1Tim. 1:10 - BUKO SIPUNENAN

¹⁰ sipuuumun, samba sipujojo pasasambada simanteu, silaba sirimanua, sipaboboko, sipasimumuneng boko samba apa pa bagei sisaggangi nganturat simalina,

1Tim. 1:10 Iomraidhean Croise

1Mos. 19:5

Pusogarangan katubut Lot: “Kaipa sia siooi katubum ka soibo nene? Ambit sia katubumai, bule kugalai kai siobat mbagamai katubutdra.”

1Mos. 37:27

Maeru peile tasakiakenia tai Ismael nenda. Ta'ta' bebesikinia. Kenanen kipa pa' ia leune bagitta.” Oto raoba leu masisilo sikuat sarainanda si Jehuda nenda.

1Mos. 40:15

Aipoi, siripokatnia siboiki aranangkou aku ka laggaira tai Heber samba sene leu et, ka Misir nene, ta'pei kuagai akugalai pukakatai pat guruake kabagat tangsi.”

2Mos. 20:7

Bui' nutiboi siboboi onin Tuhan Taikamanuam, iukumake poi sangamberi sitiboi oniNia siboboi.

2Mos. 21:16

Kenanen kasei masinangkou sara sirimanua buita tuukum ukum simateiakenen, kenanen sirimanua nenda aisakiakeannia ele ai peilenia ka lalepnia.

Hos. 10:4

Pugereirangan samba masigalai palelengan ta'sibulatnia samba leu masiparon palelengan sita'anai katukaunannia. Pabailokrangan surukat bailiu puroipoat mutu'tu kele siureman sipalalango ka mone silepa itupakru.

3Mos. 18:22

Bui' nupaperepake sara simanteu kele ipaperepake sinanalep, kalulut nenda katusitsinan.

3Mos. 20:13

Ke sara simanteu merep pasamba simanteu kele ipaperepake sinanalep, oto karuatda masigalaiake sara pukaka ai, buita tuukumake sia simateiakenen samba logaura tuorakake katubutda.

Zakh. 5:4

Si Tuhan Sipulugege masikua, pateleijat nenda tuorakngake le geti ka lalepdra senen sipananangkou samba ka lalepdra senen sirimanua sipususuppa ta sibulatnia. Sangamberi lalep nenda riuriu le iorak pateleijat nenda teret katai.”

Zakh. 8:17

Bui' nuisiake sikatai ka pasasambamui. Bui nupusuppa ta sibulatnia. Malaga bagaKu ka tubut boko samba sitaimaroipo samba pukakatai baga.”

Malk. 3:5

Kuanangan Tuhan Sipulugege, “Momoi te Aku ka tubumui bule kupasiukum. Ta'an mauju ibailiu Aku sipasimumuneng ka sia sipugagaut, sirimanua sigalai paelenan, simunengake boko, sigalai patajuat kapasikakau upa ka sirimanua upaet, sipajo tai lumang, tai lusai, samba sirimanua siooiake, ka sia sangamberi sirimanua sitaisuru' Aku.

Joh. 8:44

Sanitu le ukkuimui, samba siobat bagat ukkuimui le nuoba nugalai kam. Ka panandaatnia pei le sipasimamatei sirimanua le nia, beri pei puletseina pubulanan, ta poi anai pubulanan ka tubunia. Ke itiboi boko, sibara ka tubunia le ititiboi; simaboko le nia samba ukkui boko.

ROMA 1:26

Kalulut nene segeakenangan sia Taikamanua ka pubotbonan kailaakenen. Aipoi tainanalepda rasili le patabbarat tubu sipasesese ka sitaipasesese.

5Mos. 24:7

Sirimanua sipasinanangkou sirimanua pasasambatda sabangsania, lepa galaiakenangan ka tubunia kele sara pagugulet ele isakiakenia, bui' ta tuukumnia simateiakenen. Kisedda te nutata'ake kam pukakatai ka talagamui.

1Tim. 4:6

Ke nenda bai nunganturuake ka sasarainanta, bailiunangan ekeu pagugulet Kristus Jesus sipulelelek, siparimanuaake tiboiet putoneman baga samba nganturat simaeru situtnakenennu.

1Tim. 6:3

Ke ai kasei pa sigelaiake nganturat bagei samba ta siripot tiboiet simaeru sibara kai Tuhanta Jesus Kristus, samba ta siripot nganturat sipasesese ka aratta,

2Tim. 1:13

Ukkaake nganturat simaeru uluietnu siarepnu sibara kaku samba galaiake ka bagat tonem baga samba nuntut baga ka bagat Kristus Jesus.

2Tim. 4:3

Babara poi teterenia taan raoba sirimanua masisilo nganturat simaeru, tapoi raruruake le saguru siobat bagada masigelaiake sia siobat talinganda.

Tit. 1:13

Pasimunengan nene sibulatnia. Kalulut nene susui matada, ba pagugulai, bule ramaron mutonem baga,

Tit. 1:9

samba siometnake tiboiet simaeru siripot sigelaiakenen, bule ioi leu ipanganturu sirimanua mubongen ka nganturat simaeru samba masiase sipasilalawan.

Ibr. 13:4

Suru kam sangamberimui putatalimou samba bui nupalolit kam pereman; aipoi sipuuumun samba sipaeelet iuukum le sia Taikamanua.

Jud. 1:7

kele Sodom samba Gomora samba laggai ka bebenia, sigalaiake kele sigalaira samalaika masigalaiake puumunan samba masitut pubotbonan tubu sikatai, araorikngan paoreat api sitaipepee sibailiu repdemen ka sangamberi sirimanua.

Pamoil. 18:13

kulit manis, samba singinan iba, pasinginsingin, mur, kumanyang, anggur, tula, tapung simaailit, gandum, jaui samba biribiri, kuro samba kureta, sapagugulet samba engan sirimanua.

Pamoil. 21:27

Tapoi apa pa simalolit, ele sirimanua sigalaiake kasitsitnakenen ele boko, taan tuguguru ka bagania, sarat sia le sitususurat oni ka bagat buko purimanuaiat Togat Biribiri.

Pamoil. 21:8

Ka sia simaloto geti, sitaimatonem baga, simalolit, sipamamatei, sipaeelet, sipukekerei, sipanindogi buluat, samba sangamberi sipaboboko, rubeiatda ia te ka koat api samba belerang sipujujuluu; nene te kamateiat sikarua.”

Pamoil. 22:15

Tapoi sajojo geti, sipukekerei, sipaeelet, sipamamatei, sipanindogi buluat, samba sioba samba sigalaiake pabokoat, ka ulau kota le kudduatda.