1Tes. 2:9 - BUKO SIPUNENAN

⁹ Aipoi ai pei le nurerepdep kam sasaraina, galajet samba saggomai; sinago sinoibo le kupugalai kai, bui ibailiu kai bairanenda kasei pa ka talagamui, kupaarep kai Katuareman Simaeru ka kam.

1Tes. 2:9 Iomraidhean Croise

2Rim. 6:2

Eddangan kuei kai masitadde loina ka bebet oinan Jordan, bule kugalai kai kudduatta sedda. Aleginangannia si Elisa, “Kenannan kam.”

Neh. 5:15

Sia tai Gubernur sipuboboiki kaku, aibailiuan sia bairanen rakyat, aipoi ratiddou le ka bagat sangagogoi 40 bulagat perak addeat komen samba anggur. Beringan sia leu sangamberi sipugagalai ka puparentaat gubernur leu et rapaoreiji le sarakyat. Tapoi kaku geti ta'kuoba masigalaiake kele nenda, kalulut maloto aku ka Taikamanua.

Neh. 5:18

Senen gogoi kupatarek le sangamuneng jaui, enem ngamuneng biribiri simamo'mo samba gougou leu et maigi, samba leu bagei, senen pulu ngagogoi kupatarek le anggur. Kenanen kasedda ta'kuoba masitiddou siripot siloket pugugubernurku, kalulut kuagai bairanenda sarakyat makopean le sane.

PSALMEN 32:4

Sinago sinoibo Nuoruki le aku kabeiNu simasane, rontubukku sapru kele ipotpotnia oloi sulu.

PSALMEN 88:1

Urai. Psalmen muntogat Korah. Ka sipasiuteake urai. Siripot urai: Mahalat Leanot. Urai panganturat Heman, tai Ezrahi.

Pangt. 31:18

Iagai mauktuk le nia ka sigalainia, ka sinoibo ta pepe alitonia.

Jer. 9:1

Ke'bai masun oinan ka ute'ku, samba mataku ibaili gugurunga elu, Iageti sinago samba sinoibo kusoibi le' saokkot bangsaku simateiakenen!

Luk. 18:7

Iangan pa Taikamanua, ta pa isisineseatnake sia sipilinia, sipusosoga ka matania sinago samba sinoibo, iooreake pa iromake sia?

Luk. 2:37

Sipululumangan le nia kineneiget, balu pulu epat ngarurangan bajania. Beri kaddiuakena Uman Taikamanua, sinago sinoibo mupuasao samba manindou masisuru Taikamanua.

Pugap. 18:3

samba kalulut makere le poi galajetda, pukuddurangan, pugalairangan sambada; pasasambada poi tukang tenda.

Pugap. 20:24

Tapoi beri goiso ta kupuletsei purimanuaiatku; itukappulu le eijatku samba kulepaake galajet siniloku kai Tuhan Jesus, masimunengake Katuareman Simaeru pukatekat bagat Taikamanua.

Pugap. 20:31

Oto pumata kam, repdep kam, telu ngarura burunia, taipuaari sinago sinoibo pagalu elu kupangantoman kam senemui.

ROMA 1:1

Sibara kai Paulus, pagugulet Jesus Kristus, sinogai bailiu apostel samba sisaraakenen masipaarep Katuareman Simaeru sibara ka Taikamanua.

ROMA 15:16

ia te babailiuna aku pagugulet Kristus Jesus ka sabangsa bagei, masipasikeli Katuareman Simaeru sibara ka Taikamanua, bule sia sabangsa bagei bailiu buluakenen siloket Taikamanua, silinaakenen Ketsat Sipunenan.

ROMA 15:19

sironakenen kerek samba kiseiet samba geget Ketsat Sipunenan. Kisedda te barania ka Jerusalem samba sangariringannia pat aili ka Ilirikum akupaarepman sangamuinenia Katuareman Simaeru pagalaiat Kristus.

1Kor. 4:12

kumomoake kai tubumai mugalai masigaba purimanuaiat. Rapakuaiji kai, kusukatnake kai sia; rapaoreji kai, tenan le kai omake;

1Kor. 9:15

Tapoi beri pakeiku nia gegeku nene. Samba akusuratnake nia sangamberinia nene, ta bule itugalaiake ka tubuku. Aipoi maeru pei le kumatei bui ibara kasei pa sitataake katuumunku nene.

1Kor. 9:18

Oto apa le upaku? Nene le upaku: ooina kupaarep Katuareman Simaeru si ta upa, samba taipapakeiku gegeku siripot sipaarep Katuareman Simaeru.

1Kor. 9:4

Ta pa anai gegemai mukom samba mulo?

2Kor. 11:27

Mareirei musaggo tubu samba mugalai simasane; mareirei ta merep; mulaje samba muoggou; mareirei mupuaso, mulopot samba ta muleppei.

2Kor. 11:9

Samba ka teteret akumageba ai aku ka talagamui, ta akugejaake bagada kasei pa, aipoi simagulai kaku, raake saalei siooi sibara ka Makedonia. Ka bagat sangamberinia kujago tubuku bui ibailiu aku bairanenmui, samba riuriu sarat kisedda kugagalai.

2Kor. 6:5

ka bagat masiorik bobobo, ka bagat penjara, ka bagat pugaugapat, ka bagat pusaggoat, ka bagat pumamata, ka bagat pupupuaso;

Plp. 4:16

Beri ai pei le aku ka Tesalonika, ta sangaminca, rua ngaminca anuake kam paromanmui kaku.

1Tes. 1:3

Aipoi sarat kurepdep le kai galajetmui ka bagat tonem baga, pusaggoatmui ka bagat nuntut baga samba om bagamui masikaroni Tuhanta Jesus Kristus ka matat Taikamanua Ukkuita.

1Tes. 2:2

Tapoi kenanen arapaoreian samba arapaloloian kai boiki ka Pilippi, kele siagaimui, tapoi aipaemengan kai Taikamanuanta masipaarep ka kam Katuareman Simaeru sibara ka Taikamanua ka bagat paukelat simasane.

1Tes. 2:6

ta leu et kubesiake kai katuumun sibara ka sirimanua, ele sibara ka kam, ele sibara ka sabagei, kenanen momoi kugalaiake kai nia siripot puaapostel Kristus-mai.

1Tes. 3:10

Sinago sinoibo bulat ta magulai kutiddou kai bule momoi tapaaili kam samba masisutnake simagulai pei le ka tonem bagamui.

1Tim. 1:11

siripot Katuareman Simaeru sibara ka Taikamanua simalatsat samba puuktungan sabeu, kele sinegeakenen Taikamanua kaku kupaarep nia.

1Tim. 4:10

Ia te tamomomoake tubuta samba tapauukele, atakaroningan poi Taikamanua sipuririmanua, Sipaarau sangamberi sirimanua, sara pei simatonem baga.

1Tim. 5:5

Silumang bulat sipululumang, si ta anai sipasikeli nia, Taikamanuangan le ikakaroni samba riuriu le nia masitiddou samba manindou sinago sinoibo.

2Tim. 1:3

Sura le kukua ka Taikamanua, reddenenku ka paatuat simalina, kele sigalaiakenenda taikebbukatku. Aipoi ta muaari kurepdep ekeu ka bagat panindogatku sinago samba sinoibo.