2Ptr. 1:16 - BUKO SIPUNENAN

¹⁶ Aipoi ta masitutnake pumumuan pinabarat sirimanua siagai paatuat ka teteret kupaarep kai ka kam gege samba kaoijanan Tuhanta Jesus Kristus, matamai le amasiitco pubeunanannia.

2Ptr. 1:16 Iomraidhean Croise

Malk. 3:2

Tapoi kasei momoi masiomake ka gogoi kaoijanan Tuhan samba ipatoila tubuNia? Aipoi makere le nia obengan siagai masipalina logam, samba kele sabun siagai manamtap bibilet.

Malk. 4:5

Tapoi kepei bara gogoi simaron samba kaloto'akenen iaili siteuakenenku nenda, Kukokoiniake te ka tubumui Nabi Elia.

Mat. 16:27

Momoi le poi Togatsirimanua ka pulatsanan Ukkuinia sambada samalaikania. Sedda siliakenangan ka senen sirimanua siripot sigalaira.

Mat. 16:28

Kukua nia ka matamui: Ai piga pa ka talagamui se, tapei mamatei sia, araitcoan ioi Togatsirimanua ka puririmatania.”

Mat. 17:1

Pasat enem ngagogoi ambitnangan Jesus si Petrus, si Jakobus samba sarainania si Johannes manatara ka leleu simabuak sarada.

Mat. 24:27

Kele bila le poi sipukikinam barania ka kabelaiat sulu teret ka kabelekat sulu, kisedda te kaoijanan Togatsirimanua.

Mat. 24:3

Aimukukuddu Jesus ka leleu Tula, oi sipasiuluinia sarada masikua ka matania, “Kua pei ka matamai, pigamoi ibabara nene samba aponia katuaggaiat kaoijanannu samba kalepakat polak nene?”

Mat. 28:18

Ia geti rengei Jesus kuanangan ka matada, “Atuakean kaku sangamberi gege ka sorga samba ka polak.

Mrk. 13:26

Lepa itcorangan Togatsirimanua sirimanua ioi ka tanairusa ka gege sabeu samba pulatsanan.

Mrk. 14:62

Aleginangan nia Jesus, “Aku te nia, samba itcomuian te geti Togatsirimanua muuddet isit kai kattoet Taikamanua Sipulugege ioi ka tanairusa ka manua.”

Luk. 1:2

Rasuratnake siripot sinegeakenenda ka matata sipasiitco ka panandaatnia samba sipaarep katuaremannia.

Joh. 1:14

Aibailiuan sirimanua Tiboiet, amukuddungan nia ka talagata, ataitcoan latsatnia, ia te latsat Togat Ukkui sisasara, sisun katet baga samba pubulanan.

Joh. 17:2

Anukauan poi gege ka tubunia ka sangamberi tubu, bule ikau purimanuaiat sitaitatata ka sangamberi sirimanua sisegeakenennu ka tubunia.

ROMA 1:4

samba siripot putaikamanuaat sipunenan Togat Taikamanua le nia sipulugege, simakokoinong ka katususurunia ka simamatei.

1Kor. 1:17

Aipoi ta masirau aikoiniake aku Kristus, masipaarep Katuareman Simaeru le; beri nenda ta ka agai mutitiboat, bui ipusiboboi siliktengan Kristus.

1Kor. 1:23

kai geti Kristus siniliktengaakenen le kupaarep kai; sibailiu kabelekat baga ka tai Jahudi samba ka sabangsa bagei putaiagaiat paatuat.

1Kor. 1:7

Taan te anai simagulai ka kam panguruat apa pa ka pangenaatmui katutoilakat Tuhanta Jesus Kristus.

1Kor. 2:1

Kaku leu ka teteret akuoi ka kam sasaraina, ta ka tiboiet paalakat baga ele sikut paatuat akuoi masisegeake pasimunengan pagalaiat Taikamanua ka kam.

1Kor. 2:4

Tiboietku samba ngantomanku leu ta ka sikut paatuat paalakat baga kusegeake nia, tapoi masikatonemi ron Ketsat le,

1Kor. 5:4

Ke paruru sita ka bagat ketsat, kam samba aku, ka geget Jesus Tuhanta,

2Kor. 2:17

Aipoi kai ta makere kele maigi sirimanua sabagei sigaba puuktungan ka tiboiet Taikamanua. Tapoi kalulut sikoiniakenen Taikamanua le kai, oto ka linat paatuat le kutiboake kai nia ka matat Taikamanua ka bagat Kristus.

2Kor. 4:2

Tapoi kutataake le kai galajet simalipput sibaraake katuailaat; ta kugalai kai patajuat samba ta kupabailok kai tiboiet Taikamanua, pubulanan le kupatoila kai, samba ka bagat nene kusegeake kai tubumai ratimbang kai sirimanua ka matat Taikamanua.

EPESUS 4:14

bule taan kele tatoga sita, pinauttai samba pinaambit sene ngamata rusat nganturat, patajuat sirimanua, ka bagat pajoatda masipapepe.

Plp. 3:21

sipasisisili tubuta sikatai nene imakere ka tubunia simalatsat, siripot gegenia siooi masisumake sangamberinia ka tubunia.

1Tes. 2:19

Aipoi kasei poi karonan bagamai, ele puangkakat bagamai ele kirit katuumunanmai ka matat Tuhanta Jesus, ka kaoijanannia, ke ta kam?

2Tes. 2:9

Kaoijanan Sirimanua Sikatai nenda ia te galajet Sanitu, samba sialei sene ngamata kerek, toggaiat samba kiseiet pabokoat,

1Tim. 1:4

ele masipaatu pumumuan samba surat paninikat si ta anai kalepakat, sibaraake pajoggolat, ta aturan masipasikeli puaragat siaket Taikamanua ka bagat tonem baga.

1Tim. 4:7

Katsiliake pumumuan si ta galai, ta anai kauta nia. Ubui tubum musuru ka Taikamanua.

Tit. 1:14

samba buian rapuletsei pumumuanda tai Jahudi samba patonekat sirimanua sikaddiuake pubulanan.

2Ptr. 2:3

Samba kalulut alau bagada tai guru sipatataju tiboirangan pumumuan pinabara ka kam masigaba uktukda. Tapoi ukuman ka tubuda amaujungan aimatarek samba kasubuatda taan tupabuburu.

1Joh. 4:14

Akuitcoan kai samba kumunengake kai kokoiniakena Ukkui Togania bailiu Sipaarau taikapolak.

Jud. 1:14

Pagalaiat sia nene leu aisibalaakean si Henokh, reddenan sikapitunia barania kai Adam, aikua, “Momoi te si Tuhan sambada sipuriribu malaikania sipunenan,

Pamoil. 1:7

Itco kam, ioi ka bagat tanairusa! Sangamberi mata masiitco nia, samba sia leu sipasipupunu nia; samba sangamberi bangsa ka polak nene mugeri masiitco nia. Oo, bulatnia! Amen.