2Sam. 4:5 - BUKO SIPUNENAN

⁵ Tatogat Rimon, tai Beerot nenda, iate si Rekhab samba si Baana, mei ka lalep Isyboset samba sege sia sedda sinago, kateteret aimemerep si Isyboset sinago.

2Sam. 4:5 Iomraidhean Croise

2Sam. 11:2

Ka sara tetere kasoibokat, kele aitusuru si David merep, puenungnangan ka uddut uma purimataat ka simagaktuk. Iageti ainia sedda itconangan sara sinanalep sipurarau, samba sinanalep nenda bulat malainge tubunia.

2Sam. 2:8

Utet saladdut Saul iate si Abner togat Ner, amutuituiannia pasamba si Isyboset togat Saul ka Mahanaim ka silat bagat oinan Jordan.

2Sam. 4:2

Ai rua tatogat Saul sibailliu ute ka mungkuat iate si Baana samba Rekhab, ruatda togat Rimon, tai Benjamin sibara ka Beerot. – Kalulut Beerot leu addeat kupkumen laggai Benjamin.

1Rim. 16:9

Si Zimri, sara utet saladdu siuteake iletalaga saladdu sipukekereta, mukere baga masisaggangi si Ela. Ka sara gogoi pulonangan si Ela Tirza, pat puineng ka lalep Arza, ute kudduat uma purimataat rimata.

2Taw. 24:25

Si Joas bara maujunia simakope. Kele arakaddiuakenia tai saggak, rua paguguletnia mukere baga masimateiake si Joas ka peremannia sibailiu lumun aimatei togat imam Joyada. Rateiakerangan Rimata Joas ka laggai David, tapoi ta karateira tai rimata. (

2Taw. 25:27

Barania aituareu si Amazia katubut Tuhan, sirimanua masibaraake pukerekat baga masisagganginia ka Jerusalem, kalulut nenda putuituinangan iei ka Lakhis. Tapoi koiniakerangan rakukrunia ka Lakhis, lepa mateiakerangannia sedda.

2Taw. 33:24

Sipugagalai kai Rimata Amon masibaraake pusaraat masisagganginia samba mateiakerangannia ka uma purimataat.