2Sam. 7:8 - BUKO SIPUNENAN

⁸ Kalulut nenda, kua katubut David paguguletKu, Aku, Tuhan Sipulugege, masikua katubunia, ‘Akualaan ekeu ka galajetnu masijago biribiri ka polak simalio samba Kuuddetake ekeu ibailiu rimata ka paamianKu Israel.

2Sam. 7:8 Iomraidhean Croise

2Sam. 12:7

Iageti kuanangan si Natan katubut David, “Ekeu te sirimanua nenda! Kise te aikua si Tuhan, Taikamanuan Israel: Aku te aisukatake ekeu sibailiu rimata ka Israel samba Aku te aibelaake ekeu ka kabei Saul.

2Sam. 14:13

Panibonangan sinanalep nenda, “Kabagat sikuam nenda, anuseseakean puseleatnu kalulut ta anuobaake itoili togam sikuddu ka sareunan. Angoi anugalaiake puseleat kele nene ka paamian Taikamanua?

2Sam. 23:1

Si David togat Isai tupili ibailiu rimata samba Taikamanuan Jakob masibailiuakenia siabeu tiboi tubu. Si David leuet masigalai urai ka tai Israel. Nene te tiboiet David sikateitei:

2Sam. 24:17

Si David masiitco malaika nenda ainia masimamateiake sirimanua nenda, lepa kuanangan si David katubut Tuhan, “Aku le majo, kalulut aku le aigalaiake jo. Tapoi aponia jotda sirimanua nenda” Ukum le aku samba sangalalepku!”

2Sam. 5:2

Baranangan siboiki samba kateteret aipei leu si Saul masipaparenta katubumai, ekeu le siuteake saladdut Israel ka senen raei pasaggak. Samba leu aikuangan si Tuhan Taikamanuam, ekeu te masiuteake paamianNia samba ibabailiu rimatatda.”

2Sam. 6:21

Aleginangannia si David, “Kupututuru iate masiabeuake si Tuhan, sikeraake ukkuinu samba sangalalepnia, lepa pilinangan aku sibailiu ute ka Israel, paamianNia. Kalulut nenda, muturu le aku masiabeuake si Tuhan.

1Rim. 3:6

Aleginangannia si Salomo, “Tuhan, anupununtukingan baga ukkuiku si David, paguguletnu, mariuriu le eru, roipo samba topitnia katubum samba sibailiu toggaiat riuriu nupukatekinia baga, kaunungan katubunia sara toga simanteu sipupaparenta kineneigegt masisailiakenia.

1Rim. 8:16

Baranangan akupalulu paamianKu bela ka Misir, ta anai berisara laggai ka Israel Akupili ibailiu uma kudduat panindogat katubukKu. Tapoi ekeu, David, Akupili masiparenta paamianKu.”

1Taw. 17:7

Lulut nenda paagai le Natan kai David, paguguletKu aipoi Aku Tuhan Sipulugege, masikua katubunia, akualaan ekeu ka galajetnu masijago biribiri ka su'su simalio, samba Kubailiuake rimata ka sangamberi paamianKu Israel.

1Taw. 21:17

Panindounangan si David, kuanangannia, “Oi Taikamanua, aku le sigalai sele. Aku le sipasikokoiniake masibaraake pasisuranan masiagai iginia sipulalaggai nenda. Bangsa nene bulatnia ta amasigalai sele! Oi Tuhan, Taikamanuangku, aku le ukum samba sangalalepku, tapoi areuake le ngamataat pugejaat baga nene ka paamianNu.”

Ams. 7:15

Tapoi sogainangan aku si Tuhan ka galajetku masigirit biribiri, samba kuanangan si Tuhan katubuku: Kenan, pusibala le' katubut paamianKu Israel.

Pugap. 7:46

Sisese kiliu bagat Taikamanua le si David, samba itiddou bule momoi igalai sara pukudduat Taikamanuan Jakob.

1Sam. 10:1

Iageti si Samuel masiala buli-buli sibara ka bagania tulat zaitun, lepa uruakenangan tula nenda ka utet Saul, samba aisisigguk si Saul kuanangan, “Si Tuhan le amasiuddetnake ekeu ibailiu rimata ka sangaliot Israel paamianNia. Ekeu te geti masiparenta paamianNia samba masikunemi sia ka sangamberi saggakda. Nene te toggaiatnu, aipilingan ekeu si Tuhan ibailiu rimata ka sangamberi paamianNia.

1Sam. 2:8

Sibara ka pugebakat akkatnakenangan sia pangoringanda, sibara ka besit puririmanua belaakenangan sia ka paloloiatda. Bailiuakenangan sia aleira sia siabeu tiboi tubu, samba kaunangan pupasikelanan sibaraake katuumunan tubu. Saisai polak si Tuhan le sibakkatnia, galainangan polak ka uddutnia.

1Sam. 9:16

“Mansep simanseman makakere kele tetere nene, Kukokoiniake te geti sara sirimanua sibara ka suku Benjamin masiailiake ekeu. Uddetnakenia ibailiunia rimata ka paamianKu Israel samba nia te masibebelaake pamianKu ka kabeira tai Filistin. Kalulut akuitcoan pangoringanda sapaaminKu nenda, rapusoga ratiddou paroman.”