1Tes. 3:9 - BUKO SIPUNENAN

⁹ Bulat abeu surat bagamai ka Taikamanua kalulut sangamberi angkat baga sinilomai kalulut kam ka matat Taikamanuanta.

1Tes. 3:9 Iomraidhean Croise

2Sam. 6:21

Aleginangannia si David, “Kupututuru iate masiabeuake si Tuhan, sikeraake ukkuinu samba sangalalepnia, lepa pilinangan aku sibailiu ute ka Israel, paamianNia. Kalulut nenda, muturu le aku masiabeuake si Tuhan.

2Taw. 31:8

Masiitco panguruat simigi nenda, Rimata Hizkia samba sipugagalai ka uma purimataatnia, umunrangan si Tuhan samba umunrangan tai Israel, paamianNia.

Neh. 9:5

Parurukat ka gogoi nenda rataddaake tai Lewi nene: Jesua, Kadniel, Bani, Hasabneya, Serebya, Hodia, Sebanya samba Patahya. Kuarangan, “Purio kam samba umun kam si Tuhan Taikamanuanta! Kau kam pasiumun ka tubuNia, teret buruburu! Umunake kam oniNia sisun pulatcanan, oni simaeru, sisaliu sangamberi umunen!”

PSALMEN 116:12

Kipa kusiliake katubut Tuhan sangamberi anggai bagaNia katubukku?

PSALMEN 68:3

Kele itata kujuk, kisedda te Nusabuake sia, kele ianau lilin ka bebet obengan, kisedda te ramatei sirimanua sikatai kamatat Taikamanua.

2Kor. 2:14

Tapoi sura le ka Taikamanua, simariuriu masimanangake kai ka bagat Kristus, samba kalulut kai ipatoila singinnia pasiaagai nia ka senen kudduat.

2Kor. 9:15

Sura le ka Taikamanua kalulut panguruatnia sitaioi tuaddeake.

5Mos. 12:18

Kam samba tatogamui, sapaguguletmui samba tai Lewi sikuddu ka laggaimui, bui'ta rakom panguruat nenda ka matat Tuhan Taikamanuamui, ka kudduat sipilit Tuhan Taikamanuamui, samba ka kudduat nenda bui' ta muangka kam baga ka lulut sangamberi sigalaimui.

5Mos. 12:2

Ke anugurukingan kam kupkumen laggai nenda, buita nupakatai kam sangamberi kudduat pasibuluatdra ka uddut leleu simabuak, ka patinambu-tinambu samba ka tei loina simalibbut buttet, kudduat bangsa sikukuddu sedda rapanindogi taikamanuandra.

5Mos. 16:11

Puangka kam baga ka matat Tuhan Taikamanuamui, ka kudduat sipiliNia, kam samba tatogamui, sapagugeletmui samba leu tai Lewi, sitoi, sita' ina, tai lumang sikuddu ka laggaimui.

1Tes. 2:19

Aipoi kasei poi karonan bagamai, ele puangkakat bagamai ele kirit katuumunanmai ka matat Tuhanta Jesus, ka kaoijanannia, ke ta kam?