1Tes. 3:8 - BUKO SIPUNENAN

⁸ Kineneiget amurimanuangan kai, kau le imariuriu nupurio kam ka bagat Tuhan.

1Tes. 3:8 Iomraidhean Croise

PSALMEN 30:5

Uraiake le kam urai kai Tuhan, ale sangamberi sirimanua simanuntu bagaNia, samba panguruatnake kam pusurakat ka oniNia sipunenan!

Joh. 15:4

Kau iottot kam ka tubuku, aku leu ka tubumui. Keleu ran ta momoi ipubua sarania ke ta iottot nia ka loinat anggur. Kisedda leu kam ta mububua kam, ke ta iottot kam ka tubuku.

Joh. 15:7

Ke iottot kam ka tubuku samba leu tiboietku iottot ka tubumui, apa le nutiddou kam siobamui, ta isosoppi nusilo kam nia.

Joh. 8:31

Lepa kuanangan Jesus ka matada tai Jahudi simatonem baga ka tubunia, “Ke mariuriu kam ka tiboietku, bulat sipasiului aku te kam,

Pugap. 11:23

Kele aisege sedda si Barnabas samba aiitco katet bagat Taikamanua, angka lepa bagania, tubbuinangan bagada ramariuriu sangamberida kai Tuhan ka muinet paatuat.

1Kor. 15:58

Oto sasaraina kilibet bagaku, kau numaron kam, bui ipageugeu kam, samba kau imariuriu ngamangmui ka galajet Tuhan, nuagai poi kam, saggot tubumui ka bagat Tuhan ta musisiboboi.

1Kor. 16:13

Pumata kam, murio simaron ka bagat tonem baga, magege samba riuriu ron!

Gal. 5:1

Bule tapuuja sipulelelek, ujaakenangan sita Kristus. Oto kau imaron nupurio kam, buian nuoba kam minca ibailiu kam pagugulet.

EPESUS 3:17

bule ipukuddu Kristus ka bagat paatuatmui kalulut tonem baga, nupuungat samba nupubongen kam ka bagat nuntut baga.

Plp. 1:21

Aipoi kaku murimanua ia te Kristus, samba matei ia te uktuk.

Plp. 1:27

Sarat kau le siripot Katuareman Simaeru sibara ka Kristus puririmanuamui, bule ke moi aku itcokungan nia, ele ta moi aku arepkungan nia pagalaiat ron puririomui ka bagat sara ketsat, samba sisara paatuat masipaukeleake tonem baga sibara ka Katuareman Simaeru,

Plp. 4:1

Kalulut nene sasaraina kilibet bagaku samba repdemenku, puangkakat bagaku samba kiritku, kau nupurio kam simaron ka bagat Tuhan, ale sasaraina kilibet bagaku.

Kol. 1:23

Kau le numariuriu kam ka bagat tonem baga, nyung le ta ipaguguilak, samba ba oba kam turitsi ka pukakaronan siarepmui ka Katuareman Simaeru, sikakaraakenen ka sangamberi sipuririmanua ka tei polak, samba sibailiu aku nene, Paulus sipasikeli nia.

1Tes. 3:7

kai leu sasaraina, bailiu tupusuibi ka bagat sangamberi gejat baga samba pangoringan kalulut kam samba kalulut tonem bagamui.

Ibr. 10:23

Kau imaron taukkaake pukakaronanta munengakenenta, simatopit le poi nia sipusisibala.

Ibr. 3:14

Aipoi amurubeiatnan sita ka bagat Kristus, sarat kau le imaron taometnake sikatoneminta panandaatnia teret kalepakatnia.

Ibr. 4:14

Aian poi ka sita Imam Sabeu Sipulubeunan, sigejengi sangamberi sorga, ia te Jesus, Togat Taikamanua, oto kauan imaron taukkaake pasimunengan tonem bagata.

1Ptr. 5:10

Tapoi Taikamanua bakkat sangamberi kiliu baga, sipasisosogai kam ka pulatsanannia sitaitatata ka bagat Kristus, nia le masipamumuine kam, masipangetnget, masiparon samba masipatonem kukuddumui, lepa nupasiorik kam goiso.

2Ptr. 3:17

Tapoi kam geti sasaraina kilibet baga, anuagaian kam sangamberinia nene. Oto pagaba kam, bui rapagirit kam ka bagat kapepeatda sitaiagai surukat, samba tujulut kam ka kudduatmui sipulelelek.

Pamoil. 3:11

Maruei le kuoi! Ukkaake le bakkatnu, bui bara kasei pa siala kiritnu.

Pamoil. 3:3

Oto repdep, kipa sinilonu samba siarepnu, ia te nurereddet samba bauake paatuatnu! Aipoi ke ta mumata ekeu, oikungan kele sipananangkou, ta te nuaagai jam piga kuoi ka tubum.

1Sam. 25:6

masiailiake si Nabal masisegeake paroroiat David katubunia. Koiniakenangan sia masikua kisene katubut Nabal, “Salam erut puririmanua katubum samba sikaumam samba leu sangamberi bakkatnu.