes. 1:9 - BUKO SIPUNENAN

⁹ Orikrangan leu ukuman pulangokat sitaitatata, tuareu ka matat Tuhan samba tuareu ka pulatsanan pubeunanannia,

2Tes. 1:9 Iomraidhean Croise

1Mos. 3:8

Kasoibokat nenda areprangan ipuenung si Tuhan ka mone, lepa pulipputrangan ruada ka oggak loina bule bui iitco sia si Tuhan.

1Mos. 4:16

Iageti tuitui si kain kabebet Tuhan samba kuddunnia ka polak sipuoni “Pujaujagat” ka isit kabelaiat sulu Eden.

Job 21:14

Tapoi kuarangan ka Taikamanua, “Areuake tubum katubumai samba kenan katuitui! Ta koba kuagai kai sangamberi enunganNu.”

Job 22:17

Sia te sipasikukua ka Taikamanua: Putuitui katubumai! samba: Aponia momoi igalai katubumai Sipulugege?

PSALMEN 16:11

Nupaagai le' ka tubukku enungan purimanuaiat; katubuM ai pukatekat simasalu ka kabei sikattoetNu ai angkat baga simariuriu.

PSALMEN 51:11

Lipputake le pumataatNu ka joku, posa le senengamata puseleatku!

Jes. 1:28

Tapoi sangamberi sirimanua simakela patuat samba sijo tususubuake le sia geti simakere, samba sangamberi sirimanua sikaddiuake si Tuhan sappru leu et sia.

Jes. 2:10

Guruake kam ka oilak leleu bukku samba pulipput kam kabagat ngaliu polak kalulut kopet golut Tuhan samba kalulut laingen pulatsananNia.

Jes. 2:19

Guruake kam ka ngaliu leleu bukku samba pulipput kam kabagat lobok polak kalulut kopet golut Tuhan samba kalulut laingen pulatsananNia, kateteret ioi ipalotoki polak.

Jes. 2:21

samba tuguru le getinia ka polou leleu bukku samba ka paoggangan tinambu simabukku kalulut kopet golut Tuhan samba kalulut pulaingean pulatsananNia, kateteret ioi ipalotoki polak.

Jes. 33:14

Tugegerangan sirimanua sijo ka Sion sia sipatataju kupkupnangan sia pulotokat. Kuarangannia, “Kasei katalagatta sioi mukuddu ka obengan sipasisubuake nene? Kasei katalagatta sioi mukuddu ka obengan simatom nene?”

Jes. 66:24

Bela le sia geti samba itcorangan tubutda simamatei sipukela patuat katubukKu. Ta mamatei leitinia sedda, samba obengannia ta pepe, oto sangamberinia ibailiu le geti kalotoakenen ka sangamberi sipuririmanua.

Dan. 12:2

Maigi katalagat simamatei muririmanua le geti minca; ai sabagei masiikep purimanuaiat sitaitatata samba sangarubeiat minca murimanua le geti ka pateleiat samba pangoringan sitaimasususu.

Mat. 16:27

Momoi le poi Togatsirimanua ka pulatsanan Ukkuinia sambada samalaikania. Sedda siliakenangan ka senen sirimanua siripot sigalaira.

Mat. 22:13

Kuanangan rimata ka sapaguguletnia, ‘Kabe kam rere samba kabeinia, ribbaiake kam nia ka simagepgep ka bebe, sedda te ipusosou samba iputatangat sotnia.’

Mat. 24:30

Lepa toila katuaggaiat Togatsirimanua ka manua, pusourangan sangamberi bangsa ka polak, itcorangan leu Togatsirimanua ioi ka tanairusa ka gege samba pulatsanan sabeu.

Mat. 25:41

Lepa kuanangan ka matada isit kai katsiunia, ‘Katuitui kam ka mataku, kam situtetelei ka api sitaitatata sinarekngakenen ka Sanitu samba samalaikania.

Mat. 25:46

Ia geti ei sia ka paoreat sitaitatata; sia simaroipo baga geti guru ka purimataat sitaitatata.”

Mat. 26:24

Togatsirimanua geti kirenangan mamatei nia kele sitususurat pagalaiat tubunia. Tapoi paan te ka sirimanua nenda sipasisesegeake Togatsirimanua. Maeru pei le ka sirimanua nenda ta mututu matania.”

Mat. 7:23

Alegiku le nia, ‘Beri agaiku kam, katuitui kam ka mataku, kam sigalai sikatai!’ ”

Luk. 13:27

Kuana le minca ka matamui, ‘Ta kuagai kaipa anubara kam. Katuitui kam ka mataku kam sigalai sikatai!’

Joh. 5:14

Lepa paseseakenangan nia Jesus ka Uman Taikamanua, kuanangan ka matania, “Kineneiget amalengan ekeu, bui nugalai minca jo, bui ibara kekeu simakope besi pei le.”

5Mos. 33:2

“Moi si Tuhan baraNia ka leleu Sinai, belaNia ka uddut Edom kele sulu samba sibara ka leleu Paran itoroiji paamianNia. Pulu ribu samalaika masipaaleiNia, ka saigit kaikattoetNia ai obengan sipujujuluu.

Plp. 3:19

Kalepakat puririmanuanda ia te pulangokat, taikamanuanda ia te balugura, pulatsananda ia te ailada, sarat pagalaiat polak le rapaatu.

1Tes. 5:3

Ke rakua bai, “Aban le samba ta anai apa pa,” lepa tulut saksaknangan sia gejat baga, kele sara sinanalep sipususuruket iorik besit pususule, bulat ta te momoi rabela.

2Tes. 2:8

seddangan te teterenia ipatoila tubunia Sirimanua Sikatai; tapoi imamateiake le nia Tuhan Jesus ka engan ngungunia, samba isubuake nia ka kaoijanannia minca.

Tit. 2:13

ka tetere kineneiget ka bagat ai sita masingengena karonietta simasun puuktungan samba katutoilakat pulatsanan Taikamanua Sipulubeunan samba Sipaarau sita Jesus Kristus,

Ibr. 10:29

Sara pei kopet sanenia ukuman simateu orakngakenen ka sipaperaki Togat Taikamanua, siaddeake simalolit logau pakerekat baga sipuneni nia, samba sipaloloi Ketsat siake kiliu baga.

2Ptr. 2:17

Tai guru sipatataju nene kele bubuakat simagarak le sia, kele tanairusa siboroiat talabari; ka sia amatarekngan kudduat ka bagat pugepgeman simakope gepgep.

2Ptr. 3:7

Tapoi manua samba polak kineneiget, tiboiet Taikamanua leu et ipasikeli nia, itukoiri teret itulaboake ka gogoi pasiukuman samba pasisubuatda sirimanua sitaimareddet ka Taikamanua.

Jud. 1:13

Kele onun koat sipujajaa le sia, sibubutnake galai tubu katuailaatda; kele panyanyat sipugegejek; ka sia nene amatarekngan kudduat ka pugepgeman teret buruburu.

Pamoil. 20:11

Lepa itcokungan sara uddenan purimataat sabeu simabulau samba nia sikuddu ka uddutnia. Oto polak samba manua apuru ka matania, taan atusese kudduatnia.

Pamoil. 20:14

Lepa kamateiat samba taikabaga ribbai turibbaiake ka koat api. Koat api nene, ia te kamateiat sikarua.

Pamoil. 21:8

Ka sia simaloto geti, sitaimatonem baga, simalolit, sipamamatei, sipaeelet, sipukekerei, sipanindogi buluat, samba sangamberi sipaboboko, rubeiatda ia te ka koat api samba belerang sipujujuluu; nene te kamateiat sikarua.”

Pamoil. 22:15

Tapoi sajojo geti, sipukekerei, sipaeelet, sipamamatei, sipanindogi buluat, samba sioba samba sigalaiake pabokoat, ka ulau kota le kudduatda.