2Ptr. 1:13 - BUKO SIPUNENAN

¹³ Bulat mateu le ka paatuatku kuparepdep kam pagalaiat sangamberinia nene, burut ai pei le aku muririmanua ka bagat tubu nene.

2Ptr. 1:13 Iomraidhean Croise

Jes. 38:12

Sapou kudduatKu turagat samba tuotcaake kele sapou sipasijago tarimeu Nupurut purimanuaiatku kele siputre nutakkiakenia kele banang ka apparatnia sinago samba sinoibo nuobaake aku kele kase.

Hag. 1:14

Kise te si Tuhan masitubbui paatuat Gubernur Zerubabel, Imam Sabeu Josua samba leu samba sangamberi sirimanua sitotoili ka kudduat katuribbaiatdra, bule sangamberidra masigalai Uman Tuhan Sipulugege, Taikamanuandra.

2Kor. 5:8

Tapoi ron le paatuatmai, samba koba pei le kai bela ka tubu nene mei mukuddu kai Tuhan.

Plp. 1:7

Mateuan kupupaatuat kisedda ka tubumui sangamberimui, aipoi ai le kam ka bagat paatuatku, kalulut kam sangamberimui amurubeiatnan kam ka bagat kiliu baga sipanguruatnakenen kaku, ka teteret ai aku ka bagat penjara ele ka teteret pasialegiat samba masironake Katuareman Simaeru.

Plp. 3:10

Kiddiet bagaku ia te masiagai nia samba geget katusuruatnia samba musara ka pangoringannia, bailiu makere aku ka bagat kamateiatnia,

2Tim. 1:6

Ia te lulunia kuparepdep ekeu bule nujuluuake panguruat siaket Taikamanua kekeu ka pasitotonem kabeiku ka tubum.

Ibr. 13:3

Repdep kam sia sipenjaraakenen, addeake kam tubumui kele sambamui tupenjaraake. Samba repdep kam sia pinaorei, aipoi beri kam leu ai pei le kam muririmanua ka polak.

2Ptr. 1:12

Ia te lulunia sarat kuparepdep kam pagalaiat sangamberinia nene, kenanen anuagaian kam samba amaronan kam ka bagat pubulanan sinilomui.

2Ptr. 1:14

Kuagai poi taan mauju kukaddiuake polak nene, kele sipoiliat Tuhanta Jesus Kristus ka mataku.

2Ptr. 3:1

Sasaraina kilibet bagaku, surat nene ia te surat sikaruania sinuratnakenenku ka kam. Ka bagat ruania surat nene kubesiake masisuruake paatuatmui simalina,