2Ptr. 3:18 - BUKO SIPUNENAN

¹⁸ Kau le nupuurau kam ka bagat kiliu baga samba ka bagat pasiaagai Tuhan samba Sipaarau sita, Jesus Kristus. Ka tubunia le pulatsanan, kineneiget samba teret buruburu.

2Ptr. 3:18 Iomraidhean Croise

PSALMEN 92:12

matakku masimattai masiputata saggakku, piu masiarep pagalaiat orang sikatai sitususuru masisaggangi aku.

Hos. 14:5

Kuanangan si Tuhan, “PaamianKu situsosoip kuala sia minca samba Kupununtuki baga sia ka muinet paatuat; Ta'an kupugogoluki sia geti minca.

Malk. 4:2

Tapoi ka kam simareddet ka tubukKu, bebela te gegeKu kele sulu siarauake, samba toronia sibaraake katualeat. Tuujamuian samba maangka baga kele togat jaui simaruei tubelaake ka gulak.

Mat. 28:20

Pangantoman kam sia masireddet sangamberi sitoneakenenku ka matamui. Repdep kam, ai le kupaalei kam senen gogoi teret kalepakat polak.”

Mat. 6:13

Bui nukau kai ka pasisiboat, belaake le kai ka si Jo. [Ekeu le poi sibakkat Purimataat, sibakkat gege samba pulatsanan teret buruburu. Amen.]’

Joh. 17:3

Nene le purimanuaiat sitaitatata: bule raagai ekeu saram le bulat Taikamanua, samba masiagai Jesus Kristus sikoiniakenennu.

Joh. 5:23

bule sangamberi masiumunake Toga, keleu raumunake Ukkui. Kasei ta masiumun Toga, ta leu et iuumun Ukkui sipasikokoiniake nia.

ROMA 11:36

Aipoi sangamberinia sibara ka sia le, samba kalulut nia, samba sege ka tubunia. Ka tubunia le pluatsanan teret buruburu!

2Kor. 4:6

Taikamanua poi sipasikukua, “Kau iputoro pato ka bagat gepgep!”, nia leu masitoroake patonia ka paatuatta, bule imapato paatuatta masiagai pagalaiat pulatsanan Taikamanua siputotoro ka matat Kristus.

EPESUS 1:17

kutiddou ka Taikamanuan Tuhanta Jesus Kristus, Ukkui simalatsat, bule iake ka kam Ketsat pusikuat samba pamoilianan masiagai nia simakolou.

EPESUS 4:15

Bailoknia pubulanan le taoometnake ka bagat nuntut baga, tapuurau ka bagat sangamberinia ka tubunia, Uteta, ia te Kristus.

Plp. 3:8

Purugiatnan le kuaddeake sangamberinia, kalulut pasiaagai Kristus Jesus Tuhanku pei le malainge ka sangamberinia. Kalulut nia poi galakngakekungan sangamberinia nenda samba kuaddeake nia pora, bule kupuuktungi Kristus,

Kol. 1:10

imateu nupurimanua kam ka matania samba ioba bagania ka bagat sangamberinia samba mubua kam ka sangamberi galajet simaeru, samba muurau ka bagat puaagai pagalaiat Taikamanua,

Kol. 3:10

anupakeian kam sirimanua sibau riuriuakenen tubauake masisese puaagai sipulelelek siripot tularat Sipasibabaraake nia.

2Tes. 1:3

Bulat mateu le kusuraki kai simariuriu Taikamanua kalulut kam, sasaraina. Imateteu ia te kalulut tonem bagamui memei iuurau samba nuntut bagamui ka pasasambamui memei itutuppai,

2Tim. 4:18

Samba ibebelaake aku si Tuhan ka senen galajet sikatai, iaarauake aku tuguru ka Purimataatnia ka sorga. Ka tubunia le pulatsanan teret buruburu. Amen.

1Ptr. 2:2

Kau ibailiu kam kele tatoga sibau mututu mata, simaoggou suat tottot puketsanan simalina, bule nupuurau kam samba nusilo kam puaragat,

2Ptr. 1:11

Kisedda te ipanguruatnake ka kam gege simasun masiguruki Purimataat simatom, ia te Purimataat Tuhan samba Sipaarau sita, Jesus Kristus.

2Ptr. 1:2

Kiliu baga samba aban simabura ka kam kalulut pasiaagai Taikamanua samba Jesus Tuhanta.

2Ptr. 1:3

Kalulut geget putaikamanuaatnia aipanguruatnakean ka sita sangamberinia sikau sita murimanua simatopit kalulut pasiaagaita nia, sipasisosogai sita ka pulatsanan samba erut bagania.

2Ptr. 1:8

Aipoi ai bai sangamberinia nene ka kam sipububura, bailiu kam mangamang samba mubua ka bagat pasiaagaimui Tuhanta Jesus Kristus.

2Ptr. 2:20

Aipoi ke arakatsiliakean tubuda ka pulolinan polak nene kalulut pasiaagaira si Tuhan samba Sipaarau sita Jesus Kristus, tapoi lepa junung sia minca ka bagania, bailiu makope katai kalepakatnia ka sia, bele pei ka panandaatnia.

Jud. 1:25

Taikamanua sisasara, Sipaarau sita kalulut Jesus Kristus, Tuhanta, ka tubunia le pulatsanan, pubeunanan, puroron samba gege, barania ka tetere siburu teret kineneiget samba teret buruburu. Amen.

Pamoil. 1:6

samba sikau sita bailiu sara purimataat, bailiu imam ka Taikamanua Ukkuinia, – ka tubunia le pulatsanan samba gege teret buruburu. Amen.