2Ptr. 2:21 - BUKO SIPUNENAN

²¹ Aipoi makaeru pei le ka sia kirenangan ta raagai enungan puroipoat bele pei raagai nia, tapoi lepa kaddiuakerangan surukat sipunenan sinegeakenen ka tubuda.

2Ptr. 2:21 Iomraidhean Croise

PSALMEN 125:5

tapoi sangamberi sirimanua situsosoip ka enungan simakoilut, bule si Tuhan le masiukun sia pasamba sangamberi sirimanua sigalaiake sikatai. Aban ka tai Israel!

PSALMEN 85:8

Pakoinong ka kai katet bagam, ale Tuhan, samba ake kakai paroman sibara Kekeu!

Pangt. 12:28

Ka enungan simaeru ai purimanuaiat, tapoi ka enungan sikatai iate sisege ka kamateiat.

Pangt. 16:31

Sirimanua simatopit tupanguruani le nia puririmanua simaburu, ubatnia kele pulatcanan yang simalainge.

Jehz. 18:24

Ke ikaddiuake putopinannia sirimanua simatopit samba igalaiake patajuat kele sangamberi kasitsitakikenen sigalaiakenenda sirimanua sikatai, muririmanua pa nia? Sangamberi pubulanan sigalaiakennia taan turerepdep. Buita mateinia kalulut aisili topitnia kabagat jo sigalaiakenennia.

Jehz. 23:13

Akuitco ilolitake tubunia; paraboatda ruatda makere le.

Jehz. 3:20

Ke sara sirimanua simatopit ikaddiuake putotopitnia samba galainangan patajuat, samba galakkungan bukku pasisoksok kamatania, matei le nia. Kalulut ta anuparepdepnia, matei le nia kabagat jonia samba sangamberi sigalainiakenennia simaeru taan turerepdep, tapoi kutitiddou te silit engania katubum.

Jehz. 33:13

Ke manibo Aku ka sirimanua simatopit: Bulat muririmanua te ekeu! tapoi ikaroake le pubulanannia samba igalaiake le patajuat, sangamberi pubulanan sigalainia ta tuaddeake, samba buita mateinia kabagat patajuatnia sigalaiakenennia.

Zep. 1:6

Kusubuake le sia sitaiooi katubukku ele masitiddou pasopoatKu samba sikaddiuake Aku samba taan araoba masitut Aku.”

Mat. 21:32

Amoian poi ka kam si Johannes masipangantoman kam enungan puroipoat, tapoi ta anukatonemi kam nia. Sipuuku cukai samba sipaeelet le amasikatonemi nia. Kam geti, kenanen anuitcoan kam, ta aiolei paatuatmui, bule nukatonemi kam nia.”

Luk. 12:47

Pagugulet siagai siobat bagat tuannia, tapoi ta anai ipatarek samba ta igalai siobat bagat tuannia, oriknangan maigi bobobo.

Joh. 15:22

Ke bai ta moi aku, samba ke ta bai kutiboi ka matada ta anai joda. Tapoi kineneiget ta iagai rapakele joda.

Joh. 9:41

Kuanangan ka matada Jesus, “Simapeset bai kam, ta majo kam. Tapoi anukua poi kam, ‘Maitco matamai,’ oto kuddu le ka tubumui jomui.”

ROMA 7:12

Oto sipunenan le Surukat, parenta leu sipunenan, maroipo samba maeru.

Gal. 6:2

Parom kam masibairat bairanenmui, kisedda le poi nusutnake kam surukat Kristus.

1Tes. 4:2

Aipoi anuagaian kam aturan apa siakemai ka kam ka onin Tuhan Jesus.

1Tim. 6:14

Reddet patonekat nene, sipulelelek samba si ta loloiet, teret ka teteret ipatoila tubunia Tuhanta Jesus Kristus,

Ibr. 10:26

Aipoi ke tapali bai mugalai jo, lepat atasilo puaagai pubulanan, taan te anai minca buluakenen pasiposat jo.

Jak. 4:17

Oto siagai masigalai simaeru, tapoi ta igagalaiake, bailiu jo le ka tubunia.

2Ptr. 3:2

kutubbui kam nurepdep kam tiboietda tai nabi sipunenan siburu samba masiparepdep patonekat Tuhan Sipaarau, sinegeakenenda tai apostelmui ka kam.

Jud. 1:3

Sasarainangku kilibet baga, bulat akubesiakean masigalai surat ka kam pagalaiat puaragatta sangamberita, itutubbui le aku kusuratnake surat nene ka kam masinganturu kam, bule imariuriu nupaukeleake kam masijago tonem baga sinegeakenen ka sia sipunenan.