2Ptr. 1:2 - BUKO SIPUNENAN

² Kiliu baga samba aban simabura ka kam kalulut pasiaagai Taikamanua samba Jesus Tuhanta.

2Ptr. 1:2 Iomraidhean Croise

Jes. 53:11

Lepat pangoringan tubunia itconangan geti pato samba bailiu masegenangan bagania; samba paguguletKu nenda, sibailiu sirimanua simatopit, sineseatakenangan sirimanua simigi kalulut sikut patuatnia, samba pukakaira bairatnangannia.

Dan. 4:1

Nene te pangasegekat Rimata Nebukadnezar sikaunia ka sirimanua sibara senen laggai, suku samba nganga ka sangalio polak, “Bule ituppai ririu puririmanuamui!

Dan. 6:25

Iageti kaunangan parenta rimata bule tulaba sirimanua sipasisusuksuk si Daniel nenda samba turibaiake sia kabagat ngaliu sambatda tatoga samba tainanalepda. Ta'pei asege sia ka saisai ngaliu nenda, aitarakkupman sia sangamberi singa samba pabuburangan leu tolatda.

Luk. 10:22

Sangamberinia aisegeakean Ukkuiku ka tubuku. Samba ta anai sipasiaagai Toga, sarat Ukkui le; ia leu et ta anai sipasiaagai Ukkui, sarat Toga le samba sia siobat Toga masipoiliat Ukkui ka matada.”

Joh. 17:3

Nene le purimanuaiat sitaitatata: bule raagai ekeu saram le bulat Taikamanua, samba masiagai Jesus Kristus sikoiniakenennu.

ROMA 1:7

Kukoiniake surat nene ka kam sangamberimui sikuddu ka Roma, kilibet bagat Taikamanua, sinogai bailiu sipunenan: Kiliu baga ka kam samba aban sibara ka Taikamanua Ukkuita samba sibara kai Tuhan Jesus Kristus masipaalei kam.

2Kor. 4:6

Taikamanua poi sipasikukua, “Kau iputoro pato ka bagat gepgep!”, nia leu masitoroake patonia ka paatuatta, bule imapato paatuatta masiagai pagalaiat pulatsanan Taikamanua siputotoro ka matat Kristus.

Plp. 3:8

Purugiatnan le kuaddeake sangamberinia, kalulut pasiaagai Kristus Jesus Tuhanku pei le malainge ka sangamberinia. Kalulut nia poi galakngakekungan sangamberinia nenda samba kuaddeake nia pora, bule kupuuktungi Kristus,

1Ptr. 1:2

ia te sipili siripot isiat Taikamanua, Ukkuita, samba silinaakenen Ketsat Sipunenan, bule masireddet Jesus Kristus, samba tusosoki sia logaunia. Bule memei masusun ka tubumui kiliu baga samba aban.

2Ptr. 1:3

Kalulut geget putaikamanuaatnia aipanguruatnakean ka sita sangamberinia sikau sita murimanua simatopit kalulut pasiaagaita nia, sipasisosogai sita ka pulatsanan samba erut bagania.

2Ptr. 1:5

Kalulut nene, besiake kam nutuppaiake kam ka tonem bagamui pueeru, tuppai pueeru puaagai,

2Ptr. 1:8

Aipoi ai bai sangamberinia nene ka kam sipububura, bailiu kam mangamang samba mubua ka bagat pasiaagaimui Tuhanta Jesus Kristus.

2Ptr. 2:20

Aipoi ke arakatsiliakean tubuda ka pulolinan polak nene kalulut pasiaagaira si Tuhan samba Sipaarau sita Jesus Kristus, tapoi lepa junung sia minca ka bagania, bailiu makope katai kalepakatnia ka sia, bele pei ka panandaatnia.

2Ptr. 3:18

Kau le nupuurau kam ka bagat kiliu baga samba ka bagat pasiaagai Tuhan samba Sipaarau sita, Jesus Kristus. Ka tubunia le pulatsanan, kineneiget samba teret buruburu.

Jud. 1:2

Bule imasun ka kam katet baga, aban samba nuntut baga.

Pamoil. 1:4

Sibara kai Johannes, masiailiake sipitu paamian ka Asia. Kiliu baga samba aban sibara ka Taikamanua, sipuririmanua, siturerere puririmanua samba siooi geti, samba sibara ka sipitu ketsat sikuddu ka matat uddenan purimataatnia,