2Sam. 7:10 - BUKO SIPUNENAN

¹⁰ Akuteuakean kudduatda sapaamianKu Israel rapukuddu sedda, bule rapurimanua sedda kabagat pusanangan, taan ragegeugeu sia samba leu taan rapaoreiji sia sirimanua sikatai kele siburu,

2Sam. 7:10 Iomraidhean Croise

Ams. 9:15

Iageti Kupauuremi le sia ka polakra, samba ta'an tupabuburau sia minca ka polak sikauKu katubutra,” ngangan Tuhan, Taikamanua.

1Taw. 17:9

Addeat paamianKu Israel akupatarekngan addeat kudduat ibailiu polak katukakaratda bule ioi rapurimanua simaaman ta'an tupagegeugeu minca.

Jer. 24:6

Iageti Kuipoake le' mataKu katubutda addeat pueerura, samba Kuambit le' geti sia toili minca ka laggai nene. Kurioake geti sia, ta' masibukkatnakenia; Kuurep le' geti, ta' masiburaunia.

Jes. 60:18

Taan babara katuareman pagalaiat galajet sikatai ka laggainu, pagalaiat katusubuat ele katukataikat ka sangaliot laggainu; oniakenungan geti iripnu “Puaraugat” samba sangamberi matatbaliunu “Pasiumun”.

Jehz. 28:24

Taan babara minca ka muntogat Israel sibara ka pabebeakenennia sipaloloi sia, sibailiu rui sipasikakkak ele rui simaraka. Agairangan getnia Aku te Tuhan Taikamanua.

PSALMEN 80:8

Ale Taikamanua Sebaot, paeru le kai, galai le iputoro pumataatNu, iageti maaraumaian geti.

Jer. 18:9

Ai teterenia Kutiboake pagalaiat sara bangsa samba pagalaiat sara purimataat, Kugalai samba Kuurep geti sia.

Pamoil. 21:4

Posanangan sangamberi elu ka matada, samba kamateiat taan anai, ele reureu baga, ele geri, ele gejat baga taan anai, aipoi sangamberi siboiki atusabauan.”

Hos. 2:18

Kateteret nenda, Galaikungan palelengan ka sangamberi tarimeu bule sangamberidra tat ragegeugeu paamianKu. Ariakekungan sangamberi pasaggangan samba masiareuake sangamberi pakeiet ka pasaggangan ka laggaira paamianKu nenda, kaukungan purimanuaiatdra simaeru samba maaban.

2Mos. 15:17

Lepa taroakenungan Israel sapaamianNu ka kudduat sikokoiakenenNu. Pukuddurangan simariuriu ka leleuNu ka Uma sipunenan bulat sigalaiNu.

Jes. 5:7

Kalulut monen anggur Tuhan Sebaot, iate paamian Israel, samba tai Jehuda iate siureman kilibet bagaNia; ngenaakenangan katuroipoat, tapoi sarat sikatai le abara, ngenaakenanan pubulanan, tapoi sarat pukakatai le abara.

Jes. 5:2

Pakkrunangan polaknia samba ribbaiakenangan pabukku-bukku, samba urepnangan anggur simaeru galainangan kudduat pujagoat simabuak ka talagania samba gaigainangan uggungan kudduat pasipionan anggur; lepa ngenanangannia bule mone nenda ibaraake buat anggur simaeru, tapoi aibaraake geti iate buat anggur simalaga.

PSALMEN 44:4

Aipoi ta kalulut lanjau arakuddiji laggai, samba ta paratda amasiake kamanangan, tapoi kabeiNu sikattoet samba param samba torot pumataatNu le kalulut makiliu bagam katubutda.

Pas. 4:3

Ai siba ngotu kereta pasaggaknia si Jabin sigalai sibara ka laba. Rua pulu ngarura burunia aipaoreiji tai Israel. Lepa geti pusogarangan masitiddou paroman ka tubut Tuhan.

1Sam. 13:17

Ka teteret nenda leu et telu ngarombongan perampok Filistin bela sibara ka pusapougatdra tai Filistin masiraurau, rombongan sara mei ka ipot Ofra ka kupkumen laggai Syual,

2Mos. 1:22

Lepa rimata masikau parenta nene ka sangamberi taikaumania. “Senen toga simanteu tai Ibrani simaruei mututu' mata buita turibbaiake kabagat oinan Nil, tapoi sangamberi toga sinanalep momoi tuobaake murimanua.”

2Rim. 21:8

Ke mareddet tai Israel ka sangamberi parentaKu samba masitut surukat sikau Mose, paguguletKu, katubutda, ta Kuobaake sia rakekle sia ka laggai sikauKu ka taikebbukatda.”

2Taw. 33:8

Ke mareddet tai Israel ka sangamberi tiboietKu samba masitut surukat sikau Mose paguguletKu, katubutda, ta Kuobaake sia rakekle sia ka laggai sikauKu kataikebbukatda.”

PSALMEN 44:2

Oi Taikamanua, pasamba piumai amasiarep, taikebbukatmai amasipoiliatnan katubumai galaiakenen sigalaiakenenNu kateteretra, kateteret siburu pei le.

PSALMEN 80:9

Anuotcaakean loinat anggur sibara ka Misir, anukeklengan sangamberi bangsa, lepa urepnungan loina nenda.

Jes. 60:21

Sangamberi silaggaiji ekeu iate sirimanua simatopit rabakkati le laggai teret buruburu; sia iate kele sinampit siurepakenenKu bule rapatoila pulatsananKu.