2Ptr. 2:3 - BUKO SIPUNENAN

³ Samba kalulut alau bagada tai guru sipatataju tiboirangan pumumuan pinabara ka kam masigaba uktukda. Tapoi ukuman ka tubuda amaujungan aimatarek samba kasubuatda taan tupabuburu.

2Ptr. 2:3 Iomraidhean Croise

Job 6:27

Beringan sipululusai nupauktukngake kam enungan purimanuaiatdra, saaleimui sipulelelek nupabokoiji kam bule numakayo kam.

PSALMEN 18:44

Nubelaake le aku ka pagolukat siberikabaga samba masibailiuake aku ute ka sangamberi siberikabaga; siberikabaga taiagaietku ibailiu le paguguletku.

PSALMEN 66:3

Kua ka Taikamanua: “Bulat abeu sangamberi sigalaiat kabeiNu; kalulut gegeM sabeu lukkuk le sangamberi saggakNu katubuM.

PSALMEN 81:15

katetere nenda leuet kalaakekungan saggakda, samba ka sangamberi saggakda Kubeleake kabeiKu;

Jes. 5:19

Kuarangan: “Eddangan igalaiake Taikamanua simaruei galaiakenenNia, bule taitconia; samba eddangan siteuakenen Sipulubunan, Taikamanuan Israel, ioi imalegre, bule taagainia.”

Jes. 56:11

jojo simaereu kokom sitaimaektek. Samba sia te nenda sipasijago, sitaiagai kolou! Raenungi le enunganda saratda, senesenenda masikukru uktuk, taanai sibele tubuna.

Jes. 60:22

Bulat sigoiso ibailiu le geti muntogat sabeu, samba bulat sitaioi tubu ibailiu le geti bangsa sabeu simaron; Aku, Tuhan, masigalaiake geti simaruei ka tetere siteuakenen.

Jer. 6:13

Bulatnia, barania ka sigoiso pat aili ka sabeu katalagatda, sangamberitda masikukru uktuk, tai nabi samba tai imam sangamberitda masigalai patajuat le'.

Jer. 8:10

Kalulut nenda Kukakau le' geti sangamberi sinanalepda ka sirimanua sabagei, sangamberi monenda katubut sipaorei. Bulatnia te' barania ka sigoiso pat aili ka sabau, sangamberitda masikukru uktu; nabi samba imam leu, sangamberitda masigalaiake patajuat.

Jehz. 13:19

Anupasabauan kam pusisipunenanKu katalagatda sapaamianKu kalulut pigangatakep pa jelai samba pigangatippu pa roti, kabagat masimateiake sangamberi sirimanua sitaimateu tumateiake, samba tuobaake rapurimanua sangamberi sirimanua sitaimateu murimanua, kabagat nupaboko kam ka sapaamianKu simatarek masingena pabokoat.

Mik. 3:11

Sautet laggai masiparentaake bule' ibara bulagat kaenungan sitaimaroipo samba tai imam masigalaiake' surukat Tuhan bule ibara upa, samba tai Nabi masitiddou enungan sibara ka Taikamanua, bule ibara bulagatdra. Iageti sangamberidra masipaatu si Tuhan ainia karubeiatdra. Kuadrangan, “Si Tuhan ainia katalagatta; taiorak sita paoreat.”

Hab. 3:3

Ekeu Taikamanua Sipululatcat siooi sibara ka laggai T'eman, Amoi Ekeu baram ka paleleleu Paran. Manua aisaluki pubebeunanNu; polak sut le katuumananNu.

Malk. 1:10

Kuanangan leu minca Tuhan Sipulugege “Maeru peile' kupatpatnake' matatbaliu lalepKu, aipoi siboboi le' nuobek ake kam obengan ka kudduat pasibuluat, ta koba' kam samba ta kusisilo buluakenenmui.

Mat. 23:14

Paan te ka kam siagaisurat samba tai Parise, sipatataju! Aipoi nupataju le kam tailumang nuraurau kam lalepda, panindogat siata nukau kam pasilabbu nia. Oto ukuman simakope besi te nuoorik kam!]

Luk. 18:8

Kukua nia ka matamui: Maruei le isineseatnake sia. Tapoi ke moi geti Togatsirimanua, isesese leu pa tonem baga ka polak nene?”

Luk. 20:20

Ia geti taikorangan nia siagaisurat samba tai imam sabeu. Koiniakerangan sipatataju rapakau tubuda kele simatopit, bule ioi rajoake Jesus ka tiboietnia, ibara lulunia ranganduake nia kai gubernur sibara gege samba sipasiukum.

Luk. 22:47

Ai pei maninibo Jesus, oi sangarurukat sirimanua, ai si Judas, sara ka sipulurua musumbulat ka matada. Tagetnakenangan Jesus isigguk nia.

Joh. 2:16

Kuanangan ka matada sipasisasakiake ngorut, “Ambit kam sangamberinia nene, ba babailiuake kam Uman Ukkuiku lalep pasakiat.”

ROMA 16:18

Aipoi sirimanua kele nene ta Kristus Tuhanta rapuuku, balugura le. Samba kalulut tiboietda simananam samba paalakat baga rapataju sirimanua simalina paatuat.

2Kor. 2:17

Aipoi kai ta makere kele maigi sirimanua sabagei sigaba puuktungan ka tiboiet Taikamanua. Tapoi kalulut sikoiniakenen Taikamanua le kai, oto ka linat paatuat le kutiboake kai nia ka matat Taikamanua ka bagat Kristus.

5Mos. 24:17

Bui' nuraurau kam bakkatda tai toi samba siputata' ina, samba bui' nuala kam bibiletda tai lumang sibailiu kele sara sili.

5Mos. 32:35

Ilulumunake samba iukumake sia si Tuhan, ta'an mauju rabele ramatei, iaailingan le tetere katukataikatdra.

1Tes. 2:5

Aipoi kele siagaimui, beri pei akugalai kai paalakat baga ele ai isiatmai masiala uktuk – Taikamanua le sipasimumuneng –

1Tes. 5:3

Ke rakua bai, “Aban le samba ta anai apa pa,” lepa tulut saksaknangan sia gejat baga, kele sara sinanalep sipususuruket iorik besit pususule, bulat ta te momoi rabela.

1Tim. 3:3

bui simasosot mulo simapuinengen, sitaimaoddoi, simaleppe baga le, simaaban, bui simaereu bulagat,

1Tim. 3:8

Kisedda leu sia sipasirorom ka paamian, buita simalelek tubu, bui simaigi tiboiet, bui simaereu anggur, bui simaalau baga,

1Tim. 6:5

pajoggolat ka sia sitaimaeru paatuat samba si ta anai pubulanan, ka bagada poi masibaraake puuktungan le puaarat.

Tit. 1:11

Sia nene buita tupetpetnake ngungunda, kalulut arapakataian lalep sirimanua gegelaiakera sitaipasese, masigaba uktuk simalolit.

Tit. 1:7

Aipoi sipaneinei paamian, kele sipasikeli lalep Taikamanua, buita si ta kuat tubu, bui simabuak paatuat, bui simagolu, bui simalo simapuinengen, bui simagege, bui simaalau baga,

1Ptr. 2:8

samba “Bailiu bukku tuluiet, samba bukku katusoksongan.” Tusoksok sia sedda kalulut ta mareddet sia ka tiboiet Taikamanua; kisedda te aiteuake Taikamanua ka tubuda.

1Ptr. 5:2

Jago kam sabiribirit Taikamanua sigoilik kam, bui siubbuakenen, ka teu baga le sipasesese ka Taikamanua; samba bui kalulut pasigagaba uktuk, ka oba le.

2Ptr. 1:16

Aipoi ta masitutnake pumumuan pinabarat sirimanua siagai paatuat ka teteret kupaarep kai ka kam gege samba kaoijanan Tuhanta Jesus Kristus, matamai le amasiitco pubeunanannia.

2Ptr. 2:1

Siburu amuottou tai nabi sipatataju ka talagat bangsat Taikamanua. Kisedda leu ka talagamui momoi te tai guru sipatataju, siguruake nganturat pasipepe sibaraake kalimaiat, samba Tuhan sipanebui sia raputata; kisedda te imaola rabaraake ka tubuda pulangokat.

2Ptr. 2:9

Oto iagai si Tuhan masibelaake sia simatopit ka pasisiboat samba iagai masikoiriake sia sirimanua sikatai iukumake sia ka gogoi pasiukuman,

Jud. 1:11

Paan te ka sia, aratutnake poi enungan Kain samba kalulut bulagat, ratutnake pupepeat Bileam, samba masubu sia kalulut pukelakat paatuat kele si Kora.

Jud. 1:15

masiukum sangamberi sirimanua samba masiorakngake ukuman ka sangamberi sirimanua sikatai kalulut sangamberi katai sigalaira samba kalulut sangamberi tiboiet paloloiat siniboira sirimanua sijo sikatai ka tubut Tuhan.”

Jud. 1:16

Sarat mungungu le sia samba muhoihoi pagalaiat tubuda; ngungunda masitiboake si ta paraboat samba raumunake sirimanua bule ibara uktukda.

Jud. 1:4

Aipoi taiaagaiet, aian piga pa sirimanua sipugugurui tuguru ka talagamui; sirimanua nenda siburunangan atusuratnakean ka Surat Sipunenan katuuukumda. Sirimanua sikatai le sia, sipabailok katet bagat Taikamanuanta ka pubotbonanda, samba masiputata Uteta sisasara samba Tuhanta, Jesus Kristus.

Jud. 1:7

kele Sodom samba Gomora samba laggai ka bebenia, sigalaiake kele sigalaira samalaika masigalaiake puumunan samba masitut pubotbonan tubu sikatai, araorikngan paoreat api sitaipepee sibailiu repdemen ka sangamberi sirimanua.