1Tes. 3:12 - BUKO SIPUNENAN

¹² Samba bule Tuhanta masikau kam memei masusun samba ituppai ka bagat punununtut baga ka pasasambamui samba ka sangamberi sirimanua, kele kai leu masipununtuki kam.

1Tes. 3:12 Iomraidhean Croise

PSALMEN 115:4

Sangamberi bulunganda perak samba mas le, sigalai kabei sirimanua,

Mat. 22:39

Sikarua simakere ka tubunia: Pununtuki baga aleinu sirimanua kele nuntut bagam ka tubum.

Mat. 7:12

Oto sangamberi kiddietmui ragalai sirimanua ka tubumui, ia leu te nugagalai kam ka tubuda; ia poi ne bagat Surukat samba suratda tai nabi.”

Luk. 17:5

Lepa kuarangan tai apostel ka matat Tuhan, “Tuhan, tuppai tonem bagamai.”

ROMA 13:8

Bui nupuutak kam apa pa ka tubut kasei pa, tapoi kau le nupanuntu kam baga pasasambamui. Kasei poi masipununtuki baga saalei, aigalaiakean bagat Surukat.

2Kor. 9:10

Tapoi Taikamanua sitarekngake karamen ka sipangangaram samba kan komenta, nia leu masitatarekngake karamen ka kam samba masiigiake samba masitutuake buat puroipoatmui;

Gal. 5:22

Buat Ketsat geti ia te: nuntut baga, angkat baga, aban, om baga, anggai baga, erut baga, topit,

Gal. 5:6

Aipoi ka bagat Kristus Jesus, musunat ele ta musunat, ta anai pagalaiatnia, sarat tonem baga simakokoinong ka bagat nuntut baga le.

Plp. 1:9

Samba nene panindogatku, bule memei iuurau pei le nuntut bagamui samba puaagai samba sikut paatuat,

1Tes. 2:8

Kisedda te kai, kopet kiliu bagamai ka tubumui, bulat kuoba kai masiparubei ka kam ta sarat Katuareman Simaeru sibara ka Taikamanua, tapoi samba tubumai, kalulut nuntut bagamai ka kam.

1Tes. 4:1

Pasilepania sasaraina, kutiddou samba kunganturu kai kam ka bagat Tuhan Jesus, bule nupuparaboat kam kipa sigelaiakenenmai samba siobat bagat Taikamanua. Kirenangan anugalaiakean leu kam, tapoi bule memei makope pei le nugalaiake kam nia.

1Tes. 5:15

Jago kam, bui ibara sisiliake katai silit katai, sarat simaeru le besiake kam nugalai kam ka pasasambamui samba ka sangamberi sirimanua.

2Tes. 1:3

Bulat mateu le kusuraki kai simariuriu Taikamanua kalulut kam, sasaraina. Imateteu ia te kalulut tonem bagamui memei iuurau samba nuntut bagamui ka pasasambamui memei itutuppai,

Jak. 1:17

Senen siloket simaeru samba panguruat sipulelelek sibara ka pata le, ka Ukkui pupatokat; ka tubunia ta anai pasiliat ele pasakkeriat kalulut pasiliat.

2Ptr. 1:7

tuppai topit nuntut baga ka sasaraina, tuppai nuntut baga ka sasaraina nuntut baga ka sangamberi sirimanua.

2Ptr. 3:18

Kau le nupuurau kam ka bagat kiliu baga samba ka bagat pasiaagai Tuhan samba Sipaarau sita, Jesus Kristus. Ka tubunia le pulatsanan, kineneiget samba teret buruburu.