1Tim. 4:1 - BUKO SIPUNENAN

¹ Tapoi makolou le ikua nia Ketsat, ka tetere sikateitei, babara sirimanua sikaddiuake tonem bagania, masitut ketsat pasipepe samba nganturatda sanitu,

1Tim. 4:1 Iomraidhean Croise

1Mos. 3:13

Parerenangan Tuhan Taikamanua katubut sinanalep nenda, “Angoi nugalaiake nenda?” Aleginangannia, “Aipajo le aku ulou, bailiu komkungan buat kaju nenda.”

1Rim. 13:18

Iageti nabi simabaja' sibara ka Betel nenda leuet masibokoinia, kalulut aikua, “Aku leuet nabi kele ekeu. Kalulut parentat Tuhan, sara malaika amasikoiniake aku masisogai samba masirauma ekeu ka lalepku.”

Jes. 2:2

Muaaili te ka kalepakat gogoi leleu kudduat uman Tuhan muririo te geti ka tirit paleleuleleu samba musumbulat ka patinambutinambu; senen sirimanua moi le sia geti simakere,

Jer. 23:26

Teret pigamoi pagalaiat nenda ai kapaatuatda tai nabi sipupapatonekat patajuat samba mupatonekat patajuat sinandat paatuatnia sarania,

Jer. 48:47

Tapoi kasara tetere, Kutotoiliake le minca pagalaiat laggai Moab. Aku, Tuhan, amanibongan!” Nenda te igagalai si Tuhan katai Moab.

Jer. 49:39

Tapoi kasara tetere, Elam Kutotoiliake le minca. Aku, Tuhan, amanibongan.

Jehz. 1:3

panibonangan Tuhan katubut imam Jehezkiel, togat Busi, ka laggaira tai Kasdim kabebet oinan Kebar, samba sedda salokinangannia geget Tuhan.

Jehz. 38:16

Tusuru le' Ekeu masisaggangi paamianKu Israel kele tanai rusa sisakkeri sanganberi polak. Ka gogoi sibabara muaili le pagalaiat nenda. Kuambit le' geti ekeu masisaggangi polakKu, bule sangamberi bangsa masiagai Aku, kateteret Akupakoinong pusisipunenanKu katubum ka matatda, ale Gog.

Dan. 10:14

Lepa oi aku masiropmake ekeu nuagai sibabara geti ka laggainu ka kalepakat gogoi, kalulut itcot mata nenda leu pagalaiat gogoi sibabara nenda.”

Hos. 3:5

Tapoi babara te teterenia ratoili minca tai Israel katubut Tuhan Taikamanuandra, samba ka rimatadra sibara ka muntogat David. Malotorangan geti samba masururangan kai Tuhan, samba leu silorangan panukananNia.

Mik. 4:1

Ka gogoi sibabara, tinambu kudduat uman Tuhan, muririo simabuak sisaliu sangamberi leleu samba tinambu. Sangamberi paamian masiailiake sedda.

4Mos. 24:14

Kuanangan si Bileam kai Balak, “Kineneiget kuoba toili ka bangsaku, Tapoi kepei mei, maeru le kupaagaiake kai tuanku pagalaiat aponia ragagalaiake geti bangsa Israel ka tubut bangsa tuanku ka gogoi sikateitei.”

Mat. 18:7

Paan te ka taikapolak kalulut pajoat. Pajoat geti kirenangan babara, tapoi paan te ka sia sibaraake pajoat.

Luk. 17:1

Ia geti kuanangan ka matada sipasiuluinia Jesus, “Ta momoi ta ibara pajoat, tapoi paan te ka sia sibaraake nia.

Joh. 16:13

Tapoi ke amoian geti nia, ia te Ketsat Pubulanan, palulunangan kam ka sangamberi pubulanan, aipoi ta sibara ka tubunia ititiboi kipa siarepnia le ititiboi; samba leu ipoiliat ka matamui sibabara geti.

Pugap. 13:2

Ka teteret ai sia masisuru si Tuhan samba mupuaso, kuanangan Ketsat Sipunenan, “Saraake kam kaku si Barnabas samba si Saulus ka galajet sikokoiakenenku ka sia.”

Pugap. 17:18

Ai leu piga pa simasiku paatuat tai Epikuros samba tai Stoa sipajoggoloake nia, sabagei masikua, “Apa te ititiboi simaigi tiboiet nene?” Sabagei masikua, “Ai pa ititiboi pagalaiat taikamanua bagei.” Aititiboi poi pagalaiat Jesus samba katusuruat simamatei.

Pugap. 20:23

Sarat nene le kuagai, ka senen laggai ipoiliat le Ketsat Sipunenan ka mataku ngengenaakena aku penjara samba paoreat.

Pugap. 21:11

Oi nia ka tubumai, alanangan akkik tengan Paulus, apparanangan rere samba kabeinia kuanangan, “Nene le aikua Ketsat Sipunenan: Kise te rakabe sibakkat akkik tenga nene tai Jahudi ka Jerusalem, lepa segeakerangan nia ka kabeira bangsa bagei.”

Pugap. 28:25

Ka bagat ta anai pusaraat paatuat pasasambada pusaburangan, lepat aitiboi si Paulus sara tiboiet nene: “Bulat sineseat sikuat Ketsat Sipunenan ka ngangan nabi Jesaya ka matada taikebbukatta, sikuania kise:

1Kor. 10:20

Ta nia. Nene le: Sibuluakenenda ka sanitu le arabuluake nia, ta ka Taikamanua. Ta koba nupagalu kam tubumui ka sanitu.

1Kor. 11:19

Aipoi ta momoi ta ibara pabaggeiat ka talagamui, bule imatoila kasei ka talagamui bulat Kristen sipulelelek.

1Kor. 12:11

Tapoi sangamberinia nene Ketsat sisara nenda leu et masigagalaiake nia, iparubei nia ka senen sirimanua, siripot teu bagania.

1Kor. 2:10

Ka sita geti aipatoilaan Taikamanua kalulut Ketsat; aipoi sangamberinia le irirituake Ketsat, beringan simalipput ka tubut Taikamanua.

2Kor. 11:3

Tapoi makarat bagaku, baleu ipakatai pumumuine samba puririuriu paatuatmui ka Kristus, kele si Eba ipataju nia ulou ka sikut paatuatnia sikatai.

5Mos. 32:29

Ke bai masiku patuatdra, raagai kolou geti, samba paatutdrangan kalepakat purimanuaiatdra.

5Mos. 4:30

Ke iorak kam sangamberi pugejaat baga samba ai kam ka bagat puokkiman, iageti toili kam ka tubut Tuhan Taikamanuamui samba mureddet ka tubuNia.

Kol. 2:18

Bui nuobaake kam rapakatai kamananganmui sia sipaepe tubuna samba sipanindogi samalaika, situturi sarat ka siitcora samba siumunake tubu si ta lulu sibara ka pupaatuanan akkulara,

2Tim. 3:13

Tapoi sirimanua sikatai samba sipatataju itutuppai pei le kataira, masipepeake samba mapepe.

2Tim. 4:4

Pisikngakerangan talinganda ka pubulanan, ka pumumuan siburuan le ratongiake talinganda.

Jak. 3:15

Sikut paatuat kele nene, ta sibara ka pata; sibara ka polak le, siobat bagat sirimanua, siobat sanitu.

1Ptr. 1:20

Enan tapei atubaraake polak atupilingan nia, tapoi kalulut kam ia pei ipatoila tubunia ka gogoi kalepakat.

2Ptr. 2:1

Siburu amuottou tai nabi sipatataju ka talagat bangsat Taikamanua. Kisedda leu ka talagamui momoi te tai guru sipatataju, siguruake nganturat pasipepe sibaraake kalimaiat, samba Tuhan sipanebui sia raputata; kisedda te imaola rabaraake ka tubuda pulangokat.

2Ptr. 3:3

Agaietmui siboiki ia te ka gogoi kalepakat momoi te sipagegegei masiake pagegeiatda, ia te sipasitututnake pubotbonanda.

1Joh. 2:18

Ale tatogaku, tetere kineneiget, ia te tetere sikateitei. Samba kele siarepmui, momoi te saggak Kristus; samba kineneiget amaigingan saggak Kristus. Sedda te ituaagai, tetere nene bulat tetere sikateiteian.

1Joh. 4:6

Sita geti sibara ka Taikamanua le; sipasiaagai Taikamanua, iaarepi sita, sitaibara ka Taikamanua geti ia iaarepi sita. Kisedda te ituaagai Ketsat Taikamanua samba ketsat sipasipepe.

Jud. 1:18

Arakuangan poi ka matamui, “Kei bara gogoi kalepakat polak, momoi te sipagegegei sipuririmanua masitutnake pubotbonan pukataikatda.”

Jud. 1:4

Aipoi taiaagaiet, aian piga pa sirimanua sipugugurui tuguru ka talagamui; sirimanua nenda siburunangan atusuratnakean ka Surat Sipunenan katuuukumda. Sirimanua sikatai le sia, sipabailok katet bagat Taikamanuanta ka pubotbonanda, samba masiputata Uteta sisasara samba Tuhanta, Jesus Kristus.

Pamoil. 13:14

Pepeakenangan sikuddu ka polak kalulut kiseiet sikau ka tubunia galaiakenennia ka matat tarimeu siboiki nenda. Kuanangan ka sia sikuddu ka polak ragalai tularat masiabeuake tarimeu sipumamauju siorangan lanjau, tapoi ai pei le muririmanua.

Pamoil. 16:14

Ia te saketsat sanitu sibaraake kiseiet, sieei masitagetnake tai rimata ka sangalio polak, masiruruake sia pasaggak ka gogoi sabeu, ia te gogoi Taikamanua Sipulugege.

Pamoil. 18:2

Ia geti pugereinangan sabeu nganga, kuanangan, “Amabukkatnan, amabukkatnan Babel, kota sabeu, aibailiuan nia kudduatda ketsat sikatai samba kudduat pulippunanda ketsat simalolit samba pulippunan paumauma simalolit samba kasitsitnakenen.

Pamoil. 18:23

Samba torot alito taan mutotoro ka tubum; samba ngangan talimouakenen simanteu samba sinanalep taan tuaarep minca ka tubum; aipoi sangamberi siputotokom siabeu tiboi tubu ka polak le, kalulut kereinu nupepeake sangamberi bangsa.”

Pamoil. 19:20

Ia geti labarangan tarimeu samba nabi sipatataju, sibaraake kiseiet ka matat tarimeu, samba kiseiet nenda ikau masipepeake sirimanua sisilo toggaiat tarimeu samba sipanindogi tularatnia. Ribbaiakerangan sia ruada aimuririmanua ka koat api sipujujuluu pagalu belerang.

Pamoil. 2:11

Kasei sibara talinga, kau iarepi sikuat Ketsat ka matada sapaamian! Simamanang, taan ioorik apa pa ka kamateiat sikaruania.”

Pamoil. 2:17

Kasei sibara talinga, kau iarepi sikuat Ketsat ka matada sapaamian! Ka simamanang kukakau ka sia manna silipputnakenen; samba kupangunguruatnake ka tubunia bukku simabulau, ka bukku nenda tusurat oni sibau, sitaiaagaietda kasei pa, sarat sisilo nia le iagai nia.”

Pamoil. 2:29

Kasei sibara talinga, kau iarepi sikuat Ketsat ka matada sapaamian!”

Pamoil. 2:7

Kasei sibara talinga, kau iarepi sikuat Ketsat ka matada sapaamian! Ka simamanang, kukakau ikom buat loina purimanuaiat sikuddu ka Paradaisot Taikamanua.”

Pamoil. 20:10

samba Sanitu sipepeake sia turibbaiake ka koat api pagalu belerang, ka kudduat tarimeu samba nabi sipatataju; samba tupaorei sia sinago sinoibo teret buruburu.

Pamoil. 20:8

einangan leu masipepeake tai bangsa sikuddu ka epat taiming polak nene, ia te Gog samba Magog; ruruakenangan sia pasaggak, igida kele ngai ka bebet koat.

Pamoil. 3:13

Kasei sibara talinga, kau iarepi sikuat Ketsat ka matada sapaamian!”

Pamoil. 3:22

Kasei sibara talinga, kau iarepi sikuat Ketsat ka matada sapaamian!”

Pamoil. 3:6

Kasei sibara talinga, kau iarepi sikuat Ketsat ka matada sapaamian!”

Pamoil. 9:20

Tapoi sirimanua sipulelegei, sitaimamatei ka paoreat nene, ta leu et rababauake paatuatda ka sigalai kabeira. Ta raariake masipanindogi sanitu samba tularat mas, perak, tembaga, bukku samba loina sitaioi masiitco ele masiarep ele muenung,