2Tes. 1:8 - BUKO SIPUNENAN

⁸ samba masiukumake sia sitaioba masiagai Taikamanua samba sitaireddet Katuareman Simaeru sibara kai Tuhan Jesus.

2Tes. 1:8 Iomraidhean Croise

1Mos. 3:24

Lepa, ka isit kakaiaman mone nenda kamatat baliu gugurukat, uddetnakenangan si Tuhan Taikamanua kerubim, samba sara lanjau sipuobengan sipututumeng kasenen jurungan, addeat masijago enungan ka loina siake purimanuaiat nenda. Kabagat nenda berisara sirimanua sioi tuguru samba masilegeri loina nenda.

2Sam. 23:7

berisara sirimanua sioba masibekbeknia ke ta tupakei loina ele laba' pasibekbeknia. Sangamberi sirimanua nenda masubu le ilabo sia obengan.

PSALMEN 18:44

Nubelaake le aku ka pagolukat siberikabaga samba masibailiuake aku ute ka sangamberi siberikabaga; siberikabaga taiagaietku ibailiu le paguguletku.

PSALMEN 79:6

Piliake le goluNu ka sangamberi bangsa sitaiagai Ekeu, ka sangamberi purimataat sitaisogaake onim;

PSALMEN 9:10

Tuhan iate kudduat pukuneman ka sirimanua pinaore, kudduat pukunenan kateteret pusaggoat.

PSALMEN 94:1

Ale Taikamanua sipasilumun, ale Tuhan, ale Taikamanua sipasilumun, patoilaan!

2Mos. 5:2

Kuanangan si Parao, “Kasei bai Tuhan nenda Angoian le kupuletseiNia samba kuobaake ratuitui tai Israel? Ta' kuagai si Tuhan nenda, samba tai Israel ta kuobaake ratuitui.”

Jes. 1:19

Ke mareddet samba nuoba kam masiarepi, kommuian geti bua simaeru sibara ka laggai nenda.

Jes. 1:28

Tapoi sangamberi sirimanua simakela patuat samba sijo tususubuake le sia geti simakere, samba sangamberi sirimanua sikaddiuake si Tuhan sappru leu et sia.

Jes. 27:11

Ke amagarakngan sangamberi ran, oto tubakbakngake le; oirangan geti tainanalep samba laborangannia sibailiu loina paneu. Kalulut nene te sara bangsa sitaanai paatuat, niate lulunia sigalainia ta atupunutukinia baga, samba sibaraakenenia ta aipukatekinia baga.

Jes. 61:2

masisegeake rura pununtuat bagat Tuhan samba gogoi pasilumunan Taikamanuanta, masipusuibi sangamberi sirimanua simareureu baga,

Jer. 10:25

Uruake le' oloi guluNu ka tubut sangamberi bangsa sitaiagai Ekeu, ka tubut sangamberi muntogat sitasogaiake oniM: Aipoi arakomman si Jakob samba arasapruakeannia, samba pukudduanannia aibailiaun siragatat.

Jer. 9:6

Paoreat ituppai paoreat, patataju ituppai patataju! Ta'raoba, masiagai si Tuhan.

Dan. 7:10

samba enungan obengan masirarat barania ka kudduat purimataatNia. Mungaribu le sirimanua sipuukuNia, samba mujuta le sirimanua sipuririo kamataNia. Lepa geti kuddu sipasiukum, samba panga'ngarangan sangamberi buko.

Zep. 1:6

Kusubuake le sia sitaiooi katubukku ele masitiddou pasopoatKu samba sikaddiuake Aku samba taan araoba masitut Aku.”

Mat. 25:41

Lepa kuanangan ka matada isit kai katsiunia, ‘Katuitui kam ka mataku, kam situtetelei ka api sitaitatata sinarekngakenen ka Sanitu samba samalaikania.

Mat. 25:46

Ia geti ei sia ka paoreat sitaitatata; sia simaroipo baga geti guru ka purimataat sitaitatata.”

Joh. 3:19

Kise le katuukum: Amoian pato ka polak, tapoi gepgep pei le raoba sirimanua bele pei pato, sikatai le poi galajetda.

Joh. 8:19

Kuarangan ka matania, “Kaipa nia Ukkuinu?” Aleginangan nia Jesus, “Aku ta nuagai kam, Ukkuiku leu ta nuagai kam. Ke bai nuagai kam aku, agaimuian leu Ukkuiku.”

Pugap. 6:7

Memei marararat tiboiet Taikamanua, samba memei makope iurau igida sipasiului ka Jerusalem; samba tai imam leu maigi sia masitut mutonem baga.

ROMA 1:28

Kalulut ta rabesiake masiagai Taikamanua, segeakenangan sia Taikamanua ka pupaatuanan sikatai, bailiu ragalaiake sitaimateu tugalaiake.

ROMA 1:5

Kalulut nia leu akusilo kai kiliu baga samba puaapostel, masipalulu sangamberi bangsa mureddet ka oninia.

ROMA 10:16

Tapoi ta sangamberi sirimanua masisilo Katuareman Simaeru nenda. Aikua poi si Jesaya, “Tuhan, kasei amasikatonemi pinaarepmai?”

ROMA 15:18

Aipoi ta maeme aku masitiboi apa pa bagei, sarat sigalai Kristus ka tubuku le, ia te papakeina aku masinana sabangsa bagei ka purereddet, ka tiboiet samba ka galajet,

ROMA 16:26

tapoi kineneiget atupatoilaan samba siripot parentat Taikamanua sitaitatata, aisegeakean bukoda tai nabi ka sangamberi bangsa, masipalulu sia rareddet mutonem baga.

ROMA 6:16

Ta nuagai kam, ka tubut kasei nusegeake kam tubumui ibailiu pagugulet masireddet nia, aibailiuan kam paguguletnia reddenenmui, ele ka jo sikau kam ka pulangokat, ele ka purereddet sikau kam ka puroipoat.

1Kor. 15:34

Toiliake kam paatuat simaeru samba baan gagalai kam jo! Aipoi ai piga pa ka talagamui sitaiagai Taikamanua. Kukukua nia nene, bule numaila kam.

2Kor. 10:5

Kuragatnake kai senen isiat paatuat sikatai samba kubukkatnake kai pubuangan paatuat sisaggangi pasiagaiat Taikamanua; samba kuappara kai sangamberi paatuat sirimanua masikau nia mureddet ka Kristus.

Gal. 3:1

Ale kam tai Galatia sitaiagai paatuat! Kasei te amasipasaileu kam? Amakolouan atutularatnake ka matamui Jesus Kristus siniliktengaakenen.

Gal. 4:8

Siburu ka teteret tapei nuagai kam Taikamanua, anupaguguletnake kam tubumui ka oniakenen taikamanua, tapoi ta bulat Taikamanua.

5Mos. 32:35

Ilulumunake samba iukumake sia si Tuhan, ta'an mauju rabele ramatei, iaailingan le tetere katukataikatdra.

5Mos. 4:11

Pungunguanake kam ka tatogamui kipa anuei samba anupurio kam ka reret leleu sibara kujuk simagepgep kele tinobut simakeppu samba obengannia sipujujuluu siaili ka manua.

5Mos. 4:30

Ke iorak kam sangamberi pugejaat baga samba ai kam ka bagat puokkiman, iageti toili kam ka tubut Tuhan Taikamanuamui samba mureddet ka tubuNia.

5Mos. 5:5

Tapoi kalulut maloto kam ka obengan samba ta magege kam masitatra leleu, oto puriokungan ka talagamui masitalagaiji kam sambat Tuhan bule kusegeake kuanenNia ka tubumui. Kuanangan si Tuhan,

1Tes. 4:5

bui ka botbot akkula, kele sigalaiakenenda sirimanua sitaiagai Taikamanua;

Ibr. 10:27

Sarat ukum sikatai besian le ngenaakenen samba api golut baga sisubuake sipasilalawan.

Ibr. 10:30

Aipoi ataagaian nia sipasikukua, “Kaku le pasiukuman. Aku le masilulumunake.” Samba minca, “Iuukum le bangsania si Tuhan.–

Ibr. 11:8

Kalulut tonem baga, mareddetnangan si Abraham, ka teteret aisogai nia Taikamanua ipujaujau ka laggai sibailiu ikepmakenennia; pujaujaunangan leu et ka kudduat taiaagaietnia pei le.

Ibr. 12:29

Aipoi Taikamanuanta ia te api sipasilalabo.

Ibr. 2:3

kipa te iooi tabela ke tapasibbu puaragat sabeu nene? Si Tuhan le amasisegeake nia siboiki, ia geti ronakerangan nia ka sita sia sipasiaarep,

Ibr. 5:9

samba kele aikappuluake sangamberinia, bailiu nia bakkat puaragat sitaitatata ka sangamberi simareddet ka tubunia,

1Ptr. 1:2

ia te sipili siripot isiat Taikamanua, Ukkuita, samba silinaakenen Ketsat Sipunenan, bule masireddet Jesus Kristus, samba tusosoki sia logaunia. Bule memei masusun ka tubumui kiliu baga samba aban.

1Ptr. 3:6

Kele si Sara ireddet si Abraham samba ioniake nia tuannia. Kam leu bailiu tatogat Sara ke nugalai kam simaeru samba ta nukalotoake kam apa pa.

1Ptr. 4:17

Aipoi kineneiget aiailingan teterenia panandaat pasiukuman, samba siboiki ukumakenen ia te paamian Taikamanua. Ke ka sita itaddaake, kipangan pa kalepakatnia ka sia sitaimatonem baga ka Katuareman Simaeru sibara ka Taikamanua?

2Ptr. 3:7

Tapoi manua samba polak kineneiget, tiboiet Taikamanua leu et ipasikeli nia, itukoiri teret itulaboake ka gogoi pasiukuman samba pasisubuatda sirimanua sitaimareddet ka Taikamanua.

Jud. 1:7

kele Sodom samba Gomora samba laggai ka bebenia, sigalaiake kele sigalaira samalaika masigalaiake puumunan samba masitut pubotbonan tubu sikatai, araorikngan paoreat api sitaipepee sibailiu repdemen ka sangamberi sirimanua.

Pamoil. 20:10

samba Sanitu sipepeake sia turibbaiake ka koat api pagalu belerang, ka kudduat tarimeu samba nabi sipatataju; samba tupaorei sia sinago sinoibo teret buruburu.

Pamoil. 21:8

Ka sia simaloto geti, sitaimatonem baga, simalolit, sipamamatei, sipaeelet, sipukekerei, sipanindogi buluat, samba sangamberi sipaboboko, rubeiatda ia te ka koat api samba belerang sipujujuluu; nene te kamateiat sikarua.”

Pamoil. 6:10

Pugereirangan sabeu nganga masikua, “Pigamoian le Tuhan Sipulugege, Sipunenan samba sibulatnia, nuukumake sia sikuddu ka polak nene, nulumunake sia lulut mamateiakera kai?”

1Sam. 2:12

Tatogat Eli bulat makatai sia. Ta' rapuletcei si Tuhan