1Tim. 6:3 - BUKO SIPUNENAN

³ Ke ai kasei pa sigelaiake nganturat bagei samba ta siripot tiboiet simaeru sibara kai Tuhanta Jesus Kristus, samba ta siripot nganturat sipasesese ka aratta,

1Tim. 6:3 Iomraidhean Croise

Pangt. 15:4

Titiboat simaeru iate situppau ron patuat, tapoi titiboat patajuat iate sibesiki patuat.

Mat. 22:21

Kuarangan, “Kai Kaisar.” Lepa kuanangan ka matada Jesus, “Oto kau kam kai Kaisar bakkat Kaisar, ka Taikamanua bakkat Taikamanua.”

Mat. 28:20

Pangantoman kam sia masireddet sangamberi sitoneakenenku ka matamui. Repdep kam, ai le kupaalei kam senen gogoi teret kalepakat polak.”

ROMA 16:17

Tapoi kutiddou simakope ka kam sasaraina, bule nupasikeli kam tubumui ka tubuda sibaraake pasaraat samba kabelekat baga sipasasaggak ka nganturat sigelaimui. Kau nuareuake kam tubumui ka tubuda!

1Tes. 4:8

Oto kasei sitataake nene, ta sirimanua aitataake, Taikamanua le aitataake, sipasiaake leu Ketsatnia sipunenan ka kam.

1Tim. 1:10

sipuuumun, samba sipujojo pasasambada simanteu, silaba sirimanua, sipaboboko, sipasimumuneng boko samba apa pa bagei sisaggangi nganturat simalina,

1Tim. 1:3

Kei mei aku ka Makedonia, akutubbuian ekeu bule nukuddu ka Epesus, nupanganturu piga pa sia nenda, bui ragelaiake apa pa bagei,

1Tim. 1:6

Tapoi ai sabagei sitaisesege ka ailiakenen nenda, mapeperangan ka titiboat si ta galai.

2Tim. 1:13

Ukkaake nganturat simaeru uluietnu siarepnu sibara kaku samba galaiake ka bagat tonem baga samba nuntut baga ka bagat Kristus Jesus.

2Tim. 4:3

Babara poi teterenia taan raoba sirimanua masisilo nganturat simaeru, tapoi raruruake le saguru siobat bagada masigelaiake sia siobat talinganda.

Tit. 1:1

Sibara kai Paulus, pagugulet Taikamanua samba apostel Jesus Kristus masipasikeli tonem bagada sirimanua sipilit Taikamanua samba puaagai pubulanan siripot aratta,

Tit. 1:9

samba siometnake tiboiet simaeru siripot sigelaiakenen, bule ioi leu ipanganturu sirimanua mubongen ka nganturat simaeru samba masiase sipasilalawan.

Tit. 3:8

Karonan te tiboiet nene samba kuoba bule nuronake nia, bule sia simatonem baga ka Taikamanua rapasikeli masigalaiake galajet simaeru. Ia te simaeru samba sibailiu uktuk ka sirimanua.