2Sam. 7:7 - BUKO SIPUNENAN

⁷ Kaburut pueppanganKu pasamba sangamberi tai Israel, Akukuangan leu pa ka sara saute ka Israel, siparentaakenenKu rapasikeli paamianKu Israel, kise: Angoi ta anugalai kam umangKu sigalai sibara ka loina pinilok Libanon?”

2Sam. 7:7 Iomraidhean Croise

2Sam. 5:2

Baranangan siboiki samba kateteret aipei leu si Saul masipaparenta katubumai, ekeu le siuteake saladdut Israel ka senen raei pasaggak. Samba leu aikuangan si Tuhan Taikamanuam, ekeu te masiuteake paamianNia samba ibabailiu rimatatda.”

1Taw. 11:2

Baranangan siboiki samba kateteret aipei leu si Saul masipaparenta kai, Tuanku le siuteake saladdu Israel ka senen raei pasaggak. Ai pei bagei Tuhan Taikamanua Tuanku aipalelekngan aipoi Tuanku le siuteake geti paamianNia samba ibailiu rimatatda.”

1Taw. 17:6

Burut pueppanganKu siuteake silepa piliKu, aponia paluluatnia ta raririoake sara uma sibara ka loina pinilok Libanon addeatKu.”

Jes. 40:11

Kele sara sipasijago tarimeu ipasijago mungkuat tarimeuNia samba iruruakenia pasamba kabeiNia; sangamberi togat biribiri ikupkupake, sangamberi inan biribiri palulunangannia simakolou.

Jes. 66:1

Kise te tiboiet Tuhan: Manua iate kudduat purimataatKu samba polak kalak rerekKu; lalep kipangan le nuririoake kam kaku, samba kudduat kipangan le sibailiu puariatKu?

Jer. 23:4

Kurioake le geti katalagatda sipasijajago sijago sia, bailiu taimalotorangan, taituge'gerangan samba berisangamuneng leu simalilimai, kise te' ngangan Tuhan.

Jer. 3:15

Kuuddetnake te' geti katubumui sangamberi sipasijago siripot ka paatuatKu; Rajago te' kam ka sikut paatuat samba ka puaagai.

Jehz. 34:15

Aku le geti masijajago biribiriKu samba obaakekungan raperep, kise te tiboiet Tuhan Taikamanua.

Jehz. 34:2

“Ale togat sirimanua, pupatuptup masisagangi sangamberi sipasijago Israel, pupatuptup samba kua katubutda, ka sangamberi sipasijago nenda: Kise te tiboiet Tuhan Taikamanua: Paan te kam sangamberi sipasijago Israel, sijago tubunia sarania! Ta pa bulat biribiri le jagoetda sipasijajago nenda”

Jehz. 34:23

Kuudetake le geti sara sipasijago sia, sijago sia, iate si David, paguguletKu; jagonangan leu sia, samba bailiunangan leu sijago sia.

Mik. 5:4

samba bailiunangannia paabanan. Ke'bai tuguru Asyur ka laggaita samba ke'bai rapaperaki polakta, iageti ei sia masisaggangi sia pitu pasijago, samba balu sipasiuteake sirimanua.

Mat. 2:6

‘Ekeu Betlehem, ka tobbou Juda, ta te sigoiso ekeu ka talagada tai rimata ka Juda; kekeu le poi ibabara sara rimata sipaneinei bangsaku Israel.’ ”

Pugap. 20:28

Oto pagaba kam tubumui samba leu sangalio paamian, kam poi airioake Ketsat Sipunenan bailiu sipaneinei, masipasikeli paamian Taikamanua sinakinia logau Togania.

Pugap. 21:28

pugereirangan, “Ale tai Israel, romake kam! Ia te ne sirimanua sipangantoman sirimanua kaipa kaipa masisaggangi bangsa Israel, samba Surukat samba kudduat nene. Aiambitnan pei bagei tai Grika tubuluk ka Uman Taikamanua masipalolit kudduat sipunenan nene!”

5Mos. 23:14

Tuhan Taikamanuamui masipaalei kam ka bagat sapoumui isakkeri kam samnba iake ka kam kamanangan nukalaake kam saggakmui. Oto jago kam bule imariuriu imalina sapoumui. Bui' ibara sitaimateu iitco ka talagamui si Tuhan, bailiu kaddiuakenangan kam si Tuhan.”

1Ptr. 5:1

Kupanganturu tai baja gareja ka talagamui, aipoi aku leu baja gareja leu et samba sipasimumuneng pangoringan Kristus, samba sipueeneu ka bagat pulatsanan toilaakenen geti.