1Tim. 1:5 - BUKO SIPUNENAN

⁵ Isiat nganturat ia te nuntut baga sibara ka paatuat simalina, samba agai baga simaeru samba tonem baga sipulelelek.

1Tim. 1:5 Iomraidhean Croise

PSALMEN 24:4

Sirimanua simalina kabei samba simalina patuat sitaipoake ka sitapaluluat samba sitaipusuppa ta sibulatnia.

PSALMEN 51:10

Eddangan kuarep angkat baga samba gorat baga, eddangan ipugerei minca tolatku simomoakenenNu!

Jer. 4:14

Palina le' paatuatnu ka pukakatai, ale Jerusalem, bule tupaarau ekeu! Pigangan le' ujunia ikuddu ka paatuatnu sangamberi isiat sikatai ka bagat paatuatnu?

Zep. 3:7

Kupaatu poi, “Kineneiget bulatnia sapamianku masisuru Aku samba ralelek ake' sangamberi paasekatKu. Bulatnia rarerepdep sigelaiakenen katubudda. Tapoi amatoila geti, makope le aragalai sikatai bele peile siboiki.

Mat. 12:35

Sirimanua simaeru masibelaake simaeru sibara ka paatuatnia simaeru; sirimanua sikatai masibelaake sikatai sibara ka paatuatnia sikatai.

Mat. 5:8

Mauktuk te sia simalina paatuat; raiitco poi geti Taikamanua.

Pugap. 15:9

samba ta iiggat sita ka sia, lepa ailinaake paatuatda kalulut tonem baga.

Pugap. 23:1

Ia geti kinerenangan sipurarapat si Paulus kuanangan, “Ale sasaraina, teret kineneiget siripot paatuat simalina le akupuparaboat ka matat Taikamanua.”

Pugap. 24:16

Ia te kuuubui tubuku murimanua simalina paatuat ka matat Taikamanua samba ka matat sangamberi sirimanua.

ROMA 10:4

Kristus le poi kalepakat Surukat, katuroipoatda senen simatonem baga.

ROMA 12:9

Bui patajuat punununtut baga! Kasitsitnake le kam sikatai, puottot kam ka simaeru.

ROMA 14:15

Ke bai kalulut komen nubaraake reureu bagat sarainam, taan te siripot nuntut baga puririmanuam. Bui nukau sarainam makatai lulut komennu, amateian poi Kristus lulunia.

ROMA 9:1

Bulat sibulatnia le kutitiboi ka bagat Kristus, ta kubobokoi. Bagai bagaku leu masimunengake ka bagat Ketsat Sipunenan,

1Kor. 13:1

Kenanen moi kupanibo ka sangamberi ngangan sirimanua samba ngangan malaika, ke ta anai kaku nuntut baga, makere le aku kele ngong sipunanau ele kateuba sipugogoilo.

2Kor. 1:12

Aipoi sikau kai maangka baga nene le: bagai bagamai masimunengake, puririmanuamai ka polak nene, sara pei ka bagat pasambaatmai ka kam simasuru samba ka linat paatuat sibara ka Taikamanua le akugalaiake kai nia, ta sikut paatuat sirimanua ka ron panguruat Taikamanua le.

Gal. 5:22

Buat Ketsat geti ia te: nuntut baga, angkat baga, aban, om baga, anggai baga, erut baga, topit,

Gal. 5:6

Aipoi ka bagat Kristus Jesus, musunat ele ta musunat, ta anai pagalaiatnia, sarat tonem baga simakokoinong ka bagat nuntut baga le.

5Mos. 10:12

“Kineneiget, kam sasaraina, lelekngake kam aponia besiakenen Tuhan Taikamanuamui ka tubumui: Kau nusuru kam Tuhan Taikamanuamui samba galaiake kam sangamberi parentaNia. Kau imakate bagamui ka tubuNia samba panindou kam ka tubuNia ka muinet paatuatmui.

1Tim. 1:18

Pasikelat nene kusegeake kekeu, togaku Timoteus, siripot sinibalaakenen siburu pagalaiat tubum, bule sibalat nenda ironake ekeu masipasaggakngake pasaggangan simaeru,

1Tim. 1:19

ka bagat tonem baga samba agai baga simalina. Ai piga pa sia sitaipuletsei bagai bagania simalina, oto lukke tonem bagada;

1Tim. 3:9

sipasikeli pakeleat tonem baga le ka bagat bagai baga simalina.

2Tim. 1:3

Sura le kukua ka Taikamanua, reddenenku ka paatuat simalina, kele sigalaiakenenda taikebbukatku. Aipoi ta muaari kurepdep ekeu ka bagat panindogatku sinago samba sinoibo.

2Tim. 1:5

Kalulut kurepdep tonem bagam simalina, kele tonem bagat sibubuam siburu si Lois samba inam si Eunike samba matonem bagaku, kisedda leu tonem bagam kekeu.

2Tim. 2:22

Kalulut nene areuake tubum ka pubotbonanda sibau tubu, kukuruake puroipoat, tonem baga, nuntut baga samba aban sambamui sia sipusosoga kai Tuhan sibara ka paatuat simalina.

Tit. 1:15

Ka sirimanua simalina sangamberinia le malina; ka sirimanua simalolit geti samba sitaimatonem baga beri sara simalina, aipoi paatuatda samba bagai bagada malolit le.

Ibr. 10:22

Oto talegeringan kam nia Taikamanua ka paatuat simalina samba ka tonem baga simaron, atupalinaan poi paatuatta ka pubabagai baga sikatai, samba tubuta atubuian oinan simalina.

Ibr. 13:18

Tiddouake kam kai simariuriu. Aipoi matonem bagamai maeru le bagai bagamai, kalulut sarat simaeru le koba kuparaboatnake kai.

Ibr. 9:14

sara pei logau Kristus; kalulut Ketsat sitaitatata aibuluakean tubunia si ta loloiet ka Taikamanua, ipalilina bagai bagata ka galajet siboboi, bule tasuru Taikamanua sipuririmanua.

Jak. 4:8

Legeri le kam Taikamanua, legerinangan leu kam. Linaake kam kabeimui, kam sirimanua sijo! Linaake kam paatuatmui, kam simarua paatuat!

1Ptr. 1:22

Anulinaakean poi kam ketsatmui ka purereddet ka pubulanan ioi nugalaiake kam nuntut baga simalina ka sasaraina, kauan sibulatnia nupanuntu kam baga pasasambamui sibara ka muinet paatuat.

1Ptr. 3:16

tapoi ka leppet baga samba loto le nualegi kam nia. Kau imalina paatuatmui, bule sia sipaloloi kam kalulut paraboatmui simaeru ka bagat Kristus, bailiu maila sia kalulut paloloiatda.

1Ptr. 3:21

Nenda te sibailiu pasikat pasiraukat sipunenan siarauake kam kineneiget; ta pasigolok lolit tubu, tapoi pasitiddou paatuat simaeru le ka Taikamanua kalulut katususurut Jesus Kristus,

1Ptr. 4:8

Tapoi sisaliu sangamberinia kau bulat panuntu kam baga pasasambamui, aipoi nuntut baga itabbo maigi jo.

2Ptr. 1:7

tuppai topit nuntut baga ka sasaraina, tuppai nuntut baga ka sasaraina nuntut baga ka sangamberi sirimanua.

1Joh. 3:10

Ka bagat nene le imatotoila putotogat Taikamanua samba putotogat Sanitu: Senen sitaigalaiake puroipoat, ta sibara ka Taikamanua, kisedda leu sitaimanuntu baga ka sarainania.

1Joh. 3:23

Samba nene le surukatnia: bule imatonem bagata ka onin Togania, Jesus Kristus samba panuntu sita baga pasasambata kele sitoneakenen Kristus ka sita.

1Joh. 3:3

Senen sipukakaronan kele nene ka Kristus, masipuneni tubunia, kele Kristus sipunenan.