2Ptr. 2:7 - BUKO SIPUNENAN

⁷ tapoi aibelaake le si Lot sirimanua simaroipo, sipasioorik gejat baga kalulut paraboatda sitaiagai surukat, situtnake pubotbonanda le;

2Ptr. 2:7 Iomraidhean Croise

1Mos. 13:13

Sipulaggai ka laggai Sodom bulat makatai samba majo kai Tuhan.

1Mos. 19:16

Ipaingo le si Lot. Tapoi si Tuhan manuntu le bagania katubunia, lulut nenda karua tairaumania rasipalulu si Lot samba sinanalepnia pasamba karua tatogania ka ujat laggai.

1Mos. 19:22

Olake, pabalau! Aipoi ta'momoi kugalai apa pa' ke tapei asege ekeu sedda.” Kalulut si Lot masikua laggai nenda sigoiso, iageti laggai nenda tuoniake Zoar.

1Mos. 19:29

Kise te, kateteret aipakatai sangamberi laggai nenda ka peleu leleu kudduat Lot, irepdep le Taikamanua kai Abraham samba masiropmake itutui si Lot.

1Mos. 19:5

Pusogarangan katubut Lot: “Kaipa sia siooi katubum ka soibo nene? Ambit sia katubumai, bule kugalai kai siobat mbagamai katubutdra.”

PSALMEN 120:5

Paan te kaku, kalulut buita mukuddu aku sibailiu siooiake ka Mesekh, kalulut buita mukuddu le aku katalagat sangamberi sapoura tai Kedar!

Jer. 23:9

Pagalaiat sangamberi nabi. Bubu le patuatku ka kaukdukku, sangamberi tolatku magulu. Putubuatku kele sirimanua siroro' kele taimanteu simigi mulo' anggur, kalulut si Tuhan samba kalulut tiboietNia sipunenan.

1Kor. 10:13

Pasisiboat siorikmui, pasisiboat simareirei le, sitaisaliu ron sirimanua. Katoneman poi Taikamanua, ta ioobaake itusibo kam sisaliu ronmui. Ka teteret tusibo kam iaake enungan kabelaiat, oinangan nuom kam nia.

2Ptr. 2:18

Kalulut ratiboake tiboiet pubuangan tubu samba si ta baga, samba rapakei pubotbonanda sikatai masikau paalakat bagada sirimanua simaruei pei le arabela ka mungkuatda simapepepe.

2Ptr. 2:2

Maigi sia sipasitututnake pubotbonanda sikatai, samba kalulut sia bailiu tupaloloi enungan pubulanan.

2Ptr. 3:17

Tapoi kam geti sasaraina kilibet baga, anuagaian kam sangamberinia nene. Oto pagaba kam, bui rapagirit kam ka bagat kapepeatda sitaiagai surukat, samba tujulut kam ka kudduatmui sipulelelek.

Jud. 1:4

Aipoi taiaagaiet, aian piga pa sirimanua sipugugurui tuguru ka talagamui; sirimanua nenda siburunangan atusuratnakean ka Surat Sipunenan katuuukumda. Sirimanua sikatai le sia, sipabailok katet bagat Taikamanuanta ka pubotbonanda, samba masiputata Uteta sisasara samba Tuhanta, Jesus Kristus.