2Sam. 9:3 - BUKO SIPUNENAN

³ Iageti rerenangannia minca rimata, “Taleu ai peile sipuririmanua ka muntogat Saul? Bule kugalaiake simaeru katubunia, kele sipaleleku ka Taikamanua.” Aleginangannia si Ziba, “Ai peile sara togat Jonatan, simajegeu muenung.”

2Sam. 9:3 Iomraidhean Croise

2Sam. 19:26

Aleginangannia, “Anuagaian sijegeu le aku. Koiniakekungan paguguletku itarekake kalidei pakeietku kutut ekeu, tapoi aipajo le aku pagugulet nenda.

2Sam. 19:27

Samba aipakatai peile nganga katubum. Tapoi kele malaikat le ekeu. Kalulut nenda, galaiakean simaeru siripot sipaatum.

2Sam. 4:4

Si Jonatan, togat Saul, ai sara togania simanteu sipuoni Mefiboset. Rurania lima ngarura, kateteret aibara katuareman pagalaiat si Saul samba si Jonatan ka Jizreel. Kateteret nenda Ina sipasikeli si Mefiboset beilanangannia samba pabalaunangan, tapoi kalulut maola bagania pabalau, bele toga nenda samba majegeunangan ipuenung.

2Sam. 9:13

Kisedda te si Mefiboset simajegeu muenung nenda aikuddu ka Jerusalem samba mariuiriu rapukom sambatda rimata.

2Sam. 9:7

Kuanangan si David, “Bui numaloto, makate le bagaku katubum kalulut ukkuinu si Jonatan. Sangamberi polak Saul kutoiliake katubum samba teret buruburu momoi nupukom ka purimataat pasamba aku.”

Luk. 6:36

Oto kau ibailiu kam simaeru baga, kele Ukkuimui simaeru baga.”

5Mos. 10:15

Tapoi bulat abeu nuntut bagania si Tuhan katubutda taikebbukatmui, bailiu kam le aipili si Tuhan ka talagadra sangamberi bangsa, sambat pat aili kineniget kam leu et paamian sipiliNia.

5Mos. 4:37

Kalulut nuntut bagaNia ka taikebbukatmui, oto pilinangan kam; ka bagat gegeNia bulat simaron belaakenangan kam ka Misir.