1Tim. 3:3 - BUKO SIPUNENAN

³ bui simasosot mulo simapuinengen, sitaimaoddoi, simaleppe baga le, simaaban, bui simaereu bulagat,

1Tim. 3:3 Iomraidhean Croise

Pangt. 1:19

Kisedda te kalepakat purimanuaiatda simaalau baga sibara kapuuktungan sitaimaroipo, sipasiala engan sirimanua ka enungan sikatai.

Pangt. 15:27

Kasei masigaba puuktungan ka enungan sitaimaeru, masipakatai purimanuaiat ka lalepnia le aigalai.

Sip. 7:8

Maeru peile kalepakat sara aponia pa bele peile ka panandaatnia. Maeru peile ombaga bele peile buak patuat.

Jes. 28:1

Matei le kirit simalainge bakkatda sioba mulo simapuinengen tai Efraim, samba sangamberi pulaingeanda simalainge nenda kele ogo sitadda malaju sikuddu ka pata ka uddut susu simagabru sun le sirimanua simapuineng kalulut anggur.

Jes. 28:7

Tapoi sirimanua sikuddu sene leu mapuineng kalulut anggur samba mapuineng kalulut arak. Tai imam samba leu tai nabi mapuineng kalulut arak, taan amakolou kalulut anggur; mapuineng sia kalulut arak, mapuineng kabagat pasiitco pamoilianan, maliggai kabagat masiala katakkikat.

Jer. 6:13

Bulatnia, barania ka sigoiso pat aili ka sabeu katalagatda, sangamberitda masikukru uktuk, tai nabi samba tai imam sangamberitda masigalai patajuat le'.

Jer. 8:10

Kalulut nenda Kukakau le' geti sangamberi sinanalepda ka sirimanua sabagei, sangamberi monenda katubut sipaorei. Bulatnia te' barania ka sigoiso pat aili ka sabau, sangamberitda masikukru uktu; nabi samba imam leu, sangamberitda masigalaiake patajuat.

Jehz. 44:21

Tai imam ta'momoi mulo anggur, ke'raoba tuguru ka laibokat ka baga.

3Mos. 10:9

“Ke tuguru ekeu kabagat Sapou Paailiat, bui' nulo anggur ele lo simapuinengen, ekeu samba tatogam, bule bui' numatei. Nenda te sara siteuakenen teret buruburu kekeu teret mupaninikat.

Mik. 2:11

Nuoba' kam nabi sioba paboko samba pataju samba sioba masitoggaiji bule ibara anggur samba lo simapuinengen simalilimai.”

Mik. 3:11

Sautet laggai masiparentaake bule' ibara bulagat kaenungan sitaimaroipo samba tai imam masigalaiake' surukat Tuhan bule ibara upa, samba tai Nabi masitiddou enungan sibara ka Taikamanua, bule ibara bulagatdra. Iageti sangamberidra masipaatu si Tuhan ainia karubeiatdra. Kuadrangan, “Si Tuhan ainia katalagatta; taiorak sita paoreat.”

Mik. 3:5

Arapajongan sapaamianku tai nabi, sia siagai sipuaaili simeru katubutdra sipasikakau bulagat, masisaggangi samba masipaepe sirimanua sitaipasikakau. Kise te aipanibo si Tuhan katubutdra tai nabi,

Malk. 1:10

Kuanangan leu minca Tuhan Sipulugege “Maeru peile' kupatpatnake' matatbaliu lalepKu, aipoi siboboi le' nuobek ake kam obengan ka kudduat pasibuluat, ta koba' kam samba ta kusisilo buluakenenmui.

Mat. 21:13

Kuanangan ka matada Jesus, “Atusuratnakean, ‘Uma panindogat le tuoniake umangku.’ Tapoi anukau le kam nia ngaliura sipasiraraurau!”

Pugap. 20:33

Ta anai akukiddi perak ele mas ele leppeira kasei pa.

ROMA 16:18

Aipoi sirimanua kele nene ta Kristus Tuhanta rapuuku, balugura le. Samba kalulut tiboietda simananam samba paalakat baga rapataju sirimanua simalina paatuat.

EPESUS 5:18

Samba bui ipapuineng kam anggur, sikau kam makatai le poi; tapoi kau le isutnake kam Ketsat Sipunenan,

1Tes. 5:14

Kunana leu kai kam sasaraina, bule nunganturu kam sia sitaimalelek paraboat, pusuibi kam sia simagulai paatuat, romake kam simasaggo, omake kam bagamui ka sangamberi sirimanua.

1Tim. 3:8

Kisedda leu sia sipasirorom ka paamian, buita simalelek tubu, bui simaigi tiboiet, bui simaereu anggur, bui simaalau baga,

2Tim. 3:2

Aipoi sirimanua sarat mununtu baga ka tubudangan le, maalau baga ka bulagat, musosot titiboat samba mubuak paatuat, bailiu simaasa, ta masireddet eppu, taiagai musura baga, taipuuku arat,

Tit. 1:11

Sia nene buita tupetpetnake ngungunda, kalulut arapakataian lalep sirimanua gegelaiakera sitaipasese, masigaba uktuk simalolit.

Tit. 1:7

Aipoi sipaneinei paamian, kele sipasikeli lalep Taikamanua, buita si ta kuat tubu, bui simabuak paatuat, bui simagolu, bui simalo simapuinengen, bui simagege, bui simaalau baga,

Tit. 2:3

Kisedda leu et tainanalep simabaja, kau rapurimanua simasuru ka Taikamanua, bui masipakatai sabagei, bui simalo simapuinengen, tapoi siagai masinganturuake simaeru le,

Tit. 3:2

Bui masiasa sabagei, bui pajoggolo, tapoi mueru baga le samba muleppe baga ka sangamberi sirimanua.

Ibr. 13:5

Bui numaalau kam baga ka bulagat; kipa teret sibabara iangan te nupusasanangi kam. Aikuangan poi Taikamanua, “Bulat ta kuooreake ekeu samba bulat ta kukakaddiuake ekeu.”

Jak. 4:1

Kaipa kabaraiatnia pasaggangan samba pagolukat ka talagamui? Ta pa sibara ka pubotbonan sipauukele ka bagat tubumui?

1Ptr. 5:2

Jago kam sabiribirit Taikamanua sigoilik kam, bui siubbuakenen, ka teu baga le sipasesese ka Taikamanua; samba bui kalulut pasigagaba uktuk, ka oba le.

2Ptr. 2:3

Samba kalulut alau bagada tai guru sipatataju tiboirangan pumumuan pinabara ka kam masigaba uktukda. Tapoi ukuman ka tubuda amaujungan aimatarek samba kasubuatda taan tupabuburu.

Jud. 1:11

Paan te ka sia, aratutnake poi enungan Kain samba kalulut bulagat, ratutnake pupepeat Bileam, samba masubu sia kalulut pukelakat paatuat kele si Kora.

Pamoil. 1:9

Aku, Johannes, saraina samba aleimui ka bagat pugejaat baga, ka bagat Purimataat samba puoom baga masingenaake Jesus, ai aku ka nusa sipuoni Patmos kalulut tiboiet Taikamanua samba pasimunengan siaket Jesus.

1Sam. 8:3

Tapoi ta aratutnake paraboat ukkuira, tapoi sarat masikukru uktukda saratda le. Masisilo bulagat sibara ka enungan sitaimaroipo samba masiukum siberikabaga ka enungan sitaimaroipo.