2Ptr. 3:3 - BUKO SIPUNENAN

³ Agaietmui siboiki ia te ka gogoi kalepakat momoi te sipagegegei masiake pagegeiatda, ia te sipasitututnake pubotbonanda.

2Ptr. 3:3 Iomraidhean Croise

Pangt. 1:22

“Pigamoian le, ale kam sirimanua sitaimaagai, pigamoian le nuparimanuaake kam purimanuaiatmui kele kisene, pigamoian le iaili teterenia nupuari kam nupaloloi kam puaagai, samba kam ale, sirimanua simakela patuat nukeraake nganturat simaeru?

Pangt. 14:6

Simaasa baga masigaba sikut patuat, tapoi siboboi, tapoi ka sirimanua siagai kolou, malabbei isese puaagai.

Pangt. 3:34

Ke iaili sirimanua sioba paloloi, oto nia leu et paloloinangan, tapoi kudduatda sirimanua ipanukani le si Tuhan.

Jes. 28:14

Kalulut nenda arepi kam tiboiet Tuhan, kam simaasa baga, siuteake bangsa nene sikuddu ka Jerusalem nene!

Jes. 29:20

Kalulut sappru le geti sirimanua simagege simabuak patuat samba sipalololoi, samba tusubuake le geti sangamberi sirimanua siisiake sikatai,

Jes. 5:19

Kuarangan: “Eddangan igalaiake Taikamanua simaruei galaiakenenNia, bule taitconia; samba eddangan siteuakenen Sipulubunan, Taikamanuan Israel, ioi imalegre, bule taagainia.”

Hos. 7:5

Ka gogoi punen rimata, ragalai ka rimata samba siabeu kapurimataat mulo anggur pat roro' samba galairangan pagalaiat putaiagaiat patuat. Kalepakatnia rimata puangkanangan baga sambatda simapatajuat nenda.

Joh. 12:48

Simamin baga ka tiboietku samba sitaisilo tiboietku, aian siukumake nia; tiboiet siniboiku, ia te iuukumake nia ka gogoi sialu.

2Kor. 4:2

Tapoi kutataake le kai galajet simalipput sibaraake katuailaat; ta kugalai kai patajuat samba ta kupabailok kai tiboiet Taikamanua, pubulanan le kupatoila kai, samba ka bagat nene kusegeake kai tubumai ratimbang kai sirimanua ka matat Taikamanua.

2Tim. 3:1

Agaietnu leu et ia te ka gogoi sikateitei, babara te tetere pugejaat baga.

Ibr. 1:2

Tapoi ka tetere sikateitei nene, patiboakenangan sita ka bagat Togania, sikokoiakenennia bailiu sipasiikep sangamberi sibabara. Kalulut nia leu aibaraake polak nene Taikamanua.

2Ptr. 1:20

Bulat siboiki agaietmui ia te: Senen sinibalaakenen Surat Sipunenan ta momoi tukolouake siripot siobat bagat sirimanua,

2Ptr. 2:10

sara pei sia situtnake pubotbonan akkula sipalolit tubuda sipuarak paneineiat Taikamanua. Kopet emenda samba buak paatuatda tai guru sipatataju nene pat ta magila sia masipaloloi siputubu simalatsat ka sorga.

1Joh. 2:18

Ale tatogaku, tetere kineneiget, ia te tetere sikateitei. Samba kele siarepmui, momoi te saggak Kristus; samba kineneiget amaigingan saggak Kristus. Sedda te ituaagai, tetere nene bulat tetere sikateiteian.

Jud. 1:16

Sarat mungungu le sia samba muhoihoi pagalaiat tubuda; ngungunda masitiboake si ta paraboat samba raumunake sirimanua bule ibara uktukda.

Jud. 1:18

Arakuangan poi ka matamui, “Kei bara gogoi kalepakat polak, momoi te sipagegegei sipuririmanua masitutnake pubotbonan pukataikatda.”