1Tim. 1:1 - BUKO SIPUNENAN

¹ Sibara kai Paulus, apostel Kristus Jesus siripot patonekat Taikamanua, Sipaarau sita, samba Kristus Jesus, karonanta baga,

1Tim. 1:1 Iomraidhean Croise

PSALMEN 106:21

Kalipogirangan Taikamanua siarauake sia, sigalaiake galajet siabeu ka Misir:

Jes. 12:2

Bulatnia, Taikamanua nenda puaragatku, matonem bagaku taan maloloto aku. Aipoi Tuhan Taikamanua nenda ronku samba pasiumunku, aibailiuannia puaragatku.”

Jes. 43:11

Aku, Aku le Tuhan samba taanai sipaarau ke ta sibara Kaku.

Jes. 43:3

Kalulut Aku le Tuhan, Taikamanuam, Sipululatsat, Taikamanuan Israel, Sipaarau ekeu. Misir akubailiuakean silim Etiopia samba Syeba leu sibailiu silim.

Jes. 45:15

Bulatnia, Ekeu Taikamanua silipputake tubu, Taikamanuan Israel, Sipaarau.

Jes. 45:21

Paagaiake samba kua kam paluluatnu, kauan, eddangan rapatibo sambatda: Kasei pa amasipaarep pagalaiat nene barania ka panandaatnia peile, samba amasipaagaiake barania peile ka siburu? Ta pa Aku, Tuhan? Taanai sabagei, taanai Taikamanua ke ta sibara Kaku! Taikamanua simaroipo samba Sipaarau, taanai sabagei ke ta Aku!

Jes. 49:26

Kuubbuake le geti sangamberi sirimanua sipaorei ekeu rakom akkula'ra, samba mapuineng le sia geti kalulut ralo logaura, kele sirimanua simapuineng kalulut ralo anggur sibau, bule raagainia sangamberi sirimanua, Aku, Tuhan, iate Sipaarau ekeu samba Sitebui ekeu, Simakope ron, Taikamanuan Jakob.”

Jes. 60:16

Nupopot te geti susut tai bangsa, samba nulolo te geti susutda sagamberi purimataat. Iageti againungannia, Aku Tuhan, Sipaarau ekeu, sitebui ekeu sipulugege Taikamanuan Jakob.

Jes. 63:8

Ta pa aikuangan, “Bulatnia, sia te paamianKu, tatoga sitaipuparaboat geti sikatai.” Oto Nia ibailiu Sipaarau sia

Hos. 13:4

Kuanangan si Tuhan, “Aku te Tuhan Taikamanuam, siambit ekeu bela ka laggai Misir. Ta'anai Taikamanuamui bagei aku le. Aku te sarakku sipasiarau kam.

Luk. 1:47

ketsatku leu maangka baga kalulut Taikamanua Sipaarau aku,

Luk. 2:11

Gogoi nene, amututuan matat Sipaarau kam, ia te Kristus, Tuhan, ka laggai David.

Pugap. 9:15

Tapoi kuanangan ka matania si Tuhan, “Kenan le, aipoi pugalai sipiliku le nia masipaarep oningku ka matada sipuarat sabulungan samba tai rimata samba leu ka bangsa Israel.

ROMA 1:1

Sibara kai Paulus, pagugulet Jesus Kristus, sinogai bailiu apostel samba sisaraakenen masipaarep Katuareman Simaeru sibara ka Taikamanua.

1Kor. 1:1

Sibara kai Paulus, sinogai bailiu apostel Kristus Jesus ka teu bagat Taikamanua, samba sibara kai Sostenes sarainanta,

1Kor. 9:17

Ke teu bagaku le bai kugalaiake nene, mateu ibara upaku. Tapoi kugalaiake nia ta ka teu bagaku, pasikelat sinegeakenen ka tubuku le.

2Kor. 1:1

Sibara kai Paulus, sibailiu apostel Kristus Jesus ka teu bagat Taikamanua, samba sibara kai Timoteus sarainanta, masiailiake paamian Taikamanua ka Korintus samba sangamberi sipunenan ka sangalio Akhaya.

Gal. 1:1

Sibara kai Paulus, apostel ta sibara ka sirimanua, ele kalulut sara sirimanua, tapoi kalulut Jesus Kristus samba Taikamanua Ukkui le, sisuruake nia ka simamatei,

Gal. 1:11

Tapoi bule nuagai kam nia sasaraina, Katuareman Simaeru sipaarepku, ta katuareman sibara ka sirimanua.

Kol. 1:27

Ioba Taikamanua ipaagai nia ka tubuda kipa kayo samba latsatnia pakeleat nene ka talagat bangsa bagei, ia te: Kristus aian ka talagamui, karoniet masisilo pulatsanan.

2Tes. 2:16

Bule tubut Tuhanta Jesus Kristus samba Taikamanua Ukkuita, sipununtuki sita baga samba siake ka sita pusuibiat simatom samba pukakaronan simaeru, kalulut kiliu bagania,

1Tim. 1:12

Sura le kukua ka tubut sipasiroronake aku, Kristus Jesus Tuhanta, kalulut aiaddeake aku mateu samba isegeake pasikelat nene ka tubuku.

1Tim. 2:3

Nene poi simaeru, sipasesese ka matat Taikamanua Sipaarau sita,

1Tim. 2:7

Masimunengake nenda te aiturioake aku bailiu sipungangantoman samba apostel masigelaiake bangsa ta Jahudi ka pagalaiat tonem baga samba pubulanan. Sikuaku nene sibulatnia, ta bokoku.

1Tim. 4:10

Ia te tamomomoake tubuta samba tapauukele, atakaroningan poi Taikamanua sipuririmanua, Sipaarau sangamberi sirimanua, sara pei simatonem baga.

Tit. 1:3

samba ka tetere siteuakenennia aipatoilaan tiboietnia ka bagat pasipaareman Katuareman Simaeru sinegeakenen kaku siripot patonekat Taikamanua, Sipaarau sita.

Tit. 2:10

bui manangkou, tapoi kau le rapatoila sangamberi eru samba topit, bule kalulut kisedda ralatsatnake nganturat Taikamanua Sipaarau sita, ka bagat sangamberinia.

Tit. 2:13

ka tetere kineneiget ka bagat ai sita masingengena karonietta simasun puuktungan samba katutoilakat pulatsanan Taikamanua Sipulubeunan samba Sipaarau sita Jesus Kristus,

Tit. 3:4

Tapoi kele aimatoila anggai bagat Taikamanua, Sipaarau sita, samba nuntut bagania ka sirimanua,

Tit. 3:6

siuruakenennia taimagulai ka sita kalulut Jesus Kristus Sipaarau sita,

1Ptr. 1:21

Kalulut nia te anukatonemi kam Taikamanua sisuruake nia ka simamatei samba sipasilalatsatnake nia, bailiu Taikamanuangan le katonemietmui samba karonietmui.

1Ptr. 1:3

Tuumunake le Taikamanua, Ukkui Tuhanta Jesus Kristus, situtuake sita minca siripot beunan katet bagania, tapukaronan sipuririmanua lulut katususurut Jesus Kristus ka simamatei,

2Ptr. 1:1

Sibara kai Simon Petrus, pagugulet samba apostel Jesus Kristus masiailiake sia siputotonem baga kele laingen tonem bagamai kalulut puroipoat Taikamanua samba Jesus Kristus, Sipaarau sita.

1Joh. 4:14

Akuitcoan kai samba kumunengake kai kokoiniakena Ukkui Togania bailiu Sipaarau taikapolak.

Jud. 1:25

Taikamanua sisasara, Sipaarau sita kalulut Jesus Kristus, Tuhanta, ka tubunia le pulatsanan, pubeunanan, puroron samba gege, barania ka tetere siburu teret kineneiget samba teret buruburu. Amen.