2Ptr. 3:7 - BUKO SIPUNENAN

⁷ Tapoi manua samba polak kineneiget, tiboiet Taikamanua leu et ipasikeli nia, itukoiri teret itulaboake ka gogoi pasiukuman samba pasisubuatda sirimanua sitaimareddet ka Taikamanua.

2Ptr. 3:7 Iomraidhean Croise

PSALMEN 102:26

Siburu anugalakakean bongan polak, samba manua iate sigalai kabeiNu.

PSALMEN 50:3

Ioi Taikamanuanta samba ta mumemengmengNia, ka mataNia ai obengan sipujujulu, bokkot tubuNia muboroi rusa simapiret.

Jes. 51:6

Ipoake kam matamui ka manua samba itco kam ka polak ka tei; kalulut tata le manua kele kujuk, polak makamung kele leppei simamumumu' samba matei le geti silaggaijinia kele legu; tapoi kabelaiat akenenKu mariuriu le geti teret burburu, samba puaraugat sibara kaku ta tatata.

Jes. 66:15

Bulatnia te, moi le geti si Tuhan pasamba obengan, samba sangamberi keretaNia kele kasoubaliok, igalaiake goluNia simaoloi samba paasekatNia pasamba julu obengan.

Dan. 7:9

Aimaririuiru peile kupasiitco, piga pa' kudduat purimataat tugalakngake, lepa pukuddunangan sipuririmanua teret buruburu nenda. LeppeiNia samba alaiNia mabulau kele bantra. Kudduat purimataatNia pasamba sangamberi rodania mutoro kalulut julut obengan;

Zep. 3:8

Tapoi jago! Ngenaake gogoinia kupurio ibailiu Aku sipangangandu. Aipoi Akuteuakean masiruruake' bangsa-bangsa samba purimataat kukau golukku katubudda. Sangaliot polak tata' le kalulut ikomnia oloi golukku.

Malk. 4:1

Kuanangan Tuhan Sipulugege, “Iaili te geti gogoinia sangamberi sirimanua simabuak patuat samba sikatai tulabo kele sigetaiat. Ka gogoi nenda labonangan sia pat sappru, samba ta anai sipulelegei ka talagdra.

Mat. 10:15

Kukua nia ka matamui: Ka gogoi pasiukuman, ukuman laggai Sodom samba Gomora pei le malabbei ka ukuman laggai nenda.”

Mat. 11:22

Tapoi kukua nia ka matamui: Ka gogoi pasiukuman, ukuman laggai Tirus samba Sidon pei le makalabbei ka kam!

Mat. 11:24

Kukua nia ka matamui: Ka gogoi pasiukuman, ukuman laggai Sodom pei le makalabbei kekeu!”

Mat. 12:36

Tapoi kukua nia ka matamui: senen tiboiet si ta galai siniboira sirimanua, raalegi te ka gogoi pasiukuman.

Mat. 24:35

Manua samba polak tatata le, tiboietku geti ta tatata buru.”

Mat. 25:41

Lepa kuanangan ka matada isit kai katsiunia, ‘Katuitui kam ka mataku, kam situtetelei ka api sitaitatata sinarekngakenen ka Sanitu samba samalaikania.

Mrk. 6:11

Tapoi ke ai bai laggai sitaioba masisilo kam ele sitaioba masiarepi tiboietmui, kaddiuakemuian laggai nenda, sosoakemuian abu ka reremui ibailiu nia repdemenda.”

Joh. 12:48

Simamin baga ka tiboietku samba sitaisilo tiboietku, aian siukumake nia; tiboiet siniboiku, ia te iuukumake nia ka gogoi sialu.

ROMA 2:5

Tapoi kalulut kelat paatuatnu samba taiobanu masibau paatuat, anururuakean te ka tubum golu, ka gogoi pasitoilakat golu samba ukuman Taikamanua simaroipo.

1Kor. 3:13

matotoila le geti galajetda senenda. Gogoi Tuhan poi masipatotoila, aipoi api le ipatotoila nia samba kipa erunia galajet senen sirimanua, api le isisibo nia.

Plp. 1:28

bui raloto kam beri goiso tai saggakmui. Sangamberinia nene toggaiat pulangokat le ka sia, ka kam geti ia te toggaiat puaragat, samba sibara ka Taikamanua le nene.

2Tes. 2:3

Bui rapataju kam kasei pa, kenanen kipa pa! Aipoi ke pei moi gogoi Tuhan, buita ibara boiki: Maigi sipasikakaddiuake arat samba buita tupatoila boiki Sirimanua Sikatai, togat pulangokat,

1Tim. 6:9

Tapoi sia sibesiake kayo bele ka pasisiboat samba sesere samba sene ngamata pubotbonan si ta galai samba sikatai, siloulouake sirimanua ka pukataikat samba pulangokat.

Ibr. 12:29

Aipoi Taikamanuanta ia te api sipasilalabo.

2Ptr. 2:9

Oto iagai si Tuhan masibelaake sia simatopit ka pasisiboat samba iagai masikoiriake sia sirimanua sikatai iukumake sia ka gogoi pasiukuman,

2Ptr. 3:10

Gogoi Tuhan geti kele sipananangkou le ioi. Ka gogoi nenda ukku manua ituapuru, samba sangamberi sibabara ka polak ragget iraggetnake nia api, polak nene samba sangamberi sibabara ka bagania pipi.

2Ptr. 3:12

ka bagat ai kam masingengena samba masiola kaoijanan gogoi Taikamanua. Ka gogoi nenda manua sappuru ilabo nia api samba sangamberi sibabara ka bagat polak anau kalulut juluunia.

1Joh. 4:17

Itususutnake nuntut bagat Taikamanua ka bagata, bule tamaeme ka gogoi pasiukuman, aipoi kipa puririmanuan Kristus, kisedda leu leu sita ka polak nene.

Jud. 1:7

kele Sodom samba Gomora samba laggai ka bebenia, sigalaiake kele sigalaira samalaika masigalaiake puumunan samba masitut pubotbonan tubu sikatai, araorikngan paoreat api sitaipepee sibailiu repdemen ka sangamberi sirimanua.

Pamoil. 17:11

Pagalaiat tarimeu geti siburu ai, kineneiget taan, ia te rimata sikabalu; tapoi sara ka talagat sipitu leu, samba aiaailiake kalangokatnia.

Pamoil. 17:8

Tarimeu siitconu nenda, siburu ai, kineneiget taan, muoottou minca ka guluggu kamateiat samba iaailiake kalangokatnia. Bailiu makisei bagada sikuddu ka polak, sia sitaitususurat oni ka buko purimanuaiat barania ka panandaat polak, raitco tarimeu nenda, ai, lepa taan, samba muoottou minca.

Pamoil. 20:11

Lepa itcokungan sara uddenan purimataat sabeu simabulau samba nia sikuddu ka uddutnia. Oto polak samba manua apuru ka matania, taan atusese kudduatnia.

Pamoil. 21:1

Lepa itcokungan manua sibau samba polak sibau, aipoi manua siboiki samba polak siboiki atataan, samba koat leu taan anai.