1Tes. 3:6 - BUKO SIPUNENAN

⁶ Tapoi kineneiget, kele aitoili si Timoteus barania ka kam samba aisegeake pagalaiat tonem bagamui samba nuntut bagamui samba riuriu topitmui masirepdep kai samba obamui paaili ka kai, kele obamai leu paaili ka kam,

1Tes. 3:6 Iomraidhean Croise

Pangt. 25:25

Kele oinan simaeru kateteret tumaonggou kisedda tusilo katureman simaeru sibara ka laggai simareunan.

Jes. 52:7

Apate lainge tuitconia sibara ka uddut leleu kaoijanan sipasiabbit katureman, sipaagaiake katuareman paabanan! samba sipakakra katuareman simeru, sipaagaiake katuareman puaraugat samba masikua katubut Sion: “Taikamanuam nenda iate Rimata!”

Pugap. 16:1

Riuriuakenangan puenunganannia si Paulus ka Derbe samba ka Listra. Sedda ai sara sipasiului sipuoni si Timoteus; inania tai Jahudi simatonem baga, ukkuinia geti tai Grika le.

Pugap. 18:1

Pasat nene tui si Paulus kaddiuakenangan Atena, ei nia ka Korintus.

Pugap. 18:5

Kele aioi si Silas samba si Timoteus barada ka Makedonia, muineakenangan paatuatnia si Paulus masipaarep tiboiet Taikamanua masimunengake ka tai Jahudi, Jesus ia te Kristus.

1Kor. 11:2

Bulat kuumunake kam, aipoi ka bagat sangamberinia mariuriu le nurepdep kam aku samba nuukkaake kam nganturat sigelaiakenenku ka kam.

1Kor. 13:13

Oto telunia nene te simariuriu: tonem baga, pukakaronan samba nuntut baga; tapoi bulat siabeunia geti ia te nuntut baga.

Gal. 5:6

Aipoi ka bagat Kristus Jesus, musunat ele ta musunat, ta anai pagalaiatnia, sarat tonem baga simakokoinong ka bagat nuntut baga le.

Plp. 1:8

Aipoi Taikamanua le sipasimumuneng kaku kipa pasirerepdepku kam sangamberimui ka katet bagat Kristus Jesus.

Kol. 1:4

kalulut aarepmai pagalaiat tonem bagamui ka Kristus Jesus samba pagalaiat nuntut bagamui ka tubuda sipunenan,

Kol. 4:18

Salam sibara kaku, Paulus. Salam nene bulat sinurat kabeiku. Repdep kam palengguiku. Kiliu baga masipaalei kam.

1Tes. 1:3

Aipoi sarat kurepdep le kai galajetmui ka bagat tonem baga, pusaggoatmui ka bagat nuntut baga samba om bagamui masikaroni Tuhanta Jesus Kristus ka matat Taikamanua Ukkuita.

1Tes. 2:17

Kai geti sasaraina, kenanen areu kai goiso ka kam – areu ka mata, ka paatuat geti ta areu – bulat amangeleian bagamai samba kubesiake kai masibalou kam minca.

1Tes. 2:9

Aipoi ai pei le nurerepdep kam sasaraina, galajet samba saggomai; sinago sinoibo le kupugalai kai, bui ibailiu kai bairanenda kasei pa ka talagamui, kupaarep kai Katuareman Simaeru ka kam.

1Tes. 3:7

kai leu sasaraina, bailiu tupusuibi ka bagat sangamberi gejat baga samba pangoringan kalulut kam samba kalulut tonem bagamui.

2Tes. 1:3

Bulat mateu le kusuraki kai simariuriu Taikamanua kalulut kam, sasaraina. Imateteu ia te kalulut tonem bagamui memei iuurau samba nuntut bagamui ka pasasambamui memei itutuppai,

1Tim. 1:5

Isiat nganturat ia te nuntut baga sibara ka paatuat simalina, samba agai baga simaeru samba tonem baga sipulelelek.

2Tim. 1:3

Sura le kukua ka Taikamanua, reddenenku ka paatuat simalina, kele sigalaiakenenda taikebbukatku. Aipoi ta muaari kurepdep ekeu ka bagat panindogatku sinago samba sinoibo.

Plm. 1:5

akuarep poi nuntut bagam ka tubuda sia sipunenan samba tonem bagam kai Tuhan Jesus.

Ibr. 13:3

Repdep kam sia sipenjaraakenen, addeake kam tubumui kele sambamui tupenjaraake. Samba repdep kam sia pinaorei, aipoi beri kam leu ai pei le kam muririmanua ka polak.

Ibr. 13:7

Repdep kam sia siuteake kam, sipasititiboi tiboiet Taikamanua ka kam. Lelekngake kam kalepakat purimanuaiatda samba ului kam tonem bagada.

1Joh. 3:23

Samba nene le surukatnia: bule imatonem bagata ka onin Togania, Jesus Kristus samba panuntu sita baga pasasambata kele sitoneakenen Kristus ka sita.