1Tes. 4:1 - BUKO SIPUNENAN

¹ Pasilepania sasaraina, kutiddou samba kunganturu kai kam ka bagat Tuhan Jesus, bule nupuparaboat kam kipa sigelaiakenenmai samba siobat bagat Taikamanua. Kirenangan anugalaiakean leu kam, tapoi bule memei makope pei le nugalaiake kam nia.

1Tes. 4:1 Iomraidhean Croise

2Taw. 17:4

tapoi ipanindogi le Taikamanua. Mareddetnia ka sangamberi surukat Taikamanua samba puririmanuania ta kele tai rimata Israel.

Job 17:9

Sirimanua simatopit samba sitaimasele, ituppai le rakatonemi puteukat enungan purimanuaiatda katubut Taikamanua.

PSALMEN 92:14

sia siurepakenen ka uman Tuhan musinula le sia ka pugeratat Taikamanuanta.

Pangt. 4:18

Tapoi enunganda sirimanua simatopit kele torot sulu simanseman, makokope le toronia pat muine toronia imatago.

Joh. 15:2

Senen ratku sitaipububua igegetai le samba senen ran sipububua ilinaake, bule ituppai igit buania.

Pugap. 20:27

Aipoi ta akupakele masisegeake sangamberi kiddiet bagat Taikamanua ka matamui.

ROMA 8:8

Sia sipuririmanua siripot akkula, ta iooba sia Taikamanua.

1Kor. 11:23

Aipoi sinegeakenenku ka kam, siniloku sibara kai Tuhan le, ia te: Tuhan Jesus, ka soibot katusegekatnia, alanangan roti,

1Kor. 15:1

Kineneiget kuparepdep ka kam sasaraina pagalaiat Katuareman Simaeru sipaarepku ka kam, samba sinilomui, samba amaronan nupurio kam ka bagania.

1Kor. 15:58

Oto sasaraina kilibet bagaku, kau numaron kam, bui ipageugeu kam, samba kau imariuriu ngamangmui ka galajet Tuhan, nuagai poi kam, saggot tubumui ka bagat Tuhan ta musisiboboi.

2Kor. 10:1

Aku Paulus, kuanenda ai geti patutuggut mata ta maeme, tapoi ai geti paareu maeme kunganturu kam ka leppet baga samba erut bagat Kristus.

2Kor. 13:11

Pasilepania ale sasaraina, kau imaangka bagamui, besiake kam numaeru kam. Silo kam nganturatku. Kau musara paatuat kam, samba paaban. Ia geti Taikamanua bakkat nuntut baga samba paabanan masipaalei kam.

2Kor. 5:9

Ia te kubebesiake kai, ele ai kai ka bagat tubu nene, ele bela ka bagania, bule ioba kai si Tuhan.

2Kor. 6:1

Kalulut alei pagalaiakenen Taikamanua le kai, kupanganturu kai kam, bui nupasibbu kam kiliu bagat Taikamanua sinilomui.

Gal. 6:1

Ale sasaraina, ke ai tusese sara sirimanua sigalai sele, oto kam sinopsop Ketsat masipalulu nia ka enungan puroipoat ka bagat leppet baga; jago leu tubum kekeu, bui iorak ekeu pasisiboat.

EPESUS 4:1

Oto kutiddou ka kam – aku sipenjaraakenen kalulut Tuhan – bule nupuparaboat kam simateu siripot sirimanua sinogai Taikamanua.

EPESUS 4:20

Kam geti ta kisedda. Anugelaian kam masiagai Kristus.

EPESUS 5:17

Oto bui ibailiu kam taiagai paatuat, tapoi besiake le kam nuagai kam siobat bagat Tuhan.

Plp. 1:27

Sarat kau le siripot Katuareman Simaeru sibara ka Kristus puririmanuamui, bule ke moi aku itcokungan nia, ele ta moi aku arepkungan nia pagalaiat ron puririomui ka bagat sara ketsat, samba sisara paatuat masipaukeleake tonem baga sibara ka Katuareman Simaeru,

Plp. 1:9

Samba nene panindogatku, bule memei iuurau pei le nuntut bagamui samba puaagai samba sikut paatuat,

Plp. 3:14

samba pabalau masiailiake ailiakenen, bule kusilo panguruat, ia te pasogaiat sorga sibara ka Taikamanua ka bagat Kristus Jesus.

Kol. 1:10

imateu nupurimanua kam ka matania samba ioba bagania ka bagat sangamberinia samba mubua kam ka sangamberi galajet simaeru, samba muurau ka bagat puaagai pagalaiat Taikamanua,

Kol. 2:6

Anusiloan poi kam Kristus Jesus, Tuhanta, oto puparaboat kam ka bagania,

1Tes. 3:12

Samba bule Tuhanta masikau kam memei masusun samba ituppai ka bagat punununtut baga ka pasasambamui samba ka sangamberi sirimanua, kele kai leu masipununtuki kam.

1Tes. 4:2

Aipoi anuagaian kam aturan apa siakemai ka kam ka onin Tuhan Jesus.

1Tes. 5:12

Kutiddou kai kam sasaraina, bule nuagai kam sia sipusasaggo tubu ka talagamui, sipalulu kam ka bagat Tuhan samba sipanganturu kam;

2Tes. 1:3

Bulat mateu le kusuraki kai simariuriu Taikamanua kalulut kam, sasaraina. Imateteu ia te kalulut tonem bagamui memei iuurau samba nuntut bagamui ka pasasambamui memei itutuppai,

2Tes. 2:1

Pagalaiat kaoijanan Tuhanta Jesus Kristus samba parururuta ka matania, kutiddou kai ka kam sasaraina,

2Tes. 3:1

Kalepakatnia ale sasaraina, tiddouake kam kai, bule imararat tiboiet Tuhan samba itulatsatnake, kele ka kam leu,

2Tes. 3:13

Kam geti sasaraina, bui ingau kam mugalai simaeru.

1Tim. 5:21

Ka matat Taikamanua samba Kristus Jesus samba samalaika sipilinia kutoneake simaron ka matam: Lelekngake nganturat nene, bui ka goat baga samba galaiake sangamberinia si ta paigganan.

2Tim. 4:1

Ka matat Taikamanua samba Kristus Jesus sipasiuukumake geti sipuririmanua samba simamatei, samba kalulut momoi nia masipatoila Puririmatania, kupatone simaron kekeu:

Ibr. 11:6

Si ta tonem baga geti ta iooba nia Taikamanua. Kasei poi silegeri Taikamanua, buita ikatonemi kababarat Taikamanua, samba senen sipasigagaba nia ikakau upania Taikamanua.

Ibr. 13:16

Samba bui nukalipogi kam masigalai simaeru samba masikau paroman, buluakenen kele nene poi obaket bagat Taikamanua.

Ibr. 13:22

Kutiddou ka kam, sasaraina, bule nusilo kam ka erut baga nganturat nene, ta le poi mananta suratku nene ka kam.

2Ptr. 3:18

Kau le nupuurau kam ka bagat kiliu baga samba ka bagat pasiaagai Tuhan samba Sipaarau sita, Jesus Kristus. Ka tubunia le pulatsanan, kineneiget samba teret buruburu.

1Joh. 3:22

samba apa le tatiddou samba apa le tatiddou, tasisilo sibara ka tubunia, kalulut tareddet surukatnia samba tagalaiake obaket bagania.