2Ptr. 3:11 - BUKO SIPUNENAN

¹¹ Oto ke iaanau le sangamberinia nene kele kise, buita memei malina samba matopit nupuparaboat kam,

2Ptr. 3:11 Iomraidhean Croise

PSALMEN 37:14

Sangamberi sirimanua sikatai masioppat lanjau samba masibetekake rouroura bule rabukkatake sirimanua sipangongorik samba sirimanua simageba, bule rajaja sirimanua simaroipo enungan;

PSALMEN 50:23

Kasei masipanguruatnake pusurakat sibailiu buluakenen, nia te siabeuake Aku; kasei maroipo enungannia, patoilakungan geti puaraugat katubunia sibara ka Taikamanua.”

PSALMEN 75:3

“Ke Aku masiteuake teterenia, Aku le geti masiake puroipoat samba pubulanan.

Jes. 14:31

Pusou kam, ale matatbaliu sabeu! Pugerei kam, ale laggai! Puloto kam, ale sangamberi Filistea! Kalulut sibara ka isit bare atukaraian kujuk pasaggangan, samba moi mungkuat saladdu samba taanai sisoksok teiteinia.

Jes. 24:19

Polak subu, polak anau, polak mungeungeu.

Jes. 34:4

Sangamberi saladdut manua masubu le geti, samba manua tupurut le geti kele tupurut buko, sangamberi saladdu matei le geti kele buluk anggur imantei, samba kele imantei buluk sileu.

Mat. 8:27

Tenan le kisei ka bagada sirimanua, kuarangan, “Apa le pa sirimanua nene, rusa samba koatnan le kodda irereddet ngangania!”

ROMA 13:11

Besiake kam masigalaiake nene, anuagaian poi kam tetere kineneiget, ia te aiailingan teterenia ka kam tusuru ka peperem. Aipoi kineneiget puaragat amalegerengAn ka sita bele pei le ka teteret atataddaake mutonem baga.

ROMA 13:12

Tusasabauan le soibo, amalegerengan tago. Kauan tagolok kam sangamberi galajet pugepgeman, tapakei kam pamatei pupatokat.

2Kor. 1:12

Aipoi sikau kai maangka baga nene le: bagai bagamai masimunengake, puririmanuamai ka polak nene, sara pei ka bagat pasambaatmai ka kam simasuru samba ka linat paatuat sibara ka Taikamanua le akugalaiake kai nia, ta sikut paatuat sirimanua ka ron panguruat Taikamanua le.

Plp. 1:27

Sarat kau le siripot Katuareman Simaeru sibara ka Kristus puririmanuamui, bule ke moi aku itcokungan nia, ele ta moi aku arepkungan nia pagalaiat ron puririomui ka bagat sara ketsat, samba sisara paatuat masipaukeleake tonem baga sibara ka Katuareman Simaeru,

Plp. 3:20

Aipoi bakkat laggaita ka sorga le, sibara sedda leu tangena kam Sipaarau sita, Tuhan Jesus Kristus,

1Tes. 1:5

Aipoi Katuareman Simaeru sipaarepmai ta sarat ka bagat tiboiet aitusegeake ka kam, tapoi ka bagat ron le samba ka bagat Ketsat Sipunenan samba katoneman le pubulanannia. Kirenangan anuagaian kam kipa puririmanuamai ka talagamui, kalulut kam.

1Tim. 3:16

Ta anai kasei pa siooi masisakkala beunannia keleat aratta: Nia sipatoila tubunia ka putubuat sirimanua, atupatoilaan roiponia ka bagat Ketsat, aipaitcoan tubunia ka samalaika, pinaarep ka sipuarat sabulungan, arakatonemingan nia taikapolak, situaakkat ka pulatsanan.

1Tim. 4:12

Bui rapaguileake ekeu kasei pa lulut bau tubum. Kau le ibailiu ekeu uluiet ka simatonem baga ka bagat titiboat, ka bagat paraboat, ka bagat nuntut baga, ka bagat tonem baga samba ka bagat linat puririmanua.

1Tim. 6:11

Ekeu geti sirimanuan Taikamanua, areuake tubum ka sangamberinia nenda; puroipoat le kukuruake, suru ka arat, topit, nuntut baga, om baga samba leppet baga.

1Tim. 6:3

Ke ai kasei pa sigelaiake nganturat bagei samba ta siripot tiboiet simaeru sibara kai Tuhanta Jesus Kristus, samba ta siripot nganturat sipasesese ka aratta,

1Tim. 6:6

Kirenangan puaarat abeu uktuknia, ke ipaalei nia sanang paatuat.

Ibr. 13:5

Bui numaalau kam baga ka bulagat; kipa teret sibabara iangan te nupusasanangi kam. Aikuangan poi Taikamanua, “Bulat ta kuooreake ekeu samba bulat ta kukakaddiuake ekeu.”

Jak. 1:24

Lepa aiitco tubunia, tui nia, kalipoginangan leu kipa pagalaiat tubunia.

Jak. 3:13

Kasei ka talagamui simasiku paatuat samba simaagai? Kau le ipatoila ka puririmanuania simaeru sangamberi sigalainia ka bagat sikut paatuat sibara ka leppet baga.

1Ptr. 1:15

Tapoi kele Taikamanua sipasisosogai kam sipunenan le nia, kam leu kau ibailiu kam sipunenan ka bagat sangamberi puparaboananmui,

1Ptr. 2:12

Kau imaeru paraboatmui ka talagada sipuarat sabulungan, bule kenanen ratiboi kam rakua kam sirimanua sikatai, tapoi kalulut raitco sigalaimui simaeru, umunakerangan Taikamanua ka gogoi kaoijanannia.

2Ptr. 1:3

Kalulut geget putaikamanuaatnia aipanguruatnakean ka sita sangamberinia sikau sita murimanua simatopit kalulut pasiaagaita nia, sipasisosogai sita ka pulatsanan samba erut bagania.

2Ptr. 1:6

tuppai puaagai surut tubu, tuppai surut tubu om baga, tuppai om baga topit,

2Ptr. 3:10

Gogoi Tuhan geti kele sipananangkou le ioi. Ka gogoi nenda ukku manua ituapuru, samba sangamberi sibabara ka polak ragget iraggetnake nia api, polak nene samba sangamberi sibabara ka bagania pipi.

2Ptr. 3:12

ka bagat ai kam masingengena samba masiola kaoijanan gogoi Taikamanua. Ka gogoi nenda manua sappuru ilabo nia api samba sangamberi sibabara ka bagat polak anau kalulut juluunia.