1Tim. 2:7 - BUKO SIPUNENAN

⁷ Masimunengake nenda te aiturioake aku bailiu sipungangantoman samba apostel masigelaiake bangsa ta Jahudi ka pagalaiat tonem baga samba pubulanan. Sikuaku nene sibulatnia, ta bokoku.

1Tim. 2:7 Iomraidhean Croise

PSALMEN 111:7

Maroipo samba sineseat sigalai kabeiNia. Sangamberi surukatNia maron,

Sip. 1:12

Aku Sipungangantoman, iate rimatada tai Israel ka Jerusalem.

Sip. 7:27

Itcopei, nene le akusese, sikuat Sipungantoman: Aitusasaraake sisara ka bagei bule tusese pubulanan,

Joh. 7:35

Kuarangan tai Jahudi pasasambada, “Kaipa pa ieei, ta iooi tasese nia? Ioba pa mei ka tai Jahudi sipusasabu ka talagada tai Grika samba masipangantoman tai Grika?

Pugap. 14:27

Kele arasege sedda, ruruakerangan paamian, nunuakerangan sangamberi sigalai Taikamanua kalulut tubuda, samba bubukaakena enungan ka sipuarat sabulungan raputonem baga.

Pugap. 22:21

Kuanangan minca si Tuhan ka mataku, ‘Kenan le, aipoi ka bangsa bagei ka sareunan le kukokoiniake ekeu.’ ”

Pugap. 26:20

Tapoi kupoiliat le, boiki ka tai Jahudi sikuddu ka Damaskus, lepa ka Jerusalem samba ka sangalio Judea, samba leu ka sabangsa bagei, bule rabauake paatuatda samba ratoili ka Taikamanua, samba muparaboat siripot katubabau paatuat.

Pugap. 9:15

Tapoi kuanangan ka matania si Tuhan, “Kenan le, aipoi pugalai sipiliku le nia masipaarep oningku ka matada sipuarat sabulungan samba tai rimata samba leu ka bangsa Israel.

ROMA 1:9

Aipoi Taikamanua le, sireddetku ka sangamuinet paatuatku ka bagat masipaarep Katuareman Simaeru pagalaiat Togania, ia te simunengake taipuaarinia kurepdep kam senen panindogatku;

ROMA 10:14

Tapoi kipa iooi rasogai nia, ke ta rakatonemi nia? Kipa iooi rakatonemi nia, ke ta raarep pagalaiat nia? Kipa iooi raarep pagalaiat nia, ke ta anai sipaarep nia?

ROMA 11:13

Ka kam leu sibara ka bangsa bagei kukua ka matamui, kalulut apostel ka bangsa bagei poi aku, bulat kuaddeake le pulatsanan gaalajetku,

ROMA 15:16

ia te babailiuna aku pagugulet Kristus Jesus ka sabangsa bagei, masipasikeli Katuareman Simaeru sibara ka Taikamanua, bule sia sabangsa bagei bailiu buluakenen siloket Taikamanua, silinaakenen Ketsat Sipunenan.

ROMA 9:1

Bulat sibulatnia le kutitiboi ka bagat Kristus, ta kubobokoi. Bagai bagaku leu masimunengake ka bagat Ketsat Sipunenan,

1Kor. 9:1

Ta siujaakenen aku? Ta apostel aku? Ta akuitcoan Jesus, Tuhanta? Ta galajetku ka bagat Tuhan kam?

2Kor. 11:31

Iagai le Taikamanua, Ukkui Tuhan Jesus, umunakenen teret buruburu, ta kubobokoi.

Gal. 1:16

Teuakenangan ipoiliat Togania ka tubuku bule kupaarep nia ka talagat bangsa bagei. Oto beri goiso ta akupatiboiji ka sirimanua;

Gal. 1:20

Sangamberi sinuratnakenenku nene ka kam, bulat sibulatnia, iagai Taikamanua, ta kubobokoi.

Gal. 2:16

Tapoi kuagai ta maroroipo sirimanua kalulut pasigagalaiake Surukat, sarat kalulut tonem baga ka Kristus Jesus le. Ia te lulunia ka kai leu amatoneman bagamai ka Kristus Jesus, bule tuparoipo kai kalulut tonem baga ka Kristus, ta kalulut pasigagalaiake Surukat. Aipoi ta anai kasei pa momoi tuparoipo kalulut pasigagalaiake Surukat.

Gal. 2:9

Samba kele araitco kiliu baga sinegeakenen kaku, si Jakobus, si Petrus samba si Johannes, oniakenen sautet paamian, salamrangan aku samba si Barnabas, toggaiat pasambaat, bule kai mei ka sitaipususunat, sia geti ka sipususunat.

Gal. 3:9

Oto sia siputotonem baga, sia te tupanunukani sambada si Abraham simatonem baga.

2Tim. 1:11

Sibailiu sipaarep Katuareman Simaeru nene te samba apostel samba guru aiturioake aku.

2Ptr. 2:5

samba polak siburu ta aiinou Taikamanua, sarat si Noak le singantomanake puroipoat aipasikeli samba pitu sia sabagei, ka teteret aibaraake eba sabeu sitalu taikapolak sitaimareddet ka Taikamanua.