1Tim. 4:10 - BUKO SIPUNENAN

¹⁰ Ia te tamomomoake tubuta samba tapauukele, atakaroningan poi Taikamanua sipuririmanua, Sipaarau sangamberi sirimanua, sara pei simatonem baga.

1Tim. 4:10 Iomraidhean Croise

PSALMEN 107:2

Eddangan rakua nenda sirimanua sitebui Tuhan, sitebuiNia sibara ka geget pangoringan,

PSALMEN 118:8

Maeru peile musakkerat katubut Tuhan bele peile masikatonemi sirimanua.

PSALMEN 36:6

Oi Tuhan, nuntut bagam ka manua, riuriu topitNu pat aili ka tanai rusa.

PSALMEN 37:40

si Tuhan masiropake samba masibelaake sia, Nia masibelaake sia ka kabei sirimanua sikatai samba masibelaake sia, kalulut mukunem sia katubuNia.

PSALMEN 52:8

Iageti itcorangannia sirimanua simatopit samba bailiu tuge'ge, samba gagatirangannia:

PSALMEN 84:12

Kalulut Tuhan Taikamanua iate sulu samba korabbi; katet baga samba pulatsanan iake; ta ikekera simaeru ka sirimanua simaroipo baga.

Jes. 12:2

Bulatnia, Taikamanua nenda puaragatku, matonem bagaku taan maloloto aku. Aipoi Tuhan Taikamanua nenda ronku samba pasiumunku, aibailiuannia puaragatku.”

Jes. 50:10

Kasei katalagamui simaloto katubut Tuhan samba siarepi tiboiet paguguletNia? Ke murimanuania kabagat pugepgeman samba taanai pato mutoro katubunia, kauan imatonem bagania ka onin Tuhan samba ipusiddonan katubut Taikamanua!

Jer. 17:7

Tusukatnake le' sirimanua sikaroni si Tuhan, sipukakaronan kai Tuhan!

Dan. 3:28

Lepa kuanangan Rimata Nebukatnezar, “Tuumun le Taikamanua panindogiet Sadrakh, Mesakh samba Abednego! Aikoiniakean poi malaikaNia masibelaake katelu paguguletNia simatonem baga katubuNia. Arapasabauan parenta samba raoba pei le matei kalulut ta roba manindou samba masisuru bulungan bagei ke ta Taikamanuanda.

Nah. 1:7

Maeru le si Tuhan, Ikunemi le paamianNia ka teteret ai sia ka bagat okkip. Ijago le sia sipukunem ka tubuNia.

Mat. 16:16

Aleginangan nia si Simon Petrus, “Kristus le ekeu, Togat Taikamanua sipuririmanua.”

Mat. 27:43

Matonem poi bagania ka Taikamanua kau ibelaake nia Taikamanua ke ioba nia Taikamanua. Aikua poi, ‘Togat Taikamanua le aku.’ ”

Joh. 1:29

Pato, itconangan Jesus si Johannes ioi ka tubunia. Kuanangan, “Itco kam Togat Biribirit Taikamanua sipasibabairat joda taikapolak!

Joh. 4:42

Kuarangan ka matat sinanalep, “Taan kalulut tiboietnu aimatonem bagamai, tubumaian aiarep nia samba akuagaian kai sinene te bulat Sipaarau taikapolak.”

Joh. 5:24

Kukua nia ka matamui: Sipasiaarep tiboietku samba sikatonemi sipasikokoiniake aku, aibakkatingan purimanuaiat sitaitatata, taan tuukum nia; aipoi abelangan nia ka kamateiat mei ka purimanuaiat.

1Kor. 15:10

Tapoi kalulut kiliu bagat Taikamanua, bailiu kele kisean aku kineneiget, samba kikiliuna aku ta siboboi. Bailoknia, saliu pei le pugagalaira sangamberida pugagalaiku; tapoi ta leu aku, kiliu bagat Taikamanua le aipaalei aku.

2Kor. 1:10

Aibelaakean kai ka kamateiat kalotoakenen samba ka sibabara geti ibebelaake leu kai; ka tubunia le kupukaronan kai baga, nia le poi ibebelaake kai,

1Tim. 2:3

Nene poi simaeru, sipasesese ka matat Taikamanua Sipaarau sita,

1Tim. 2:4

sibesiake bule sangamberi sirimanua tuarauake samba masisese puaagai pagalaiat pubulanan.

1Tim. 2:6

sibuluake tubunia panebuira sangamberi sirimanua, ia te munengakenen ka tetere sinetereakenen.

1Tim. 3:15

Oto ke maburu aku, nuagaian kipa murimanua simateu ka lalep Taikamanua, ia te paamian Taikamanua sipuririmanua, arigi samba bongen pubulanan.

1Tim. 6:17

Nganturu sia simakayo ka polak nene, bui ramabuak paatuat, samba bui rapukaronan ka apa pa sitaimariuriu, kele pukayoat, Taikamanua le karoniet, sipasiaake ka sita sangamberinia ta anai gulai puuktungietta.

Ibr. 11:26

Aipoi katuloloiat kalulut Kristus le iaddeake pukayoat sabeu bele pei le sangamberi bibiletda tai Misir; upa ka gogoi sibabara le poi imamattai.

Ibr. 13:13

Oto sita kam tatagetnake nia ka gerat sapou taorik kam nia sambata paloloiat ka tubunia.

1Ptr. 1:21

Kalulut nia te anukatonemi kam Taikamanua sisuruake nia ka simamatei samba sipasilalatsatnake nia, bailiu Taikamanuangan le katonemietmui samba karonietmui.

1Joh. 2:2

Nia te pamerut jota, ta sarat jota, joda sangamberi taikapolak leu et.

1Joh. 4:14

Akuitcoan kai samba kumunengake kai kokoiniakena Ukkui Togania bailiu Sipaarau taikapolak.