1Tes. 2:11 - BUKO SIPUNENAN

¹¹ Anuagaian kam, kele ukkui ka tatogania le kupanganturu samba kuparon kai kam senemui,

1Tes. 2:11 Iomraidhean Croise

1Taw. 28:20

Lepa geti kuanangan Rimata David minca kai Salomo togania, “Buita matonem bagam samba magege ekeu. Tadda te galajet nenda samba bui' makarat bagam katubut apapa leu et. Tuhan Taikamanua panindogietku masirop ekeu geti. Ta' ikakaddiuake ekeu geti. Nia masipaalei ekeu geti teret kapplu sangamberi galajet nenda.

1Taw. 28:9

Lepa kuanangan si David katubut Salomo, “Togakku kau te Taikamanua sipanindogiet ukkuinu, nusilo sibailiu Taikamanuam. Buita nupaguguletake tubum katubuNia ka linat patuat samba ka teu baga. Aipoi iagai sangamberi pinaatu samba obaket bagatta. Ke nugabaNia, sesenunganNia geti, tapoi ke nukaddiuakeNia, tata'akenangan ekeu addeat teret buruburu.

PSALMEN 34:11

Sangamberi singa sibau tubu masiorik pulajeat tapoi sangamberi sirimanua sipasigagaba si Tuhan taanai simagulai simaeru.

Pangt. 1:10

Ale togakku, ke rana'na ekeu sirimanua sikatai, bui nureddetnia.

Pangt. 1:15

Ale togakku, bui nututake paraboatda, bui nubakkouake rerem ka enunganda.

Pangt. 2:1

Ale togakku, ke nusilo nganturatku koiriake tiboietku kabagat patuatnu,

Pangt. 3:1

Ale togakku, bui nukalipogi apa sigelaiakenenku katubum, eddangan ipasikeli tiboietku patuatnu,

Pangt. 6:1

Ale togakku, ke ibailiu ekeu sipasilului utak aleinu, samba nugalai palelengan ka sabagei;

Pangt. 7:1

Ale togakku, ometnake tiboietku, samba koiriake nganturatku kabagat patuatnu.

Pangt. 7:24

Kalulut nenda, ale tatoga, arepi kam aku, lelekake kam sikuakku.

4Mos. 27:19

Koiniakenia ipurio ka matat Imam Eleazar samba ka sangamberi paamian. Samba paagainungan ka matatdra si Josua iate silim.

Luk. 16:28

Ai pei le poi lima sasarainangku, bule ipangantoman sia, bui raoi ka kudduat paoreat nene.’

Pugap. 20:2

Gejenginangan tobbou nene, samba lepa aikau nganturat simaigi masironake paatuatda sasaraina, ei nia ka Grika.

EPESUS 4:17

Oto kukua samba kumunengake nene ka kam ka bagat Tuhan: Buian nupuparaboat kam kele sipuarat sabulungan, sipaatu si ta galai;

5Mos. 3:28

Sarat kau le nupangantru si Josua. Paron paatuatnia, aipoi niangan le masiuteake bangsa Israel raei ka sila' raikepmake laggai siitconu nenda.”

5Mos. 31:14

Iageti kuanangan si Tuhan kai Mose, “Ta'an mabuburu nupurimanua. Oto, sogai si Josua samba abbitnia ka sapouKu, bule ioi kukau sangamberi enungan ka tubunia.” Lepa ei si Mose samba si Josua ka sapou Tuhan,

1Tes. 2:7

Tapoi muleppe baga le kai ka talagamui, kele ina masipasikeli tatogania.

1Tes. 4:1

Pasilepania sasaraina, kutiddou samba kunganturu kai kam ka bagat Tuhan Jesus, bule nupuparaboat kam kipa sigelaiakenenmai samba siobat bagat Taikamanua. Kirenangan anugalaiakean leu kam, tapoi bule memei makope pei le nugalaiake kam nia.

1Tes. 4:6

samba ka bagat nene bui ibara kasei pa sipajo samba sipataju sarainania ka bagat apa pa, aipoi si Tuhan le masisisiliake sangamberinia nene, kele sikuamai samba simunengakenenmai ka kam siboiki.

1Tes. 5:11

Oto kau nupanganturu kam pasasambamui samba pasopo pasasambamui, kele sigalaiakenenmui leu.

1Tes. 5:14

Kunana leu kai kam sasaraina, bule nunganturu kam sia sitaimalelek paraboat, pusuibi kam sia simagulai paatuat, romake kam simasaggo, omake kam bagamui ka sangamberi sirimanua.

2Tes. 2:5

Ta nurerepdep kam ka teteret ai pei le aku ka talagamui mareireian kukua pagalaiat nene?

2Tes. 3:12

Sirimanua kele nene kunganturu samba kujigi kai sia ka bagat Tuhan Jesus Kristus, bule rapugalai simemengmeng samba rakom katda sigabada sarada.

1Tim. 5:21

Ka matat Taikamanua samba Kristus Jesus samba samalaika sipilinia kutoneake simaron ka matam: Lelekngake nganturat nene, bui ka goat baga samba galaiake sangamberinia si ta paigganan.

1Tim. 5:7

Segeake nganturat nene ka sia bule rapurimanua si ta loloiet.

1Tim. 6:13

Ka matat Taikamanaua sipasikakau purimanuaiat ka sangamberinia samba ka matat Kristus Jesus simunengake pasimunengan simaeru ka matat Pontius Pilatus, kutoneake ka matam:

1Tim. 6:17

Nganturu sia simakayo ka polak nene, bui ramabuak paatuat, samba bui rapukaronan ka apa pa sitaimariuriu, kele pukayoat, Taikamanua le karoniet, sipasiaake ka sita sangamberinia ta anai gulai puuktungietta.

Tit. 2:15

Sangamberinia nene gelaiake, panganturu samba ase sirimanua sibara ka sangamberi ronnu. Bui rapaguileake ekeu kasei pa.

Tit. 2:6

Kisedda leu et tailainge, panganturu sia bule raagai masipaneinei tubuda ka bagat sangamberinia

Tit. 2:9

Sapagugulet kau ramareddet ka tai tuanda ka bagat sangamberinia samba raangkaake bagada, bui rasiddot sia,

Ibr. 13:22

Kutiddou ka kam, sasaraina, bule nusilo kam ka erut baga nganturat nene, ta le poi mananta suratku nene ka kam.

3Joh. 1:4

Ta anai sisaliu angkat bagaku ke kuarep puririmanuanda tatogaku ka bagat pubulanan.