1Tim. 2:9 - BUKO SIPUNENAN

⁹ Kisedda leu et tainanalep, bule rapalainge tubuda simateu, simasuru samba sipasesese, alai bui sinikai, bui masipakei mas ele inu ele leppei simakeppu saki.

1Tim. 2:9 Iomraidhean Croise

1Mos. 24:53

Iageti belakenangan bibilet, pulaingean perak samba mas, samba kaunangan sangamberini nenda kai Ribka. Ikau leuet ka kebbunia samba ka inania ikau panguruat simakeppu saki.

2Rim. 9:30

Sege si Jehu ka Jizreel. Kele aiarep sibabara si Izebel, palaingenangan alainia samba leu matania, lepa paloggounangan ka jandela.

Est. 5:1

Ka gogoi sika telu pupuasoatnia, leppeiakenangan si Ester leppei puririmatania, lepa einia ka gerat ka bagat uma purimataat samba purionangan ka ipot matatbaliu laibokat rimata. Ai mukukuddu rimata ka uddenan purimataat simatai ka matatbaliu nenda.

PSALMEN 149:4

Aipoi makiliu bagania si Tuhan ka paamianNia, Ikirini le sangamberi sirimanua simarepe paatuat pasamba puaraugat.

Pangt. 31:22

Galainangan ka sia permadaninia leppeinia simaalit baga samba simasuat laiket.

Pangt. 31:25

Leppeinia iate puroron samba pulatsanan, muga'ga le nia ka purimanuaiatnia ka gogoi sibabara.

Pangt. 7:10

Iageti oi sara sinanalep masiamiakenia, sipuleppei puoloman tubu sipupatuat sikatai;

Jes. 3:16

Kuanangan si Tuhan: “Kalulut amabuakngan patuatda tainanalep ka Sion samba muenung sia kabagat buak patutat, samba kabagat umun tubu, muenung sipakau bakkoura samba leu simajeneng letsut reretda,

Jes. 61:4

Rarioake le geti laggai simakakatai barania peile ka siburu, samba ragalai le geti minca sangamberi kudduat simatangeu barania peile ka siboiki; rababaugi le geti sangamberi laggai simabubukkat, sangamberi kudduat sikudduijietda siburu bailiu matangeu.

Jer. 2:32

Momoi leu pa' sara siokko ikalipogi pulalaingeannia, ele sara siokko siputatalimou ikalipogi akkik tengania? Tapoi paamianKu masikalipogi Aku, kateteret ta'an tuagai tuadde ujunia.

Jer. 4:30

Samba ekeu, sisubuakenen, aponia le' nugagalai, angoi nuleleppeiake leppei simabonan, masipalainge tubu pasamba pulaingean mas, masilokot calak ka matam? Siboboi le nupalainge tubum, aipoi sangamberi umunnakenennu ta'raoba ekeu, samba raoba peile ramataiake ekeu.

Mat. 11:8

Masiitco apa te nueei kam? Masiitco sirimanua sipuleleppei simaramo? Sipuleleppei simaramo geti ai le sia ka lalepda tai rimata.

1Tim. 2:10

Tapoi kau le ipalainge tubunia ka pasigagalai galajet simaeru, siripot simateu ka tainanalep simasuru ka Taikamanua.