1Tim. 2:3 - BUKO SIPUNENAN

³ Nene poi simaeru, sipasesese ka matat Taikamanua Sipaarau sita,

1Tim. 2:3 Iomraidhean Croise

Jes. 45:21

Paagaiake samba kua kam paluluatnu, kauan, eddangan rapatibo sambatda: Kasei pa amasipaarep pagalaiat nene barania ka panandaatnia peile, samba amasipaagaiake barania peile ka siburu? Ta pa Aku, Tuhan? Taanai sabagei, taanai Taikamanua ke ta sibara Kaku! Taikamanua simaroipo samba Sipaarau, taanai sabagei ke ta Aku!

Luk. 1:47

ketsatku leu maangka baga kalulut Taikamanua Sipaarau aku,

ROMA 14:18

Aipoi kasei masipuuku Kristus kele kise, obaket Taikamanua le nia samba rasuru nia sirimanua.

Plp. 1:11

sun bua puroipoat, kalulut Jesus Kristus, katulatsanan samba katuumunan Taikamanua.

Plp. 4:18

Kineneiget akusiloan sangamberinia sibara ka kam, bulat amulegeian. Asutnan kaku kalulut akusilo sikoiniakenenmui siambit Epaproditus, ia te beu simasingin, buluakenen siloket samba obaket Taikamanua.

Kol. 1:10

imateu nupurimanua kam ka matania samba ioba bagania ka bagat sangamberinia samba mubua kam ka sangamberi galajet simaeru, samba muurau ka bagat puaagai pagalaiat Taikamanua,

1Tes. 4:1

Pasilepania sasaraina, kutiddou samba kunganturu kai kam ka bagat Tuhan Jesus, bule nupuparaboat kam kipa sigelaiakenenmai samba siobat bagat Taikamanua. Kirenangan anugalaiakean leu kam, tapoi bule memei makope pei le nugalaiake kam nia.

1Tim. 1:1

Sibara kai Paulus, apostel Kristus Jesus siripot patonekat Taikamanua, Sipaarau sita, samba Kristus Jesus, karonanta baga,

1Tim. 4:10

Ia te tamomomoake tubuta samba tapauukele, atakaroningan poi Taikamanua sipuririmanua, Sipaarau sangamberi sirimanua, sara pei simatonem baga.

1Tim. 5:4

Tapoi ke ai togania ele punuteteunia silumang nenda, siangan te boiki tukau masigelai masipuuku saeppuda samba masisiliake simaeru sigalai eppu samba sibubuada, nene poi siobat Taikamanua.

2Tim. 1:9

Nia le sipasiaarauake sita samba sipasisosogai sita pasogaiat sipunenan, ta kalulut sigalaita, sibara ka teu baga samba kiliu bagania le, sipanguruatnakenennia ka sita ka bagat Kristus Jesus enan tapei abara tetere,

Ibr. 13:16

Samba bui nukalipogi kam masigalai simaeru samba masikau paroman, buluakenen kele nene poi obaket bagat Taikamanua.

1Ptr. 2:20

Aipoi katuumun pa oniakenen ke kalulut jomui nuorik kam bobobo? Tapoi ke kalulut gagalaimui simaeru nuomake kam masiorik paoreat, nene te panukanan Taikamanua.

1Ptr. 2:5

Kam leu, kau tupakei kam kele bukku sipuririmanua pasiriot lalep puketsanan, bailiu kam imam sipunenan, masibuluake buluakenen puketsanan obaket Taikamanua kalulut Jesus Kristus.