1Tes. 2:6 - BUKO SIPUNENAN

⁶ ta leu et kubesiake kai katuumun sibara ka sirimanua, ele sibara ka kam, ele sibara ka sabagei, kenanen momoi kugalaiake kai nia siripot puaapostel Kristus-mai.

1Tes. 2:6 Iomraidhean Croise

Est. 1:4

Enem ngalaggo ujunia rimata masitoilaake pukayoat lalep purimataatnia samba katuumunan samba leu pubebeunan purimataatnia.

Est. 5:11

Lepa panibonangan ka buak paatuatnia katubutda samba masitiboi igit pukayoatnia, igitdra tatogania simanteu, sangamberi pubebeunan tiboi tubu sinilonia sibara ka rimata, samba pangkatnia simakope buak bele pei sipugagalai sabagei.

Pangt. 25:27

Ta maeru mukom suat mani simigi, kisedda taimaerunia tukua tiboiet paumunan.

Dan. 4:30

kuakungan, “Itco, bulat makope lainge laggai Babel! Aku te sipasigalainia ibailiu inan tobbou laggai purimataatku addeat masipatoila gege samba puroronku, pubebeunan samba puaabeuku!”

Joh. 12:43

Umun sibara ka sirimanua pei le poi raoba bele pei umun sibara ka Taikamanua.

Joh. 5:41

Ta kubebesiake katuumun sibara ka sirimanua.

Joh. 5:44

Kipa te iooi imatonem bagamui, umun sibara ka pasasambamui le nugagaba kam, ta umun sibara ka Taikamanua sisasara nugagaba kam?

Joh. 7:18

Sipasititiboi sibara ka tubunia, ia te sibesiake umun ka tubunia; tapoi kasei sibaraake umun ka tubut sipasikokoiniake nia, ia te simaroipo, ta anai patajuat ka tubunia.

1Kor. 11:9

Samba ta kalulut sinanalep aitubaraake simanteu, tapoi kalulut simanteu le aitubaraake sinanalep.

2Kor. 13:10

Ia te lulunia kusuratnake surat nene ka kam, ai pei le aku areu ka kam bule ke aian aku ka talagamui, ta leu kugagalai simaoloi siripot gege sipanguruatnakenen Tuhan kaku masipaeru, ta masipakatai.

2Kor. 4:5

Aipoi ta tubumai kupaarep kai, Kristus Jesus le, nia poi Tuhan, kai geti paguguletmui kalulut Jesus.

Gal. 1:10

Siobat bagat sirimanua pa kugagaba kineneiget, ele siobat bagat Taikamanua? Ele masiala bagat sirimanua pa kugagaba? Ke masiala bagat sirimanua bai kugaba, oto ta pagugulet Kristus aku.

Gal. 5:26

Bui tapubeunan tubuta siboboi, paaggara pasasambata samba pasisi pasasambata.

Gal. 6:13

Beringan poi sia sipususunat, ta leu ragagalaiake Surukat; obara le nupusunat kam, bule ramaumun ka pagalaiat akkulamui.

1Tes. 2:9

Aipoi ai pei le nurerepdep kam sasaraina, galajet samba saggomai; sinago sinoibo le kupugalai kai, bui ibailiu kai bairanenda kasei pa ka talagamui, kupaarep kai Katuareman Simaeru ka kam.

1Tim. 5:17

Sipugagalai ka paamian simalelek pugagalai, mateu tuabeuake rua ngaoleat, sara pei sia sipusasaggo tubu mungantoman samba masigelaiake.