1Tes. 3:10 - BUKO SIPUNENAN

¹⁰ Sinago sinoibo bulat ta magulai kutiddou kai bule momoi tapaaili kam samba masisutnake simagulai pei le ka tonem bagamui.

1Tes. 3:10 Iomraidhean Croise

Luk. 2:37

Sipululumangan le nia kineneiget, balu pulu epat ngarurangan bajania. Beri kaddiuakena Uman Taikamanua, sinago sinoibo mupuasao samba manindou masisuru Taikamanua.

Pugap. 26:7

samba sibala nene leu te rangengenaake muntogat bangsamai, ia te lulunia rasusuru Taikamanua ka sangamberi rotda sinago sinoibo. Kalulut tonem baga nenda te, rimata Agrippa ranganduake aku tai Jahudi.

2Kor. 1:15

Kalulut masikatonemi nenda te akubesiake masibalou kam ka panandaatnia, bule nusilo kam panukanan rua ngaoleat.

2Kor. 1:24

Ta masipaksa kam apa katonemietmui, alei sipasirorom kam ka puangkakat bagamui le; aipoi amurioan kam simaron ka bagat tonem bagamui.

2Kor. 13:11

Pasilepania ale sasaraina, kau imaangka bagamui, besiake kam numaeru kam. Silo kam nganturatku. Kau musara paatuat kam, samba paaban. Ia geti Taikamanua bakkat nuntut baga samba paabanan masipaalei kam.

2Kor. 13:9

Maangka le bagamai ke masaggo kai samba kam maron. Nene leu te tiddogetmai, bule imasun erumui.

Plp. 1:25

Kalulut masikatonemi nene agaikungan, mukukuddu pei le aku kupaalei kam sangamberimui, pasituppai katuerukatmui samba angkat bagamui ka bagat tonem baga,

Kol. 1:28

Nia te kupaarep kai, ke kunganturu kai senen sirimanua samba kugelai kai senen sirimanua ka bagat sangamberi sikut paatuat, masipalulu senen sirimanua simasun eru ka bagat Kristus.

Kol. 4:12

Salam ka kam sibara kai Epapras, ia te sara sibara ka talagamui, pagugulet Kristus Jesus, sitaitektek masitiddouake kam, bule imaron puririomui kele sikebbukat samba simasun putotonem baga ka sangamberi obaket Taikamanua.

1Tes. 3:11

Bule nia, Taikamanua Ukkuita le, samba Tuhanta Jesus masipolouake ka kai enungan moi ka kam.

2Tes. 1:11

Ia te imaririuriu kutiddouake kai kam, bule iaddeake kam Taikamanuanta mateu ka pasogaiatnia samba ka gegenia isutnake puoobamui masigalai galajet simaeru samba galajet tonem bagamui,

2Tim. 1:3

Sura le kukua ka Taikamanua, reddenenku ka paatuat simalina, kele sigalaiakenenda taikebbukatku. Aipoi ta muaari kurepdep ekeu ka bagat panindogatku sinago samba sinoibo.

Plm. 1:22

Ka bagat nene tarekngake pugogoiatku; kukaroni poi kalulut panindogatmui tutotoiliake aku ka kam.

Pamoil. 4:8

Epatnia sipuririmanua nenda senenda ai enem kappora, bokko tubuda samba ka isit ka baga sun mata; samba taipuaari le sia sinago samba sinoibo masikua: “Sipunenan, sipunenan, sipunenan le si Tuhan Taikamanua, Sipulugege, siturerere puririmanua, sipuririmanua samba siooi geti.”

Pamoil. 7:15

Ia te rapuririo ka matat uddenan purimataat Taikamanua masipuuku nia sinago sinoibo ka Umania Sipunenan. Samba nia sikuddu ka uddenan purimataat masisapogi sia.

1Sam. 12:23

Pagalaiat tubukku, bule ta majojo aku katubut Tuhan kalulut ta akupatiddouake kam. Tapoi aile kugelaiake kam pagalaiat katubulanan.