1Ptr. 5:9 - BUKO SIPUNENAN

⁹ Ba pagugulai kam tubumui masisaggangi nia, ka tonem baga simaron, nuagai poi kam, paoreat kele nene ai leu raoorik sasarainamui ka sangalio polak.

1Ptr. 5:9 Iomraidhean Croise

Luk. 22:32

Tapoi akutiddouakean ekeu, bui itata tonem bagam. Samba ke aioleian bagam, kau nusopo sasarainam.”

Joh. 16:33

Sangamberinia nene kutiboi ka matamui, bule ibara ka kam abam kalulut puoottotmui ka tubuku. Ka polak nene paoreat le nuoorik kam, tapoi bui imakarat bagamui, akulaban taikapolak.”

Pugap. 14:22

Ronakerangan paatuatda sipasiului, pangantomanrangan sia ramariuriu ka bagat tonem baga, samba rakua, buita taorik le maigi gejat baga tatuguru ka purimataat Taikamanua.

1Kor. 10:13

Pasisiboat siorikmui, pasisiboat simareirei le, sitaisaliu ron sirimanua. Katoneman poi Taikamanua, ta ioobaake itusibo kam sisaliu ronmui. Ka teteret tusibo kam iaake enungan kabelaiat, oinangan nuom kam nia.

EPESUS 4:27

bui nukau kam oggak ka Sanitu.

EPESUS 6:16

Ka sangamberi sibabara pakei kam tonem baga korabbimui, kalulut korabbi nenda poi momoi nupeake kam silogui sibara api sipanaakenen Sanitu.

Kol. 2:5

Aipoi kenanen ta anai tubuku ka talagamui, tapoi ai le kupaalei kam ka bagat ketsat samba maangka bagaku masiitco lelek puririmanuamui samba ron tonem bagamui ka bagat Kristus.

1Tes. 3:3

bui bara kam simaguilak tonem baga kalulut pugejaat baga nene. Aipoi anuagaian kam, siteuakenen Taikamanua le nenda ka sita.

1Tim. 6:12

Patakaiake patakaiat tonem baga simaeru, lalau purimanuaiat sitaitatata; ia poi lulunia aitusogai ekeu, anumunengakean pei bagei pasimunengan simaeru ka matat maigi sipasimumuneng.

2Tim. 3:12

Kirenangan sangamberi sioba muarat ka bagat Kristus Jesus raoorik pangukurat.

2Tim. 4:7

Akupatakaiakean patakaiat simaeru, akukappuluakean ailiakenen, akupasikelingan tonem baga.

Ibr. 11:33

Sia nenda kalulut tonem baga, arakalaakean purimataat, ragalaiake puroipoat, rasilo sinibalaakenen, rapetpet ngungun singa,

Ibr. 12:8

Ke ta bara pakiroat ka kam kele siorikda senen sirimanua, oto ta bulat bakkat toga kam, tatoga ka bebe le.

Jak. 4:7

Oto pusum kam ka Taikamanua, saggangi kam Sanitu, kaddiuakenangan kam.

1Ptr. 1:6

Pugoraji kam baga pagalaiat nene, kenanen ka oggak nene murereureu pei le kam baga kalulut sene ngamata pasisiboat.

1Ptr. 2:21

Ia poi lulunia aitusogai kam, aipoi Kristus leu amasiorikngan lulumui, aigalakngakean uluietmui, bule nutut kam siperakatnia.

1Ptr. 3:14

Tapoi ke bai masiorik kam kalulut puroipoat, mauktuk le kam. Oto bui nukalotoake kam kalotoakenenda samba bui imakarat bagamui.

1Ptr. 4:13

Bailoknia, kau le imagora bagamui siripot rubeiat sinilomui ka bagat pangoringan Kristus, bule imagora leu bagamui samba maangka baga ka teteret ipatoila pulatsanannia.

Pamoil. 1:9

Aku, Johannes, saraina samba aleimui ka bagat pugejaat baga, ka bagat Purimataat samba puoom baga masingenaake Jesus, ai aku ka nusa sipuoni Patmos kalulut tiboiet Taikamanua samba pasimunengan siaket Jesus.

Pamoil. 6:11

Lepa kaurangan ka senenda leppei simabulau, samba tukua ka matada rapuari goiso teret isun taddera aleira pagugulet samba sasarainanda mateiakenen pei le kele sia.

Pamoil. 7:14

Kuakungan ka matania, “Tuanku, ekeu le siagai nia.” Kuanangan ka mataku, “Sia nene, ia te sibebela ka pugejaat baga sabeu; samba arabuian leppeira samba arabulauakean ka logau Togat Biribiri.