1Tes. 4:8 - BUKO SIPUNENAN

⁸ Oto kasei sitataake nene, ta sirimanua aitataake, Taikamanua le aitataake, sipasiaake leu Ketsatnia sipunenan ka kam.

1Tes. 4:8 Iomraidhean Croise

Neh. 9:30

Senen rura nuommake le masiparepdep sia, ka tubut tai nabi, Ketsatnu manibo katubutdra. Tapoi paamianNu nenda rapetpet le talingandra, lepa kaunungan sia ka tai bangsa ka sangalio laggai.

2Mos. 16:8

Kuanangan minca si Mose, “Iake te si Tuhan komenmui akkula kateteret kasoibokat, samba roti katetere simansep pat maektekmuian, kalulut aiarepman si Tuhan ngunyu'mui katubuNia. Kalulut ke mungunyu' kam katubumai, katubut Tuhan le anupungunyu' kam.”

Pangt. 1:7

Loto ka Taikamanua, iate bakkat puaagai, tapoi sirimanua sitaiagai patuat masipaloloi sikut patuat samba nganturat.

Pangt. 23:9

Bui nupangantru sirimanua sitaiagai patuat, aipoi ta ipuleletsei nganturatnu.

Jes. 49:7

Kise te tiboiet Tuhan, Sitebui Israel, Taikamanuania bulat Sipululatsat, katubunia rakau paloloiat sirimanua, katubunia ramasitsit sangamberi bangsa, katubut paguguletda sibara gege: “Raitco le geti sigalaiKu tai rimata, lepa suru sia masitabi Aku, samba sangamberi siabeu tiboi tubu murekkuk le geti katubukKu kalulut Tuhan simariuriu topit kalulut Sipululatsat, Taikamanuan Israel, sipili ekeu.”

Jes. 53:10

Tapoi iobaake le si Tuhan itubo'bo samba itubesikinia. Ke isegeake tubunia sibailiu buluakenen pasitebui jo, itconangan geti muntogatnia, ramaburu murimanua, samba obaket Tuhan mariuriu kalulut nia.

Luk. 10:16

Lepa kuanangan Jesus ka matada sipasiuluinia, “Kasei iarepmake kam, aku le aiarepmake. Kasei sitaioba masisilo kam, aku le ta aisilo; samba sitaioba masisilo aku, sipasikokoiniake aku le ta aisilo.”

Joh. 12:48

Simamin baga ka tiboietku samba sitaisilo tiboietku, aian siukumake nia; tiboiet siniboiku, ia te iuukumake nia ka gogoi sialu.

Pugap. 13:41

‘Repdep kam, kam sioba paloloi, kiseiake kam, lepa malosemuian, aipoi kugalai sara galajet ka teteremui, galajet taikakatonemietmui, ke rasegeake nia ka kam.’ ”

ROMA 5:5

Samba pukakaronan ta ipabubuji baga, aipoi nuntut bagat Taikamanua atuurungan ka paatuatta kalulut Ketsat Sipunenan sipanguruatnakenen ka sita.

1Kor. 2:10

Ka sita geti aipatoilaan Taikamanua kalulut Ketsat; aipoi sangamberinia le irirituake Ketsat, beringan simalipput ka tubut Taikamanua.

1Kor. 7:40

Tapoi mauktuk pei le nia ke taan mutalimou nia, siripot sipaatuku. Samba ka pasipaatuku nene, ai leu ipalululu aku Ketsat Taikamanua.

2Kor. 1:22

sipasitotoggaiji sita samba sipasiaake Ketsat Sipunenan ka paatuatta pasironta ka sangamberi sinarekngakenennia ka sita.

Gal. 4:6

Samba tatogangan poi kam, koiniakenangan Taikamanua Ketsat Togania ka paatuatta, sisogaake, “Abba, Ukkuiku!”

1Ptr. 1:12

Aipoiliatnan Taikamanua ka matada, ta tubuda pasikelietda, kam le, ia te pagalaiat sipaarepda kineneiget ka kam sia sikoiniakenen Ketsat Sipunenan sibara ka sorga, masisegeake Katuareman Simaeru ka kam, ia te katuareman simakiddi ka bagada leu samalaika masiagai.

2Ptr. 1:21

tapei poi anai sibala sibara ka teu bagat sirimanua, sinubbui Ketsat Sipunenan le arapanibo sikoiniakenen Taikamanua.

1Joh. 3:24

Samba sipasirereddet surukatnia ka Taikamanua le ikuddu samba Taikamanua mukuddu ka tubunia. Samba kisedda te taaagai nia pukukuddut Taikamanua ka tubuta ia te kalulut Ketsat sipanguruatnakenennia ka sita.

Jud. 1:8

Kenanen kisedda sia simapangamutet nene rapalolit leu tubuda samba rapaloloi geget Taikamanua samba raasa siputubu simalatsat ka sorga.

1Sam. 10:19

Akubelaakean kam ka sangamberi pangoringan samba paoreat, tapoi kineneiget anukeraake kam Aku, Taikamanuamui, kalulut anutiddou kam bule Kuuddetnake sara sirimanua sibailiu rimatamui. Oto, paruru kam ka matakKu, Tuhanmui, siripot suku samba muntogatmui!”

1Sam. 8:7

samba kuanangan si Tuhan, “Arepmakean le sangamberi sitiddoura sirimanua nenda katubum. Aipoi ta ekeu arata'ta'ake, tapoi Aku le. Ta'an araoba Aku sibailiu rimatadatda.