2Ptr. 3:16 - BUKO SIPUNENAN

¹⁶ Ka sangamberi suratnia sarat itiboi pagalaiat sangamberi nene. Kirenangan ka bagat suratnia ai simabesi tuagai, bailiu sitaiagai nia samba sitaimaron tonem baga, rapabailok le, kele sigalaiakenenda ka surat bagei, bailiu kalangokatda ka sia.

2Ptr. 3:16 Iomraidhean Croise

1Mos. 49:4

Ekeu malabbei ipanganyak kele oinan, bailiu ta'aan sipuboboiki; aipoi amerep ekeu pasamba sinanalepku kabe'be', anupalolit pereman ukkuinu.

1Rim. 10:1

Rimata sinanalep laggai Syeba masiarep pagalaiat katuareman pubebeunan Salomo. Iageti einia ka Jerusalem masisibo si Salomo ka parerekat pasikat.

PSALMEN 56:5

ka Taikamanua, tiboietNia umunakenenku, ka Taikamanua kumatonem baga, ta maloto aku. Aponia momoi ragalaiake sirimanua katubukku?

2Mos. 23:2

Bui' te nututnake kam sirimanua simigi ke ragalaiake puselat ele masipasabau surukat ka pasikakau katumunengan ta sibulatnia.

2Mos. 23:6

Galaiake kam katuroipoat ka simageba ke moinia isegeake pakaronia ka pakaroat.

Jer. 23:36

Tapoi Patonekat bairanen siaket Tuhan buian nukua minca, aipoi sibailiu bairanen ka senen sirimanua iate' tiboietnia sarania le', kalulut anupabailokngan kam sangamberi tiboiet Taikamanua sipuririmanua, Tuhan Sebaot, Taikamanuanta.

Hab. 1:4

Surukat ta'an atupuletsei samba puroipoat ta'an atuparon. Sirimanua sijongan le amuundutat ka tubut sirimanua simatopit, iageti pabailokrangan leuet puroipoat.

Mat. 15:3

Aleginangan nia Jesus, “Angoi nupasabau kam ka kam Surukat Taikamanua kalulut aratmui?

Mat. 15:6

taan leu isusuru ukkui ele inania. Oto anuputataan kam tiboiet Taikamanua kalulut aratmui.

Mat. 22:29

Aleginangan nia Jesus, “Amaselengan kam lulut taiagaimui bagat Surat Sipunenan samba geget Taikamanua.

5Mos. 16:19

Masitakkiake pakaroat, ta momoi ragalai siobara ele matutru sia ka sisara. Sia leu et ta momoi masisilo bulagat ka enungan sitaimaroipo, kalulut mareirei ipetpetnake matat sirimanua, beri leu sirimanua simasiku paatuat samba sitaimapajoat, bailiu taimaroiponangan raala katakkikat.

Plp. 3:19

Kalepakat puririmanuanda ia te pulangokat, taikamanuanda ia te balugura, pulatsananda ia te ailada, sarat pagalaiat polak le rapaatu.

Ibr. 5:11

Pagalaiat nene maigi kuanenmai, tapoi mabesi itukolouake kalulut magulai tubumui masiarep.

Jak. 1:8

aipoi simarua paatuat ta maririuriu puririmanuania.

1Ptr. 1:1

Sibara kai Petrus, apostel Jesus Kristus, masiailiake taitoi simasasaragai ka Pontus, Galatia, Kapadokia, Asia samba Bitinia,

1Ptr. 2:8

samba “Bailiu bukku tuluiet, samba bukku katusoksongan.” Tusoksok sia sedda kalulut ta mareddet sia ka tiboiet Taikamanua; kisedda te aiteuake Taikamanua ka tubuda.

2Ptr. 2:1

Siburu amuottou tai nabi sipatataju ka talagat bangsat Taikamanua. Kisedda leu ka talagamui momoi te tai guru sipatataju, siguruake nganturat pasipepe sibaraake kalimaiat, samba Tuhan sipanebui sia raputata; kisedda te imaola rabaraake ka tubuda pulangokat.

2Ptr. 2:14

Matada sun paelenan samba ta sesege bagada mujo. Ragalai paalakat baga ka simagulai paatuat. Paatuatda araubuian mualau baga. Sirimanua teleiet le sia!

2Ptr. 3:14

Oto sasaraina kilibet baga, ka bagat ai kam masingengena sangamberinia nene, kau nubesiake kam bule si ta loloiet samba si ta lolit kam ka matat Taikamanua; samba ai kam paaban ka tubunia.

2Ptr. 3:2

kutubbui kam nurepdep kam tiboietda tai nabi sipunenan siburu samba masiparepdep patonekat Tuhan Sipaarau, sinegeakenenda tai apostelmui ka kam.

Jud. 1:4

Aipoi taiaagaiet, aian piga pa sirimanua sipugugurui tuguru ka talagamui; sirimanua nenda siburunangan atusuratnakean ka Surat Sipunenan katuuukumda. Sirimanua sikatai le sia, sipabailok katet bagat Taikamanuanta ka pubotbonanda, samba masiputata Uteta sisasara samba Tuhanta, Jesus Kristus.