1Tes. 1:5 - BUKO SIPUNENAN

⁵ Aipoi Katuareman Simaeru sipaarepmai ta sarat ka bagat tiboiet aitusegeake ka kam, tapoi ka bagat ron le samba ka bagat Ketsat Sipunenan samba katoneman le pubulanannia. Kirenangan anuagaian kam kipa puririmanuamai ka talagamui, kalulut kam.

1Tes. 1:5 Iomraidhean Croise

Jes. 55:11

Kise te tiboietKu sibebela ka ngungungKu: Ta totoilinia minca katubukKu siboboi, tapoi igalaiake le aponia obaket bagakKu, samba mariuriu le ka sangamberi sikoiniakenenKu katubunia.

Mrk. 16:20

Eirangan leu sipasiuluinia masipaarep Katuareman Simaeru ka senen laggai. Romakenangan sia si Tuhan, ronakenangan ngantomanda kalulut kerek sipaalei sia. [

Luk. 1:1

Teopilus tuan sabeu, Maigingan sia sitaddaake masisuratnake sipulelelek pagalaiat sibabara ka talagata.

Pugap. 11:21

Paaleinangan sia kabei Tuhan, maigirangan simatonem baga sitotoili kai Tuhan.

Pugap. 16:14

Ai sara ka talagada tainanalep nene oninia si Lidia, sibara ka laggai Tiatira, sisakiake komang simabonan, sirepdep loto ka Taikamanua; aibukaake paatuatnia si Tuhan ilelekngake tiboiet Paulus.

Pugap. 2:33

Lepa aitubuakngake nia isit kai kattoet Taikamanua samba aisilo Ketsat Sipunenan palelengan sibara ka Ukkui, uruakenangan nia kele siitcomui samba siarepmui kineneiget.

ROMA 1:16

Bulat tonem le bagaku ka Katuareman Simaeru, nia le poi ron Taikamanua masiarauake senen simatonem baga, boiki tai Jahudi samba bangsa bagei leu.

ROMA 15:13

Bule Taikamanua bakkat pukakaronan, masisutnake ka paatuatmui angkat baga samba aban ka bagat tonem bagamui, bule kalulut ron Ketsat Sipunenan memei iuurau pukakaronanmui.

ROMA 2:16

Sangamberinia nene matotoila geti ka gogoi sialu, ka teteret iukumake Taikamanua simalipput ka paatuat sirimanua kalulut Jesus Kristus, siripot Katuareman Simaeru sinegeakenenku.

1Kor. 1:24

Tapoi ka sia sinogai geti, ele tai Jahudi, ele ta tai Jahudi, Kristus ia te ron samba sikut paatuat Taikamanua.

1Kor. 10:33

Kele ke kaku kuangkaake bagada sangamberi sirimanua ka bagat sangamberinia, ta masibesiake puuktungan tubuku, tapoi uktukda sirimanua simigi le, bule rasese puaragat.

1Kor. 3:16

Ta nuagai kam, uman Taikamanua le kam, samba Ketsat Taikamanua mukuddu ka tubumui?

1Kor. 3:6

Aku masiurep, si Apollos masisubui, tapoi Taikamanua le masitututuake.

1Kor. 4:20

Aipoi Purimataat Taikamanua ta ka tiboiet, tapoi ka gege le.

1Kor. 9:14

Kisedda leu te aitoneake si Tuhan, sia sipaarep Katuareman Simaeru buita sibara ka pasipaareman Katuareman Simaeru ibara purimanuaiatda.

2Kor. 3:6

Nia le amasikau aioi aibailiu kai pagugulet pakerekat baga sibau, ta sibara ka surukat sinurat, sibara ka Ketsat le, aipoi surukat sinurat masimateiake le, tapoi Ketsat geti masirimanuaake.

Gal. 2:2

Eeiku nene siripot pamoilianan Taikamanua. Nganangakekungan ka matada paaarepku Katuareman Simaeru ka talagada bangsa bagei – tapoi ka patiboat sikokoiakenen ka sia saute le –, bui imasibbu pababalauku kineneiget ele ka silelepa.

Gal. 5:5

Aipoi ka bagat Ketsat le samba kalulut tonem baga tangenaake kam puroipoat karonietta.

EPESUS 2:10

Sigalai Taikamanua le poi sita nene, sibaraakenennia ka bagat Kristus Jesus masigalaiake galajet simaeru, sinarekngakenen Taikamanua kirenangan, bule tapuparaboat ka bagania.

EPESUS 3:20

Ka tubunia siooi masigalai sisaliu pei le ka sinindouta ele sipaatuta siripot ron sipugagalai ka bagata,

Plp. 2:13

Taikamanua le poi sibaraake ka bagamui puooba samba ioi nugalai kam siripot teu bagania.

Plp. 4:9

Samba apa sigelaimui, apa sinilomui, apa siarepmui samba apa siitcomui kaku, ia te nugagalaiake kam. Ia geti Taikamanua bakkat paabanan masipaalei kam.

Kol. 2:2

bule itupusuibi bagada, samba musara ka bagat nuntut baga, bailiu kope ron pukokolou samba puaagaira pakeleat Taikamanua, ia te Kristus.

1Tes. 2:13

Samba ia te lulunia ta muaari kusuraki kai Taikamanua lulut sisilomui tiboiet Taikamanua sipaarepmai, ta kele tiboiet sirimanua, tapoi – kirenangan – kele bulat tiboiet Taikamanua le nusilo kam nia, sipugagalai leu ka bagamui simatonem baga.

2Tes. 2:14

Masipuuktungi nenda te aisogai kam Taikamanua kalulut Katuareman Simaeru sipaarepmai, bule nubakkati kam pulatsanan Tuhanta Jesus Kristus.

2Tim. 2:10

Ia te kuoomake masiorik sangamberinia puuktunganda sia sipilit Taikamanua, bule rasilo leu puaragat ka bagat Kristus Jesus samba pulatsanan sitaitatata.

2Tim. 2:8

Repdep Jesus Kristus, sitususuru ka simamatei, sibara ka punuteteu David, ia te sipaarepku ka Katuareman Simaeru.

Ibr. 10:22

Oto talegeringan kam nia Taikamanua ka paatuat simalina samba ka tonem baga simaron, atupalinaan poi paatuatta ka pubabagai baga sikatai, samba tubuta atubuian oinan simalina.

Ibr. 6:11

Tapoi kiddietmai, bule nupakoinong kam senemui ngamang kele nenda, imamuine pukakaronanmui teret kalepakat,

1Ptr. 1:12

Aipoiliatnan Taikamanua ka matada, ta tubuda pasikelietda, kam le, ia te pagalaiat sipaarepda kineneiget ka kam sia sikoiniakenen Ketsat Sipunenan sibara ka sorga, masisegeake Katuareman Simaeru ka kam, ia te katuareman simakiddi ka bagada leu samalaika masiagai.

1Ptr. 1:3

Tuumunake le Taikamanua, Ukkui Tuhanta Jesus Kristus, situtuake sita minca siripot beunan katet bagania, tapukaronan sipuririmanua lulut katususurut Jesus Kristus ka simamatei,

1Ptr. 5:3

Ia leu et bui siputuan tubuna ka pasikelietnia, uluiet ka paamian le.

2Ptr. 1:10

Oto sasarainangku, besiake kam simakope bule memei maroron pasogaiat samba pamiliat Taikamanua ka kam. Aipoi ke nugalaiake kam nene, ta te bebele kam.

2Ptr. 1:19

Oto memei maroron ka kai tiboiet sinibalaakenenda tai nabi. Bulat maeru le nulelekngake kam nia kele nulelekngake kam alito siputotoro ka kudduat simagepgep teret imailau, samba ibela usutat simancep ka bagat paatuatmui.