2Ptr. 3:13 - BUKO SIPUNENAN

¹³ Tapoi siripot palelengan Taikamanua tangenaake le kam manua sibau samba polak sibau, kudduat puroipoat.

2Ptr. 3:13 Iomraidhean Croise

Jes. 60:21

Sangamberi silaggaiji ekeu iate sirimanua simatopit rabakkati le laggai teret buruburu; sia iate kele sinampit siurepakenenKu bule rapatoila pulatsananKu.

Jes. 65:17

Kuanangan si Tuhan, “Bulatnia te, Kubaraake le manua sibau samba polak sibau; sangamberi sipuaaili suburu taan turererepdep minca, samba taan mututu'tu minca ka patuat.

Jes. 65:25

Jojot leleu samba togat biribiri mukom le geti turuturu sambatda, singa mukom le geti legei siperakat kele jaui samba ulou murimanua ka abu. Taan babara sigalaiake sikatai samba sipuparaboat sikatai ka sangamberi leleuKu sipunenan, tiboiet Tuhan.”

Jes. 66:22

Kalulut kele manua sibau samba polak sibau baraakenenKu nenda, mariuriu le ka matakKu, kise te tiboiet Tuhan, kisedda muntogatmui samba onimui mariuriu le ikuddu.

ROMA 8:21

Tapoi ka bagat pukakaronan, aipor sibaraakenen tuujaake leu ka paoreat pulangokat, tuguru ka puujaat pulatsanan tatogat Taikamanua.

2Ptr. 1:4

Ka enungan nenda te aipanguruatnake ka sita palelengan simakeppu saki samba simakope beunan, bule kalulut nia bela kam ka pubotbonan sikatai ka polak nene, bailiu kam mueneu ka putaikamanuaat.

Pamoil. 21:1

Lepa itcokungan manua sibau samba polak sibau, aipoi manua siboiki samba polak siboiki atataan, samba koat leu taan anai.

Pamoil. 21:27

Tapoi apa pa simalolit, ele sirimanua sigalaiake kasitsitnakenen ele boko, taan tuguguru ka bagania, sarat sia le sitususurat oni ka bagat buko purimanuaiat Togat Biribiri.