1Tim. 2:4 - BUKO SIPUNENAN

⁴ sibesiake bule sangamberi sirimanua tuarauake samba masisese puaagai pagalaiat pubulanan.

1Tim. 2:4 Iomraidhean Croise

Jes. 45:22

Toiliake kam katubukKu samba eddangan ituarauake kam, ale sangamberi tu'tut polak! Kalulut Aku te Taikamanua samba taanai sabagei.

Jes. 49:6

“Makopean le tata kekeu, sibailiu paguguletKu, iate masironake sangamberi muntogat Jakob samba masitoiliake sangamberi tai Israel siturerere tupasikeli. Tapoi Kugalaiake le ekeu geti ibailiu pato ka sangamberi bangsa bule puaraugat sibara katubukKu iaili ka tu'tut polak.”

Jes. 53:11

Lepat pangoringan tubunia itconangan geti pato samba bailiu masegenangan bagania; samba paguguletKu nenda, sibailiu sirimanua simatopit, sineseatakenangan sirimanua simigi kalulut sikut patuatnia, samba pukakaira bairatnangannia.

Jes. 55:1

Sita kam, ale sangamberi sirmanua simaonggou, konan kam samba lo kam oinan, samba ale sirimanua sitaanai bulagat, konan kam! Silo kam gandum sitasaki samba kom kam, kisedda leu et anggur samba susu sitasaki!

Jehz. 18:23

Kuoba pa kamateiat sirimanua sikatai? Kise te tiboiet Tuhan Taikamanua. Ta pa pasibaugat patuatnia le Kuoba bule ipurimanua?

Jehz. 18:32

Kalulut ta ioba bagakKu kamateiat sara sirimanua, kamateiat bulat siloketnia, kise te tiboiet Tuhan Taikamanua. Kalulut nenda, bauake kam patuatmui, bule nupurimanua kam!”

Jehz. 33:11

Kua katubutda: Kalulut Aku sipuririmanua, kise te tiboiet Tuhan Taikamanua, ta ioba bagakKu ka kamateiatda sirimanua sikatai, tapoi Kuoba le ibauake patuatnia sirimanua sikatai bule ipurimanua. Bauake kam patuatmui, bauake kam patuatmui ka purimanuaiatmui sikatai nenda! Angoian le numamatei kam, ale muntogat Israel?

Hab. 2:14

Tapoi kele' saisai bagat koat simasut oinan koat, kisedda leu te' polak isutnake' puaagai pagalaiat Tuhan samba gegeNia.

Mat. 28:19

Oto kenan kam ka sangamberi bangsa nubailiuake kam sia sipasiului aku. Rau kam sia ka onin Ukkui, Toga samba Ketsat Sipunenan.

Mrk. 16:15

Kuanangan ka matada, “Kenan kam ka sangalio polak, ngantomanake kam Katuareman Simaeru ka sangamberi sirimanua.

Luk. 1:77

masipaagai ka bangsania enungan puaragat sipubobongen ka katuappekat joda.

Luk. 14:23

Kuanangan si tuan ka matat pagugulet, ‘Kenan ka enungan sabeu samba ka bebet kekere, nana sia ratuguru, bule isun lalepku.

Luk. 24:47

Ia leu et ka oninia tupaarep pagalaiat katubaugat paatuat samba katuappekat jo ka sangamberi bangsa, tutaddaake barania ka Jerusalem.

Joh. 14:6

Kuanangan ka matania Jesus, “Aku te enungan samba pubulanan samba purimanuaiat. Ta anai sisesege ka Ukkui ke ta kalulut aku.

Joh. 17:17

Puneni sia ka bagat pubulanan; tiboietnu ia te pubulanan.

Joh. 6:37

Sangamberi siaket Ukkui kaku, ia te momoi kaku, samba kasei siooi kaku, ta kukekekele nia.

ROMA 11:14

ia te kepei moi kukau ramatutu baga sabangsaku siripot pusirimanuaat samba momoi kuarauake piga pa ka talagada.

1Tim. 4:10

Ia te tamomomoake tubuta samba tapauukele, atakaroningan poi Taikamanua sipuririmanua, Sipaarau sangamberi sirimanua, sara pei simatonem baga.

2Tim. 2:25

maleppe baga masinganturu simalawan, baleu ipanguruatnake Taikamanua ka sia katubaugat paatuat sikau sia masiagai pubulanan,

2Tim. 3:7

kenanen mariuriu rapasigelai, tapoi beri pei raagai pubulanan.

Tit. 1:1

Sibara kai Paulus, pagugulet Taikamanua samba apostel Jesus Kristus masipasikeli tonem bagada sirimanua sipilit Taikamanua samba puaagai pubulanan siripot aratta,

Tit. 2:11

Aipoi kiliu bagat Taikamanua siarauake sangamberi sirimanua amatoilaan.

Ibr. 10:26

Aipoi ke tapali bai mugalai jo, lepat atasilo puaagai pubulanan, taan te anai minca buluakenen pasiposat jo.

Jak. 3:14

Tapoi ke ai tutut baga samba masipuuktungi tubuna le ka paatuatmui, bui nuumunake kam tubumui samba bui nupaboko kam masisaggangi pubulanan.

2Ptr. 3:9

Ta ipauuju si Tuhan masigalaiake sikuania ka palelengannia kele pinaatuda sabagei; om bagania le ka kam, ta ioba ibara simalilimai, tapoi bule sangamberi le masibauake paatuat.

2Joh. 1:1

Sibara kaku paneinei paamian, masiailiake Ina sipilit Taikamanua samba tatogania bulat kanuntuat bagaku. Ta sarat aku masipununtuki kam baga, tapoi samba leu sangamberi sipasiaagai pubulanan,

Pamoil. 14:6

Lepa itcokungan sara malaika bagei tuburut ka talagat manua samba ai ka tubunia Katuareman Simaeru sitaitatata paaremennia ka matada sikuddu ka polak ia te ka senen bangsa samba muntogat samba nganga samba uma,