2Ptr. 2:14 - BUKO SIPUNENAN

¹⁴ Matada sun paelenan samba ta sesege bagada mujo. Ragalai paalakat baga ka simagulai paatuat. Paatuatda araubuian mualau baga. Sirimanua teleiet le sia!

2Ptr. 2:14 Iomraidhean Croise

Job 31:7

Ke tusoip bakkouku ka enungan, samba patuatku masitutnake siitcot matakku, samba katai tuettet ka kabeiku,

Job 31:9

Ke ioba bagakku katubut sara sinanalep, samba pasilabakungan ka matatbaliura saaleiku.

Pangt. 5:6

Ta ienungi enungan purimanuaiat, mapepenangan ka neungan taiagaietnia.

Pangt. 6:25

Bui iala bagam laingen tubunia, bui iala bagam arepetnia.

Jes. 1:16

Bui' kam, samba linaake kam tubumui, areuake kam sangamberi sigalaimui sikatai ka matakKu. Ariake kam masigalai sikatai,

Jes. 34:5

Aipoi lanjauKu ka manua amugegengan, itco, lanjau tugorosot masiukum tai Edom samba, bangsa sikokoiakenenKu subuakenen.

Jes. 65:20

Taan babara minca sedda toga sigoiso simatete' gogoi puririmanua samba saukkui sitaiaili rurania teret baja', kalulut kasei sipururura sangotu, tuaddeake le sibau tubu, samba kasei sitaiaili rurania sangotu, tuaddeake siorak pateleijat.

Jer. 13:23

Moi leu pa' rasili kulitda tai Etiopia, ele harimau simagurik isili guriknia? Kipangan pa' momoi nugalaikam simaeru, ale sangamberi sirimanua simaubui tubu mugalai sikatai?

Jehz. 13:18

Kua: Kise te tiboiet Tuhan Taikamanua: Paan te ka tai kerei tainanalep, siappraake pasiappra jimat ka sangamberi puletcuet kabei samba sipakei tabbot ute ka utet sangamberi sirimanua, simabaja samba sibau tubu, sipasilaba ketcat sirimanua. Taleu nulalaba le kam ketcat sirimanua addeakenen paamianKu samba tuobaake rapurimanua sangamberi sirimanua sabagei sibailiu puuktunganmui?

Mat. 12:34

Kam saulou, kipa te iooi nutiboi kam simaeru, sikatai le kam? Aipoi sitububura ka paatuat ia te ititiboake ngungu.

Mat. 23:14

Paan te ka kam siagaisurat samba tai Parise, sipatataju! Aipoi nupataju le kam tailumang nuraurau kam lalepda, panindogat siata nukau kam pasilabbu nia. Oto ukuman simakope besi te nuoorik kam!]

Mat. 25:41

Lepa kuanangan ka matada isit kai katsiunia, ‘Katuitui kam ka mataku, kam situtetelei ka api sitaitatata sinarekngakenen ka Sanitu samba samalaikania.

Mat. 5:28

Tapoi aku masikua ka matamui: Senen sirituake tainanalep, matutunangan bagania ka tubunia, aieletnan nia ka paatuatnia.

Mrk. 13:22

Muoottou poi sipukristus tubuna samba sipunabi tubuna. Galairangan kerek samba kiseiet, pat moi bai nia samba sia sipili leu rapepepeake.

Joh. 5:44

Kipa te iooi imatonem bagamui, umun sibara ka pasasambamui le nugagaba kam, ta umun sibara ka Taikamanua sisasara nugagaba kam?

ROMA 16:18

Aipoi sirimanua kele nene ta Kristus Tuhanta rapuuku, balugura le. Samba kalulut tiboietda simananam samba paalakat baga rapataju sirimanua simalina paatuat.

1Kor. 11:19

Aipoi ta momoi ta ibara pabaggeiat ka talagamui, bule imatoila kasei ka talagamui bulat Kristen sipulelelek.

EPESUS 2:3

Beri sita leu siburu sangamberita makere kele sia ai pei le sita mupaparaboat ka bagat botbot akkula samba paatuat sikatai. Pugolukiet le sita siripokatnia, makere kele sia sabagei.

EPESUS 4:14

bule taan kele tatoga sita, pinauttai samba pinaambit sene ngamata rusat nganturat, patajuat sirimanua, ka bagat pajoatda masipapepe.

Kol. 2:18

Bui nuobaake kam rapakatai kamananganmui sia sipaepe tubuna samba sipanindogi samalaika, situturi sarat ka siitcora samba siumunake tubu si ta lulu sibara ka pupaatuanan akkulara,

Jak. 1:8

aipoi simarua paatuat ta maririuriu puririmanuania.

2Ptr. 2:18

Kalulut ratiboake tiboiet pubuangan tubu samba si ta baga, samba rapakei pubotbonanda sikatai masikau paalakat bagada sirimanua simaruei pei le arabela ka mungkuatda simapepepe.

2Ptr. 2:3

Samba kalulut alau bagada tai guru sipatataju tiboirangan pumumuan pinabara ka kam masigaba uktukda. Tapoi ukuman ka tubuda amaujungan aimatarek samba kasubuatda taan tupabuburu.

2Ptr. 3:16

Ka sangamberi suratnia sarat itiboi pagalaiat sangamberi nene. Kirenangan ka bagat suratnia ai simabesi tuagai, bailiu sitaiagai nia samba sitaimaron tonem baga, rapabailok le, kele sigalaiakenenda ka surat bagei, bailiu kalangokatda ka sia.

1Joh. 2:16

Aipoi sangamberi sibabara ka polak, ia te puoobat akkula, puoobat mata samba puoobat katuumun, ta te sibara ka Ukkui, sibara ka polak le.

Jud. 1:11

Paan te ka sia, aratutnake poi enungan Kain samba kalulut bulagat, ratutnake pupepeat Bileam, samba masubu sia kalulut pukelakat paatuat kele si Kora.

Pamoil. 12:9

Oto turibbaiake le naga sabeu nenda si ulou siburu, oniakenen Sanitu ele Setan, sipepeake sangalio polak; turibbaiake nia ka polak sambada samalaikania.