2Ptr. 2:19 - BUKO SIPUNENAN

¹⁹ Rakau palelengan puujaat ka sirimanua, beringan tubuda ai le ka bagat pupagugulenan pulangokat, aipoi kasei sikalaakenen, pagugulet sipasikakalaake nia le nia.

2Ptr. 2:19 Iomraidhean Croise

Jes. 28:1

Matei le kirit simalainge bakkatda sioba mulo simapuinengen tai Efraim, samba sangamberi pulaingeanda simalainge nenda kele ogo sitadda malaju sikuddu ka pata ka uddut susu simagabru sun le sirimanua simapuineng kalulut anggur.

Jer. 23:9

Pagalaiat sangamberi nabi. Bubu le patuatku ka kaukdukku, sangamberi tolatku magulu. Putubuatku kele sirimanua siroro' kele taimanteu simigi mulo' anggur, kalulut si Tuhan samba kalulut tiboietNia sipunenan.

3Mos. 13:8

Ke siripot siitcot imam malilio le simaguigui nenda ka kulit, buita ipoiliat si imam katusitsitnan sirimanua; nenda iate besik bokbong simasappo.

Joh. 8:34

Kuanangan ka matada Jesus, “Kukua nia ka matamui, senen sigalai jo, pagugulet jo le nia.

Pugap. 19:16

Burutinangan sia sirimanua pinasaileu sanitu nenda, labanangan sia sangamberida, pat taiomrangan nia, tuituirangan leu ka lalep nenda simabulutut samba sibara mauju.

Gal. 5:1

Bule tapuuja sipulelelek, ujaakenangan sita Kristus. Oto kau imaron nupurio kam, buian nuoba kam minca ibailiu kam pagugulet.

Gal. 5:13

Aipoi ka kam sasaraina, bule nupuuja kam le aitusogai kam. Tapoi bui nupakei kam puujaat nenda masiputului tubu mugalai siobat akkula, tapoi parom le kam pasasambamui ka bagat nuntut baga.

2Tim. 2:26

bule raseseake nia rabela ka seseret Sanitu siappara sia masitutnake nia.

Tit. 3:3

Aipoi sita leu siburu sitaiagai paatuat le, sitaimareddet, simapepepe, bailiu pagugulet ka sene ngamata pubotbonan samba siobat tubu, murimanua ka bagat pukataikat samba sisit baga, kasitsitnakenen, palaga baga pasasamba.

1Ptr. 2:16

Kau siripot sirimanua sipuuja nupurimanua kam; tapoi bui nupakei kam puujaatmui masitabbo katai, kau le kele pagugulet Taikamanua.

2Ptr. 1:4

Ka enungan nenda te aipanguruatnake ka sita palelengan simakeppu saki samba simakope beunan, bule kalulut nia bela kam ka pubotbonan sikatai ka polak nene, bailiu kam mueneu ka putaikamanuaat.

2Ptr. 2:20

Aipoi ke arakatsiliakean tubuda ka pulolinan polak nene kalulut pasiaagaira si Tuhan samba Sipaarau sita Jesus Kristus, tapoi lepa junung sia minca ka bagania, bailiu makope katai kalepakatnia ka sia, bele pei ka panandaatnia.